TL Express Cambodia

សេចក្តីជូនដំណឹងស្តីពី អនុលោមភាពឯកសារបច្ចេកទេស និងការទទួលខុសត្រូវលើការប្រកាសទំនិញ ❗️

សូមគោរពជូនចំពោះ៖ លោក - លោកស្រី ដែលជាអតិថិជន និងដៃគូសហការទាំងអស់

យោងតាមការតាមដាន និងការត្រួតពិនិត្យលើប្រតិបត្តិការនាពេលថ្មីៗនេះ ក្រុមហ៊ុនយើងខ្ញុំបានរកឃើញករណីមួយចំនួន ដែលឯកសារបច្ចេកទេស (MSDS) លិខិតបញ្ជាក់លក្ខណៈបច្ចេកទេសដឹកជញ្ជូន (CNAS / SICIT) ឬឯកសារវាយតម្លៃទំនិញផ្សេងៗ ដែលបានដាក់ស្នើដោយអតិថិជន ឬអ្នកផ្គត់ផ្គង់ "មានភាពមិនត្រឹមត្រូវ ឬមិនស្របគ្នាទៅនឹងមុខទំនិញពិតប្រាកដ" ដែលបានផ្ទុកនៅក្នុងទូកុងតឺន័រ។

ការខុសគ្នារវាងឯកសារ និងទំនិញជាក់ស្ដែងនេះ គឺជាការរំលោភលើច្បាប់ប្រកាសទំនិញ ដែលបណ្តាលឱ្យមានការរអាក់រអួល នឹងប្រឈមនឹងការ ឃាត់ទុកបណ្តោះអាសន្ន ការផាកពិន័យយ៉ាងធ្ងន់ធ្ងរពីអាជ្ញាធរគយ។

ដើម្បីធានានូវតម្លាភាព សុវត្ថិភាព និងរក្សាស្ថេរភាពនៃរយៈពេលដឹកជញ្ជូន ក្រុមហ៊ុនសូមជម្រាបជូនជាផ្លូវការនូវគោលការណ៍ដូចខាងក្រោម៖

១. ភាពត្រឹមត្រូវនៃឯកសារ៖ រាល់ការនាំចូលទំនិញដែលតម្រូវឱ្យមានឯកសារ(ទំនិញពិសេសមួយចំនួនតូច) MSDS, របាយការណ៍ CNAS ឬលិខិតបញ្ជាក់ពាក់ព័ន្ធផ្សេងៗ ភាគីអតិថិជនត្រូវធានាដាច់ខាតថា ឯកសារទាំងនោះត្រូវតែត្រឹមត្រូវច្បាស់លាស់ និងស្របគ្នា ១០០% ជាមួយទំនិញពិតប្រាកដដែលត្រូវដឹកជញ្ជូន។

២. ការទទួលខុសត្រូវ៖ ក្នុងករណីដែលមន្ត្រីគយធ្វើការត្រួតពិនិត្យ ហើយរកឃើញថាមានការបន្លំ ឬការផ្តល់ឯកសារមិនត្រូវគ្នានឹងទំនិញជាក់ស្តែង (Misdeclaration) ដោយមិនបានជូនដំណឹងមកក្រុមហ៊ុនជាមុន នាំឱ្យទំនិញត្រូវបានឃាត់ទុក រឹបអូស ឬរងការពិន័យជាប្រាក់ និងទណ្ឌកម្មផ្សេងៗ "ភាគីអតិថិជនត្រូវទទួលខុសត្រូវទាំងស្រុងលើរាល់ចំណាយ ផលវិបាក និងការខាតបង់ទាំងអស់ដែលកើតមានឡើង" ដោយគ្មានការលើកលែងឡើយ។

ក្រុមហ៊ុនសង្ឃឹមយ៉ាងមុតមាំថា លោក-លោកស្រី នឹងយកចិត្តទុកដាក់ខ្ពស់លើការផ្ទៀងផ្ទាត់ឯកសារទាំងនេះជាមួយអ្នកផ្គត់ផ្គង់(Supplier) ដើម្បីជៀសវាងហានិភ័យខាងផ្លូវច្បាប់ជាយថាហេតុ។

សូមអរគុណចំពោះការយោគយល់ ទុកចិត្ត និងកិច្ចសហការដ៏ល្អជាមួយក្រុមហ៊ុនកន្លងមក។

សូមអរគុណ