⚖️ច្បាប់ខ្មែរ⚖️

សេចក្តីជូនដំណឹង
ក្លឹបសិក្សាច្បាប់មានវគ្គសិក្សាពីចម្ងាយ
✍️មុខវិជ្ជាសិក្សា
-ក្រមព្រហ្មទណ្ឌ
-ក្រមនីតិវិធីព្រហ្មទណ្ឌ
-ក្រមរដ្ឋប្បវេណី
-ក្រមនីតិវិធីរដ្ឋប្បវេណី
-វិធីសាស្ត្រគិតយុត្តិ និងករណីសិក្សា
==========
✍️ការបរិច្ឆេទនិងពេលវេលាសិក្សា
- សិក្សាតាមរយៈអនឡាញ ( Google Meet )
📆-សិក្សារយៈពេល ៣ ខែ
⏰-សិក្សាវេលាម៉ោង ៨:០០ ដល់ ៩:៣០ នាទីយប់
-សិក្សារៀងរាល់ថ្ងៃព្រហស្បតិ៍ និងថ្ងៃសុក្រ
📆-ចាប់ផ្តើមនៅថ្ងៃទី ១៤ ខែឧសភា ឆ្នាំ២០២៦
✍️កំណត់ចំនួន ១០ នាក់ប៉ុណ្ណោះ។
ទំនាក់ទំនាក់ព័ត៌មានបន្ថែម 078731612
សូមអរគុណ។

ថ្ងៃនេះសុំចែករំលែកពាក់ព័ន្ធនឹងបទពិសោធន៍នៃការសិក្សារបស់ខ្ញុំបាទ ដូចខាងក្រោម៖

១-មុននឹងចាប់ផ្តើមសិក្សាមេរៀនណាមួយ គួរគប្បីអនុវត្តនូវចំណុចមួយចំនួនដូចខាងក្រោម៖
-មើលប្លង់មេរៀនជាមុន (មាតិកា)
-រៀនចំណាំប្លង់មេរៀន ទើបសរសេរបាន
-ចាប់ផ្តើមកត់ប្លង់មេរៀនក្នុងសៀវភៅដៃ ឬ បំបែកប្លង់ ឬ បន្ថែមប្លង់ដែលគិតថាត្រឹមត្រូវ (ជាវិធីសាស្ត្រដែលអាចឱ្យយើងចាំប្លង់បាន)
-ត្រូវមើលពីទំព័រទី១ ដល់ទំព័របញ្ចប់ ទើបអាចក្តោបន័យបាន
-បំបែកប្លង់គោល រួចចាំបំបែកជាប្លង់តូចៗចេញពីប្លង់គោល (ប្រសិនបើមាន)។

២-ពេលចាប់ផ្តើមសិក្សាមេរៀន គួរគប្បីអនុវត្តនូវចំណុចមួយចំនួនដូចខាងក្រោម៖
-សេចក្តីផ្តើម អត្ថន័យ សញ្ញាណទូទៅ ជាអាទិ៍ (ត្រូវមើលមុនគេ)
-អានអត្ថបទមេរៀនតាមចំណុចនីមួយៗ ដែលបានបំបែកប្លង់គំនិត
-វិភាគទៅលើចំណុចនោះ ដើម្បីមានគំនិតថ្មី ឬ មានចំណុចពាក់ព័ន្ធផ្សេងទៀត ឬ អាចមានករណីអញ្ញត្រកម្ម
-ត្រូវយល់ ចេះពន្យល់ និងសរសេរបាន ព្រមទាំងរកឧទាហរណ៍មកគាំទ្រ
-ត្រូវចេះវាស់ស្ទង់ចំណេះដឹងខ្លួនឯង (អានខ្លឹមសារអត្ថបទ យល់ និងឧទាហរណ៍)។
-ត្រូវស្រាវជ្រាវឯកសារឱ្យបានច្រើន ដើម្បីយកមកគាំទ្រចំណុចដែលយើងកំពុងរៀន
-មើលតាមលំហូរនីតិវិធី

៣-ក្រោយពេលសិក្សាមេរៀន គួរគប្បីអនុវត្តនូវចំណុចមួយចំនួនដូចខាងក្រោម៖
-សង្ខេបប្លង់គំនិតគោលខ្លីៗ ដោយអាចសរសេរក្នុងសៀវភៅ ឬ កុំព្យូទ័រ តាមតម្រូវការ
-យកចំណេះដឹងដែលមានមកសរសេរសង្ខេបឡើងវិញ ជាលាយលក្ខណ៍អក្សរ
-អនុវត្តជាប្រចាំចំពោះប្លង់ដែលបានព្រាងទុក និងអត្ថបទ ដើម្បីកុំឱ្យភ្លេច
-ត្រូវប្រយ័ត្នចំពោះពាក្យថា “ចេះសរសេរ តែមិនចេះពន្យល់” “ចេះពន្យល់ តែមិនចេះ សរសេរ” ហេតុនេះត្រូវរកវិធីដោះស្រាយចំណុចនេះ។
-ប្រៀបធៀបទ្រឹស្តី និងការអនុវត្ត

៤-របៀបជ្រើសរើសឯកសារមកសិក្សាឱ្យបានត្រឹមត្រូវ
ក-ឯកសារផ្លូវការ (ច្បាប់ និងលិខិតបទដ្ឋានគតិយុត្ត ជាអាទិ៍)
ខ-ឯកសារកំណត់ ឬ ពន្យល់លើឯកសារផ្លូវការ (កំណត់ និងពន្យល់)
គ-ឯកសារជំនួយបន្ថែម៖
-ឯកសារដែលចេញពីស្ថាប័នជំនាញ (ក្រសួង ឬ ក្រុមការងារជំនាញ)
-ឯកសាររបស់សាស្ត្រាចារ្យ (តាមសាកលវិទ្យាល័យ ជាអាទិ៍)
-ត្រូវប្រកាន់ភ្ជាប់នូវការស្រាវជ្រាវ (តាមប្រព័ន្ធផ្សព្វផ្សាយ ជាអាទិ៍)។