Knowledge Channel 🐿

‼️ August 17 ‼️
Edit : ပြီးဆုံး
ရေဘေးသင့် ပြည်သူတွေအတွက် ကျွန်တော်တို့ တတ်နိုင်သလောက် ဖေးမကူညီကြရအောင်...

မင်္ဂလာပါ စာဖတ်သူလေးတို့ရေ...

ဒီရက်ပိုင်း ရေဘေးသတင်းတွေ ကြားရတိုင်း ရင်ထဲမှာ တကယ်ကို မကောင်းဖြစ်ရပါတယ်။ အခုချိန်မှာ နေစရာအိမ်မရှိ၊ စားစရာ အစားအသောက်မရှိနဲ့ ရုတ်တရက် ဒုက္ခတွင်းထဲ ကျရောက်သွားကြတဲ့ ပြည်သူတွေ အများကြီး ရှိနေပါတယ်။ မြို့ကြီးတွေ၊ လမ်းပန်းဆက်သွယ်ရေး ကောင်းတဲ့နေရာတွေဆီကို အလှူရှင်တွေ ရောက်တတ်ပေမဲ့၊ အထူးသဖြင့် အလှူရှင်တွေ သိပ်မရောက်နိုင်တဲ့ စစ်ကိုင်းတိုင်းဘက်က ရွာငယ်လေးတွေဆိုရင် အခုချိန်မှာ အကူအညီတွေ အရမ်းကို လိုအပ်နေကြတာပါ။

အခု ကျွန်တော့်မိတ်ဆွေတွေဖြစ်တဲ့ မုံရွာက အစ်ကိုတွေက အဲ့ဒီလို အလှူရှင် အရောက်အပေါက်နည်းတဲ့ ရွာငယ်လေးတွေဆီကို ကိုယ်တိုင်သွားရောက်ပြီး ရေဘေးအလှူလေး လုပ်ကြမလို့တဲ့ဗျ။ အဲ့ဒါကြောင့် ကျွန်တော့်ဘက်ကလည်း အလှူငွေလေး ပါဝင်ကူညီပေးထားသလို၊ ကျွန်တော်တို့ ချယ်နယ်က စာဖတ်သူလေးတွေလည်း ကုသိုလ်ပါဝင်နိုင်ဖို့အတွက် တစ်ဆင့် ပြန်လည်မျှဝေပေးလိုက်တာ ဖြစ်ပါတယ်။

ငွေကြေးပမာဏ အများကြီးမှ မဟုတ်ပါဘူး။ ၅၀၀၊ ၁,၀၀၀ ကျပ်ကစလို့ မိမိ တတ်နိုင်သလောက် စေတနာအလျောက် ပါဝင်လှူဒါန်းနိုင်ပါတယ်ဗျ။ စာဖတ်သူလေးတို့ရဲ့ လက်ဖက်ရည်ဖိုး၊ မုန့်ဖိုးလေးတွေကို စုပေါင်းလိုက်ရင် တစ်ဖက်က ဒုက္ခရောက်နေသူတွေအတွက် ထမင်းတစ်နပ်စာ၊ ရေသန့်တစ်ဘူးစာ အသက်ဆက်ခွင့် ရသွားမှာပါ။

လာမယ့် ဩဂုတ်လ (၁၇) ရက်နေ့ လောက်မှာ သွားရောက်လှူဒါန်းကြမှာဖြစ်လို့ အလှူငွေလေးတွေကို အခုကတည်းက စတင် ထည့်ဝင်ပေးလို့ ရနေပါပြီခင်ဗျာ။

အသေးစိတ် ဆက်သွယ်မေးမြန်းရန်

Telegram:

https://t.me/lovely_ptpo16

https://t.me/Author_eric

တစ်ကျပ်တစ်ပြားကအစ တကယ်လိုအပ်နေတဲ့ ပြည်သူတွေဆီကို ကိုယ်တိုင်သွားရောက် လှူဒါန်းပေးမှာမို့ ယုံယုံကြည်ကြည်နဲ့ ပါဝင်လှူဒါန်းပေးကြဖို့ မေတ္တာရပ်ခံ တိုက်တွန်းလိုက်ပါတယ်ဗျာ။ အားလုံးပဲ ဘေးဘယာဝေးကွာပြီး စိတ်ချမ်းသာ ကိုယ်ကျန်းမာ ရှိကြပါစေ။

#FloodDonation #Sagaing #HelpEachOther

🎁 ကျွန်တော့်ရဲ့ လက်မှတ်ရေးထိုးထားတဲ့ စာအုပ်သစ် (၃) အုပ် Giveaway 🎁 စာဖတ်သူလေးတို့ရေ... ကျွန်တော့်ရဲ့ "ကျောခိုင်းထားသော ချစ်ခြင်းများ" စာအုပ်သစ်လေး ထွက်ရှိခြင်း အထိမ်းအမှတ်အနေနဲ့ စာအုပ် (၃) အုပ်ကို Giveaway ပေးမယ့် အစီအစဉ်လေး စတင်နေပြီနော်။ Spin Wheel လေးနဲ့…

မပြီးဆုံးသေးတဲ့ ဇာတ်လမ်းနဲ့ ဇူလိုင် (၁၉)

ဇူလိုင်လ (၁၉) ရက်နေ့ ရောက်တိုင်း ဥဩဆွဲသံတွေနဲ့အတူ နိုင်ငံတစ်ဝန်းလုံး တိတ်ဆိတ်ငြိမ်သက်သွားတတ်တာ ထုံးစံပါပဲ။ ဒီနေ့ဟာ ကျွန်တော်တို့ နှလုံးသားတွေထဲမှာ နှမြောတသဖြစ်ရတဲ့ လွမ်းဆွတ်ဖွယ်ရာ နေ့တစ်နေ့အဖြစ် အမြဲတမ်း ကမ္ပည်းတင်နေဆဲပါ။

ဒါပေမဲ့ ဒီနှစ် ဇူလိုင် ၁၉ ကိုတော့ ရိုးရာအစဉ်အလာ ဝမ်းနည်းခြင်းဆိုတဲ့ ထောင့်တစ်ခုတည်းကနေ ကျွန်တော် မကြည့်ချင်တော့ဘူး။ အတိတ်ကို လွမ်းဆွတ်ရုံသက်သက်ထက် အသက်ရှင်ကျန်ရစ်သူတွေရဲ့ တာဝန်ယူမှုဆိုတဲ့ ရှုထောင့်သစ်ကနေ တွေးကြည့်ချင်ပါတယ်။

အာဇာနည်ဆိုတာ ကိုယ့်အသက်ကို ပေးဆပ်သွားခဲ့တဲ့ သူရဲကောင်းတွေဆိုတာ မှန်ပါတယ်။ ဒါပေမဲ့ သူတို့ ပေးဆပ်ခဲ့တာဟာ ကျွန်တော်တို့တွေ အမြဲတမ်း မျက်ရည်ကျနေဖို့ မဟုတ်ပါဘူး။ သူတို့ ရေးလက်စ တန်းလန်းနဲ့ ချန်ထားခဲ့ရတဲ့ အနာဂတ်ဆိုတဲ့ စာအုပ်ကြီးကို ကျွန်တော်တို့ ဆက်ရေးဖို့ပါ။

သေနတ်ကျည်ဆန်တွေက သူတို့ရဲ့ ရုပ်ခန္ဓာကိုပဲ ဖျက်ဆီးသွားနိုင်ခဲ့တာပါ။ သူတို့ရဲ့ စိတ်ကူးတွေ၊ တိုင်းပြည်အပေါ်ထားတဲ့ စေတနာတွေကိုတော့ ဘယ်တော့မှ လုပ်ကြံလို့ မရခဲ့ပါဘူး။ အဲဒီ မသေဆုံးနိုင်တဲ့ စိတ်ကူးယဉ်အိပ်မက်တွေကို အကောင်အထည်ဖော်ရမယ့်သူတွေက အခု လက်ရှိ အသက်ရှင်နေတဲ့ ကျွန်တော်တို့ လူငယ်တွေပဲ မဟုတ်လား။

ကိုယ့်ရဲ့ နေ့စဉ်ဘဝမှာ ကိုယ်လုပ်ရမယ့် အလုပ်ကို အကောင်းဆုံး၊ အမှန်ကန်ဆုံး လုပ်နေတာဟာလည်း အာဇာနည်စိတ်ဓာတ်ပါ။

• စာဖတ်သူလေးက ကျောင်းသားဆိုရင် ပညာကို ကြိုးစားသင်ယူတာ

• အနုပညာရှင်ဆိုရင် ကိုယ့်အနုပညာနဲ့ လူ့အဖွဲ့အစည်းကို အကျိုးပြုတာ

• ကိုယ်တတ်နိုင်တဲ့ဘက်ကနေ အမှန်တရားဘက်မှာ မားမားမတ်မတ် ရပ်တည်တာတွေ

အားလုံးဟာ သူတို့ချန်ထားခဲ့တဲ့ အမွေကို ဆက်ခံနေတာဖြစ်ပါတယ်။

ဒါကြောင့် ဒီကနေ့ ဥဩသံတွေ ကြားရတဲ့အခါ ဝမ်းနည်းကြေကွဲရုံသက်သက် မဟုတ်ဘဲ

သူတို့ ချန်ထားခဲ့တဲ့ တာဝန်တွေကို ငါတို့ ဘယ်လောက်အထိ ထမ်းဆောင်နိုင်ပြီလဲ

ဆိုတာကိုပါ ကိုယ့်ကိုယ်ကိုယ် ပြန်မေးကြည့်စေချင်ပါတယ်။

ကျွန်တော်တို့ဟာ အတိတ်ကို သင်ခန်းစာယူပြီး အနာဂတ်ကို ဖန်တီးရမယ့်သူတွေပါ။ မျက်ရည်တွေအစား ခွန်အားတွေမွေး၊ သက်ပြင်းချသံတွေအစား ခြေလှမ်းသစ်တွေ လှမ်းရင်း ဒီခေတ်ကြီးထဲမှာ ကိုယ်တိုင်က အသက်ရှင်နေတဲ့ သူရဲကောင်းတွေ ဖြစ်အောင် ကြိုးစားကြဖို့ စာဖတ်သူလေးကို တိုက်တွန်းချင်ပါတယ်ခင်ဗျာ။

✍🏼 အက္ခရာ

#Haruki

🎓 GED Exam အတွက် အကောင်းဆုံး ပြင်ဆင်မှုတွေ လုပ်ချင်နေပြီလား 🎓

မင်္ဂလာပါ စာဖတ်သူလေးတို့ရေ...

GED ဖြေဆိုဖို့ ပြင်ဆင်နေတဲ့ ကျွန်တော့်လို ကျောင်းသားတွေအတွက် တကယ်ကို အကျိုးရှိစေမယ့် သတင်းကောင်းလေးတစ်ခု ယူလာပေးပါတယ်ခင်ဗျာ။ Exam အတွက် လိုအပ်တဲ့ Notes တွေ၊ မေးခွန်းပုံစံတူ Practice တွေနဲ့ သေချာလေ့ကျင့်ပေးမယ့် Teacher Mia ရဲ့ GED Preparation Class လေး လာပါပြီ။

📚 ဘာတွေ သင်ကြားပေးမှာလဲ?

▪️Intensive Class (၁ လ နဲ့ ၃ ပတ်): သင်တန်းပြီးတာနဲ့ စာမေးပွဲကို ယုံကြည်မှုရှိရှိ တန်းဖြေနိုင်အောင် သေချာလေ့ကျင့်ပေးမယ့် အတန်းပါ။ Concept တွေကို သေချာနားလည်အောင် သင်ပေးမှာမို့ အမှတ်ကောင်းကောင်း ရဖို့ကတော့ မြေကြီးလက်ခတ်မလွဲပါပဲ။

▪️Notes & Practice Group: ကိုယ့်ဘာသာကိုယ် Self-study လုပ်ပြီး Practice တွေပဲ သီးသန့် ပြန်လုပ်ချင်တဲ့သူတွေအတွက်လည်း သီးသန့် Group လေး ရှိပါတယ်ဗျ။

▪️Pre-GED + GED Class: အခုမှ GED ကို အခြေခံကစပြီး တက်မယ့်သူတွေအတွက်လည်း Foundation ကစပြီး သေချာသွားပေးမယ့် အတန်းလေး ရှိပါသေးတယ်။

💡 ဒီအတန်းရဲ့ အားသာချက်တွေက ဘာတွေလဲ?

စာမေးပွဲမှာ အခက်အခဲမရှိအောင်နဲ့ အတွေ့အကြုံရအောင်လို့ တကယ့် Exam ဖြေတဲ့အခါ ဘယ်လိုလေးတွေ လုပ်ရမလဲဆိုတာကို သေချာ မျှဝေလမ်းညွှန်ပေးသွားမှာပါ။

တချို့ Practice လေးတွေက Exam နဲ့ တိုက်ရိုက်တူတဲ့ ပုစ္ဆာလေးတွေ ဖြစ်နေတာမို့၊ ကံကောင်းရင် ကံကောင်းသလို ကိုယ့်ဆီမှာ လုံးဝအလားတူ မေးခွန်းလေးတွေ ကျလာနိုင်ပါတယ်နော် 😌💕

🎁 Special Discounts & Offers

🔥 Early Bird: ပထမဆုံး လာအပ်တဲ့ ကျောင်းသား (၁၀) ဦးအတွက် 20% OFF

🔥 Haruki's Special: ကျွန်တော့်နာမည် "Haruki" လို့ ပြောပြီး လာအပ်တဲ့သူတိုင်းအတွက် အထူးခံစားခွင့်အနေနဲ့ 10% OFF ရရှိမှာ ဖြစ်ပါတယ်။

🔥 Referral Bonus: ကိုယ့်ရဲ့ သူငယ်ချင်း မိတ်ဆွေတွေကို ညွှန်းပေးရင် ညွှန်းပေးသူအတွက် Cashback 10,000 MMK ရရှိမှာဖြစ်ပြီး၊ လာအပ်တဲ့ သူငယ်ချင်းအတွက်လည်း 5% OFF ထပ်ရဦးမှာပါ။

အတန်းတွေကို လာမယ့် ဇူလိုင်လ (၁၅) ရက်နေ့မှာ စတင်လက်ခံသွားမှာဖြစ်ပြီး၊ နေရာမပြည့်ခင် အခုကတည်းက ကြိုတင် Register လုပ်ထားလို့ ရနေပါပြီခင်ဗျာ။

စာမေးပွဲအတွက် အချိန်မဖြုန်းဘဲ ထိထိရောက်ရောက် ပြင်ဆင်ချင်တယ်ဆိုရင်တော့ အခုပဲ အောက်က အကောင့်ကို ဆက်သွယ်ပြီး စာရင်းသွင်းလိုက်ကြရအောင် 👇

📩 Contact to Register: https://t.me/your_boaeboae_Mia

Wish you luck! 🍀 အားလုံးပဲ အနာဂတ်အတွက် အကောင်းဆုံး ကြိုးစားပြင်ဆင်နိုင်ကြပါစေခင်ဗျာ။

#Haruki

မိုးကို တားလို့မရမှန်း သိပါတယ်... ဒါပေမဲ့ "ထီး" ဆောင်းပေးလို့တော့ ရတယ်လေ။ ☔️

ရိုးရိုးသားသား ဝန်ခံပါရစေ။ ဒီ "Healing Journey" ထဲမှာ ရက် ၃၀ လုံးလုံး စာရေးလိုက်လို့...

🌧 လမ်းခွဲသွားတဲ့ ချစ်သူက ပြန်ရောက်လာမှာ မဟုတ်ပါဘူး။

🌧 ကျောင်းစာတွေ၊ အလုပ်တွေက ပေါ့သွားမှာ မဟုတ်ပါဘူး။

🌧 မိသားစု ပြဿနာတွေက ချက်ချင်း ပြီးဆုံးသွားမှာ မဟုတ်ပါဘူး။

ကျွန်တော်တို့က "မိုး" ကို တားဆီးလို့မရပါဘူး။ ဒါပေမဲ့... မိုးရေထဲမှာ တုန်ရီပြီး မတ်တတ်ရပ်နေမလား၊ ဒါမှမဟုတ် "ထီး" လေးတစ်ချောင်း ဖွင့်ဆောင်းလိုက်မလား ဆိုတာတော့ ရွေးချယ်လို့ရပါတယ်။

ကျွန်တော် ဖန်တီးထားတဲ့ "30-Day Healing Journey" ဆိုတာ... စာဖတ်သူလေးအတွက် "ထီး" တစ်ချောင်းပါပဲ။

📜 ဒီခရီးစဉ်ဆိုတာ...

ဒါက သာမန် စာသင်တန်းတစ်ခု မဟုတ်ပါဘူး။ သင့်စိတ်ကို အနားပေးမယ့် "Digital Safe Space" (ဒီဂျစ်တယ် ပုန်းခိုရာ) တစ်ခုပါ။

❓ ဘာတွေ လုပ်ရမလဲ

ရိုးရှင်း၊ လွတ်လပ်၊ ပေါ့ပါးပါတယ်။

၁။ Topic ပေးမယ်

ကျွန်တော်က နေ့စဉ် "ခွင့်လွှတ်ခြင်း"၊ "ငယ်ဘဝ"၊ "အိပ်မက်" စတဲ့ ခေါင်းစဉ်ဆန်းဆန်းလေးတွေ ပို့ပေးမယ်။

၂။ စာရေးမယ်

စာဖတ်သူလေးက ကိုယ့်ရဲ့ ဒိုင်ယာရီစာအုပ်ထဲမှာ ၁၅ မိနစ်လောက်အချိန်ပေးပြီး ရိုးသားစွာ ရင်ဖွင့်ရေးသားရုံပါပဲ။

၃။ ကုစားမယ်

မပြောဖြစ်ခဲ့တဲ့ စကားတွေကို စာရွက်ပေါ် သွန်ချလိုက်တဲ့အခါ ရရှိမယ့် "ပေါ့ပါးလွတ်လပ်မှု" ကို ခံစားရမယ်။

🤔 ဒီခရီးစဉ်က ဘယ်သူတွေအတွက်လဲ

☑️ လူအများကြီးကြားမှာ နေရပေမယ့် အထီးကျန်နေသူတွေ။

☑️ "အဆင်ပြေပါတယ်" လို့ ဟန်ဆောင်ရတာ ပင်ပန်းနေသူတွေ။

☑️ ကိုယ့်စိတ်ကို ကုစားချင်ပေမယ့် ဘယ်ကစရမှန်း မသိသူတွေ။

☑️ နေ့စဉ် ၁၅ မိနစ်လောက် ကိုယ့်အတွက်ကိုယ် အချိန်ပေးချင်သူတွေ။

✨ ဘာကြောင့် ဒီနေရာလေးကို ရွေးသင့်တာလဲ

✅ No Zoom, No Pressure

အချိန်သတ်မှတ်ချက် မရှိပါ။ ညဘက် လူခြေတိတ်ချိန်မှ ဝင်ရေးမလား၊ မနက်စောစောမှ ရေးမလား... သဘောပါ။

✅ Safe Space

Telegram Private Channel ဖြစ်လို့ ဘယ်သူ့မျက်နှာမှ ကြည့်စရာမလိုဘဲ ကိုယကမ္ဘာလေးထဲမှာ နေလို့ရပါတယ်။

✅ Lifetime Access

တစ်ခါအပ်ထားရင် တစ်သက်လုံး ပြန်ဝင်ဖတ်လို့ရမယ့် "အမြဲတမ်း လက်မှတ်" ပါ။

✅ Certificate

ခရီးဆုံးတဲ့အခါ အမှတ်တရ "ဂုဏ်ပြုလွှာ" လက်ဆောင် ရယူနိုင်ပါတယ်။

💰 ဝင်ကြေး (Summer Special Offer)

• ပုံမှန်စျေး: ၁၅,၀၀၀ ကျပ်

• ယခု နွေရာသီ အထူးစျေး: ၅,၀၀၀ ကျပ် သာ​

(ကော်ဖီတစ်ခွက်ဖိုးနဲ့ သင့်စိတ်ကို လက်ဆောင်ပေးလိုက်ပါ)

မိုးမိပြီး ဖျားမနေပါနဲ့တော့။

ဒီမှာ လုံခြုံတဲ့ နေရာလေး ရှိပါတယ်။

ကိုယ့်ကိုယ်ကိုယ် ပြန်ချစ်ဖို့၊ ကိုယ့်စိတ်ကို ပြန်ရှာဖို့ အဆင်သင့်ဖြစ်ပြီဆိုရင်... အောက်က Admin အကောင့်ကို "Healing" လို့ စာပို့ပြီး အခုပဲ ထီးလာယူလိုက်ပါ။ 👇

📩 စာရင်းသွင်းရန်: https://t.me/Akayar_2007

(စာအုပ်တစ်အုပ်နဲ့ ဘောပင်တစ်ချောင်းတော့ အဆင်သင့် ပြင်ထားလိုက်နော်...)

ချစ်ခင်စွာဖြင့်
အက္ခရာ 🍂

#30DayHealingJourney #Akayar #UmbrellaForSoul #WritingTherapy #MentalHealth #SummerHealing

ပြက္ခဒိန်ပေါ်က အချစ်ကို ကိုးကွယ်နေကြသူများသို့

ဒီနေ့ Facebook ဖွင့်လိုက်တာနဲ့ ပန်းစည်းတွေ၊ ချောကလက်တွေ၊ ငွေစက္ကူပန်းကုံးတွေနဲ့ မျက်စိနောက်စရာကြီးနော်။ အချစ်ဆိုတာ "ပြပွဲ" တစ်ခုလိုပဲ... ဘယ်သူက ပိုကြီးလဲ၊ ဘယ်သူက ပိုများလဲ ပြိုင်ဆိုင်နေကြသလိုပဲ။

ကျွန်တော် မေးချင်တာ တစ်ခုပဲရှိတယ်။ အဲ့ဒီ ပန်းစည်းကြီးကို ပိုက်ပြီး ဓာတ်ပုံရိုက်တင်ဖို့လောက်ပဲ စိတ်ဝင်စားနေကြတာလား။

အိမ်က ထမင်းခွံ့ကျွေးခဲ့တဲ့ အဖေနဲ့အမေကိုကျတော့ "ချစ်တယ်" လို့ တစ်ခွန်းမဟဖူးဘဲ၊ မနေ့တစ်နေ့ကမှ လိုင်းပေါ်ကတွေ့တဲ့ လူစိမ်းကိုကျတော့ "မောင်မရှိရင် မနေနိုင်ဘူး၊ သည်းမရှိရင် သေပါတော့မယ်" ဆိုပြီး အသက်ပေးမတတ် ဖြစ်ပြနေကြတာ...ပြန်တွေးကြည့်ရင် ရယ်ချင်စရာ မကောင်းဘူးလား။

တကယ့်မေတ္တာဆိုတာ 💌

ဖေဖော်ဝါရီ (၁၄) တစ်ရက်တည်း သက်တမ်းရှိတာ မဟုတ်ဘူး စာဖတ်သူလေးတို့ရေ။

ဒီနေ့မှာ ပန်းမရလို့၊ ချောကလက်မစားရလို့ ဝမ်းနည်းနေမယ့်အစား... ကိုယ့်ဘဝကို ကိုယ်တိုင် ဘယ်လောက်တန်ဖိုးထားသလဲဆိုတာကို အရင်ပြန်မေးကြည့်လိုက်ပါ။

🥀 ပန်းစည်းက သုံးရက်နေရင် ညှိုးသွားမှာ။

🍫ချောကလက်က စားပြီးရင် ပြီးသွားမှာ။

အဲ့ဒီအရာဝတ္ထုတွေမပါဘဲ ကိုယ့်ကို တကယ်ချစ်တဲ့သူက ဘယ်သူလဲဆိုတာကို မျက်မှန်စိမ်းတပ်ပြီး သေချာကြည့်တတ်ဖို့ လိုပါလိမ့်မယ်။

ပြက္ခဒိန်ရက်စွဲတစ်ခုကို ကိုးကွယ်မနေပါနဲ့။

အပေါ်ယံ အခွံတွေကို ခွာချပြီး တကယ့်အနှစ်သာရကို ရှာဖွေတတ်တဲ့ လူတစ်ယောက် ဖြစ်ပါစေ။

P.S.

ဒီစာကိုဖတ်ပြီး 'မရလို့ ပြောတာလား' လို့ တွေးမယ့်အစား... 'ငါရော အိမ်ကမိဘကို ချစ်တယ်လို့ ပြောပြီးပြီလား' လို့ ကိုယ့်ကိုယ်ကိုယ် အရင်ပြန်မေးကြည့်ပါ။

✍️ အက္ခရာ (14.2.2026)

#Haruki

ဗိုလ်ချုပ်မဖတ်လိုက်ရတဲ့ စာမျက်နှာများ

ဒီနေ့ ဖေဖော်ဝါရီ (၁၃)။

လူတိုင်းကတော့ ဒါကို ဗိုလ်ချုပ်မွေးနေ့လို့ပဲ မြင်ကြမယ်။ ကျွန်တော်ကတော့ ဒီနေ့ကို "စာဖတ်သမားကြီးတစ်ယောက် မွေးဖွားလာခဲ့တဲ့နေ့" လို့ပဲ မြင်မိတယ်။

ဗိုလ်ချုပ်အောင်ဆန်းဆိုတာ သေနတ်မကိုင်ခင်ကတည်းက စာအုပ်ကိုင်ခဲ့တဲ့သူပါ။ ပဲပြုတ်နဲ့ နံပြားစားချင်တဲ့စိတ်ကို အောင့်အီးပြီး အဲ့ဒီပိုက်ဆံနဲ့ စာအုပ်ဝယ်ဖတ်ခဲ့တဲ့ လူငယ်တစ်ယောက်ပါ။ သူ့ဘဝရဲ့ အရေးကြီးဆုံး ဆုံးဖြတ်ချက်တွေ၊ နိုင်ငံအတွက် အပြောင်းအလဲတွေအားလုံးဟာ သူဖတ်ခဲ့တဲ့ စာအုပ်တွေထဲကနေ မြစ်ဖျားခံခဲ့တာလို့ ယုံကြည်တယ်။

တကယ်လို့များ... တကယ်လို့များသာ ဗိုလ်ချုပ်သာ အသက်ရှည်နေဦးမယ်ဆိုရင် အခုအချိန် သူ ဘာလုပ်နေမလဲ။ သေချာပါတယ်... သူ စာတွေ ရေးနေဦးမှာပါ။ နိုင်ငံရေးအငြိမ်းစားယူပြီး သူ့ဘဝကို စာဖတ်ရင်း၊ စာရေးရင်း ကုန်ဆုံးသွားချင်တယ်လို့ သူပြောဖူးတယ်လေ။

ဒါပေမဲ့ ကံကြမ္မာက မျက်နှာသာမပေးခဲ့တော့ သူ ဖတ်ချင်ရက်နဲ့ မဖတ်လိုက်ရတဲ့ စာအုပ်တွေ၊ သူရေးချင်ရက်နဲ့ မရေးလိုက်ရတဲ့ စာအုပ်တွေ အများကြီး ကျန်ခဲ့ရှာတယ်။

ဒါကြောင့် ဒီနေ့ သူ့မွေးနေ့မှာ ကျွန်တော်တို့ Black White Library က စာဖတ်သူလေးတွေကို လက်ဆောင်ပေးချင်တဲ့ မွေးနေ့လက်ဆောင်စကားကတော့ တစ်ခွန်းတည်းပါ။

ဗိုလ်ချုပ် မဖတ်လိုက်ရတဲ့ စာမျက်နှာတွေကို

ကျွန်တော်တို့ ဆက်ဖတ်ကြမယ်။

သူ မရေးဖြစ်ခဲ့တဲ့ အိပ်မက်တွေကို

ကျွန်တော်တို့ ဆက်ရေးကြမယ်။

စာအုပ်တစ်အုပ်က လူတစ်ယောက်ရဲ့ အမြင်ကို ပြောင်းလဲပေးနိုင်သလို၊ အဲဒီလူကနေတစ်ဆင့် တိုင်းပြည်ကိုပါ ပြောင်းလဲပစ်နိုင်တယ်ဆိုတာ ဗိုလ်ချုပ်က သက်သေပြခဲ့ပြီးပြီပဲလေ။

ကဲ... စာဖတ်သူလေးရော... ဒီနေ့ ဗိုလ်ချုပ်မွေးနေ့မှာ ကိုယ့်ကိုယ်ကိုယ်ရော၊ တိုင်းပြည်အတွက်ပါ အသိဉာဏ်တိုးစေမယ့် စာအုပ်ကောင်းလေးတစ်အုပ်လောက် စဖတ်ကြည့်ကြမလား။

Happy Birthday ပါ ဗိုလ်ချုပ်...။

✍️ အက္ခရာ (BW Library)

#black_white_Library