មហាគ្រួសារតាខ្មៅ

#រដ្ឋបាលក្រុងតាខ្មៅ
#ម្ចាស់កំពង់ដនិងកូនចៅបានមកបង់ផាកពិន័យនៅសាលាក្រុងតាខ្មៅហើយ
នៅព្រឹកថ្ងៃ អង្គារ ទី ១៥ ខែ កញ្ញា ឆ្នាំ ២០២៦ បន្ទាប់ពីផេកផ្លូវការណ៍របស់ឯកឧត្តម គួច ចំរើន អភិបាលនៃគណៈអភិបាលខេត្តកណ្តាល បានជូនដំណឹងអញ្ជើញម្ចាស់កំពង់ដមកបង់ផាកពិន័យ នៅសាលាក្រុងតាខ្មៅ បងប្រុសម្ចាស់កំពង់ដនិងប្អូនៗ បានអញ្ជើញមកសាលាក្រុងតាខ្មៅ ដើម្បីធ្វើការដោះស្រាយនិងបង់ថ្លៃផាកពិន័យ។ ក្រុមការងាររដ្ឋបាលក្រុងតាខ្មៅបានអប់រំណែនាំនិងធ្វើកិច្ចសន្យាដល់ម្ចាស់កំពង់ដនិងកូនចៅ ឲ្យបញ្ឈប់ការចោលសំរាមក្នុងទឹកទន្លេបន្តទៀត។

#សេចក្តីជូនដំណឹង
#រដ្ឋបាលក្រុងតាខ្មៅ
មហាគ្រួសារតាខ្មៅមានកិត្តិយសសូមគោរពជម្រាបជូនដំណឹងដល់បងប្អូនអ្នកតាខ្មៅទាំងអស់ជាពិសេសបងប្អូនអាជីវករ បងៗអ្នករត់រថយន្តឈ្នួល និងបងៗរត់ម៉ូតូរ៉ឺម៉កកង់បីចំណុចជុំវិញសួនច្បារច្រមុះជ្រូករង្វង់មូលលោកតាខ្មៅឲ្យបានជ្រាបថា៖ រដ្ឋបាលក្រុងតាខ្មៅនឹងរៀបចំសណ្តាប់ធ្នាប់តាមដងផ្លូវសាធារណៈជុំវិញសួនច្បារច្រមុះជ្រូកក្បែររង្វង់មូលលោកតាខ្មៅ និងមិនអនុញ្ញាតឲ្យបងប្អូនអាជីវករដាក់តាំងលក់និងថតរថយន្តឈ្នួល រ៉ឺម៉កកង់បីនៅទីតាំងខាងលើឲ្យបានមុនទី១៥ ខែ មីនា ឆ្នាំ ២០២៦ ជាកំហិត។
អាស្រ័យហេតុដូចបានជ្រាបជូនខាង សូមបងប្អូនប្រជាពលរដ្ឋ បងប្អូនអាជីវករពាក់ព័ន្ធជ្រាបជាព័ត៌មាន និងចូលរួមអនុវត្តតាមសេចក្តីជូនដំណឹងនេះឲ្យមានប្រសិទ្ធិភាពខ្ពស់។
សូមអរគុណ

#បច្ចុប្បន្នភាពតំលៃសាំងនៅស្ថានីយចាក់សាំងក្នុងក្រុងតាខ្មៅ
សូមសរសើរម្ចាស់ដេប៉ូម្ចាស់ការ៉ាស់សាំងនៅក្នុងក្រុងតាខ្មៅដែលគោរពតាមសេចក្តីប្រកាសរបស់ក្រសួងបានល្អ ពោលគឺមិនឡើងថ្លៃទេ។ ជាក់ស្តែងការ៉ាស់សាំងដែលមមាញឹកមានអតិថិជនចូលតម្រង់ជួរចាក់សាំងនោះគឺ ស្ថានីយកាល់តិចក្រពើហា ស្ថានីយតេលាគល់ស្ពានជប៉ុន និងតូតាល់ព្រះនរាយណ៍។

#សារប្រជាពលរដ្ឋ

#កិច្ចប្រតិកម្មរហ័សជូនប្រជាពលរដ្ឋ
ព្រឹកនេះក្រុមការងារប្រព័ន្ធលូចម្រោះទឹកកង្វក់ក្រុងតាខ្មៅ បានមកចាក់កំទេចថ្មបន្ថែមនិងបង្ហាប់ឲ្យរាបស្មើ ដើម្បីងាយស្រួលដល់បងប្អូនធ្វើដំណើរ។
សូមគោរពថ្លែងអំណរគុណចំពោះបងៗក្រុមការងារដែលបានប្រតិកម្មរហ័សដោះស្រាយជូនបងប្អូនប្រជាពលរដ្ឋបានឆាប់រហ័សលឿនទាន់ចិត្ត។

#ផ្សារតាខ្មៅចាស់
បន្ទាប់ពីមានការសុំសំណូមពរពីបងប្អូនប្រជាពលរដ្ឋ ជាពិសេសបងប្អូនអាជីវករលក់ដូរនៅជុំវិញផ្សារតាខ្មៅចាស់ បងៗក្រុមការងារបានទទួលជ្រាបនិងបានរៀបចំក្រងដែកដើម្បីចាក់បេតុងបំពេញវិញ ដើម្បីឲ្យបងប្អូនស្រួលធ្វើដំណើរចេញចូលផ្សារ និងលក់ដូរបានស្រួលធម្មតាវិញ។