សាកលវិទ្យាល័យធនធានមនុស្ស (HRU-HUMAN RESOURCE UNIVERSITY)

ចំណាប់អារម្មណ៍សិក្ខាកាមរៀនមុគ្គទេសក៏ទេសចរណ៍នៅសាកលវិទ្យាល័យធនធានមនុស្ស

កិច្ចប្រជុំត្រួតពិនិត្យ តាមដាន វាយតម្លៃការងារប្រចាំសប្តាហ៍ទី៣ ខែសីហា និងរៀបចំទិសដៅការងារគន្លឹះ នៃសាកលវិទ្យាល័យធនធានមនុស្ស
------------------------
នារសៀលថ្ងៃសុក្រ ៩កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២១ ខែសីហា ឆ្នាំ២០២៦ លោកសាស្រ្តាចារ្យបណ្ឌិត ជា សុភាព សាកលវិទ្យាធិការ នៃសាកលវិទ្យាល័យធនធានមនុស្ស បានអញ្ជើញដឹកនាំកិច្ចប្រជុំត្រួតពិនិត្យ តាមដាន វាយតម្លៃ និងដោះស្រាយការងារប្រចាំសប្តាហ៍ទី៣ ខែសីហា ឆ្នាំ២០២៦ ជាមួយថ្នាក់ដឹកនាំ និងគណៈគ្រប់គ្រងផ្នែកពាក់ព័ន្ធ។
នៅក្នុងកិច្ចប្រជុំនេះ បានពិភាក្សា និងដាក់ចេញនូវទិសដៅការងារសំខាន់ៗជាអាទិភាព រួមមាន៖
-ការពង្រឹងការអនុវត្តជាក់ស្តែង (Theory to Practice)៖ ត្រៀមរៀបចំដឹកនាំនិស្សិតចុះទស្សនកិច្ចសិក្សា និងកម្មសិក្សាតាមជំនាញនីមួយៗ ទាំងការអនុវត្តផ្ទាល់ក្នុងបន្ទប់ពិសោធន៍ (Lab) របស់សាកលវិទ្យាល័យ និងការចុះអនុវត្តជាមួយស្ថាប័នដៃគូ ដើម្បីផ្សារភ្ជាប់ចំណេះដឹងទ្រឹស្តីក្នុងថ្នាក់រៀនទៅនឹងការអនុវត្តជាក់ស្តែង ព្រមទាំងការក្រេបជញ្ជក់យកបទពិសោធការងារផ្ទាល់។
-ការរៀបចំពិធីប្រគល់បណ្ណសរសើរ និងវិញ្ញាបនបត្រ៖ ជំរុញការរៀបចំពិធីប្រគល់បណ្ណសរសើរជូននិស្សិតពូកែប្រចាំឆមាសគ្រប់ជំនាន់ និងការប្រគល់វិញ្ញាបនបត្របញ្ចប់វគ្គបណ្តុះបណ្តាលខ្លីលើជំនាញភាសាអង់គ្លេស និងកុំព្យូទ័រ ដើម្បីលើកទឹកចិត្តដល់ការខិតខំប្រឹងប្រែងរបស់និស្សិត។
-ការពង្រីកកិច្ចសហប្រតិបត្តិការ៖ ពិនិត្យ និងសិក្សាលើសេចក្តីព្រាងកិច្ចសហប្រតិបត្តិការជាមួយដៃគូអភិវឌ្ឍន៍នានា សំដៅបង្កើនឱកាស និងសក្តានុពលអប់រំកាន់តែទូលំទូលាយ។
-ការត្រៀមទទួលនិស្សិតថ្មី៖ ត្រៀមលក្ខណៈសម្បត្តិគ្រប់ជ្រុងជ្រោយក្នុងការផ្តល់ព័ត៌មាន ការប្រឹក្សា និងការចុះឈ្មោះចូលរៀនរបស់និស្សិតឆ្នាំទី១ថ្មី ឱ្យប្រព្រឹត្តទៅដោយរលូន រហ័ស និងមានប្រសិទ្ធភាពខ្ពស់។
កិច្ចប្រជុំនេះបានបញ្ចប់ទៅក្រោមបរិយាកាសការងារប្រកបដោយស្មារតីទទួលខុសត្រូវខ្ពស់ និងការប្តេជ្ញាចិត្តរួមគ្នាក្នុងការលើកកម្ពស់គុណភាពអប់រំ និងសេវាកម្មសិក្សាឱ្យកាន់តែប្រសើរឡើង។
https://www.facebook.com/share/p/14pPDrunxiA/

👍👍👍

សាកលវិទ្យាល័យធនធានមនុស្ស បន្តពង្រឹងកិច្ចសហប្រតិបត្តិការអន្តរជាតិ និងកិច្ចការប្រតិបត្តិការផ្ទៃក្នុង
-----------------------
HRU: រសៀលថ្ងៃសុក្រ ទី២២ ខែឧសភា ឆ្នាំ២០២៦ លោកសាស្រ្តាចារ្យបណ្ឌិត ជា សុភាព សាកលវិទ្យាល័យធនធានមនុស្ស បានដឹកនាំកិច្ចប្រជុំសំខាន់ៗចំនួន ២៖
✅ កិច្ចប្រជុំទី១៖ ការពង្រីកឱកាសសិក្សាជំនាញឌីជីថល
លោកសាកលវិទ្យាធិការ បានដឹកនាំកិច្ចប្រជុំតាមប្រព័ន្ធអនឡាញ រួមជាមួយតំណាងពី Deloitte និង អង្គការ ASSIST READY4WORK ដើម្បីពិនិត្យលទ្ធភាពលើកម្មវិធីបណ្តុះបណ្តាល MONEYACE កម្រិតខ្ពស់។ នេះគឺជាផ្នែកមួយនៃគម្រោង WorldImpact ដែលមានគោលដៅជួយដល់យុវជនឱ្យទទួលបានចំណេះដឹង និងជំនាញចាំបាច់ ដើម្បីសម្របខ្លួនទៅនឹងការវិវត្តនៃបដិវត្តន៍ឧស្សាហកម្ម ៤.០។

✅ កិច្ចប្រជុំទី២៖ ការតាមដានការងារប្រចាំសប្តាហ៍
លោកសាកលវិទ្យាធិការ ក៏បានដឹកនាំកិច្ចប្រជុំពិនិត្យ និងដោះស្រាយការងារប្រចាំសប្តាហ៍ទី៣ នៃខែឧសភា ២០២៦ ព្រមទាំងពិភាក្សាលើការត្រៀមរៀបចំពិធីប្រគល់វិញ្ញាបនបត្រអនុវត្តការងារជូនដល់ប្រធាន និងអនុប្រធានថ្នាក់ ដែលបានប្រព្រឹត្តទៅកាលពីថ្ងៃទី១៣ ខែឧសភា កន្លងទៅនេះ ដើម្បីជាការលើកទឹកចិត្តដល់និស្សិតឆ្នើម។

សាកលវិទ្យាល័យធនធានមនុស្ស ប្តេជ្ញាចិត្តខ្ពស់ក្នុងការផ្សារភ្ជាប់និស្សិតទៅនឹងចំណេះដឹងអន្តរជាតិ និងការអភិវឌ្ឍគុណភាពអប់រំជារៀងរាល់ថ្ងៃ។

#HRU #University #WorldImpact #MoneyAce #EducationExcellence #Industry40

https://www.facebook.com/share/p/18Vir1JZej/