GENERALISSIMUS

ОҚЛАШ ХАВФЛИ БЎЛИБ ҚОЛДИМИ? ТОШКЕНТДА ОҚЛОВ ҲУКМЛАРИ ИККИ БАРОБАР КАМАЙДИ

📉 2025 йилнинг тўққиз ойида Тошкент шаҳар судлари 102 та оқлов ҳукми чиқарган. 2026 йилнинг шу даврида эса бор-йўғи 56 та. Деярли икки баробар камайиш.

Бу рақамлар ортида бир савол турибди: судья бугун қонунга қараб қарор чиқарадими ёки ўзининг хавфсизлигига қараб?

⚖️ Сигнал аниқ эди
Тошкент шаҳар судининг уч нафар судьяси ва суд раиси ўринбосари апелляцияда жазони енгиллаштиргани учун жиноий жавобгарликка тортилиб, қамоққа олинди. Ҳукм кейинчалик тафтиш тартибида бекор қилинган бўлса-да, хато деб топилган суд қарори учун судьяни қамоқ билан жазолаш бутун тизимга бир хабар беради: «юмшоқлик хавфли».

🔻 Бунинг оқибати нима?

Ташаббус сўнади. Судья таваккал қилмайди: оқлаш ёки енгил жазо ўрнига «хавфсиз» айблов ҳукмини танлайди.
Айблов мойиллиги кучаяди. Терговнинг асоссиз айблови ҳам суд фильтридан бемалол ўтиб кетади.
Ишонч йўқолади. Судьянинг ўзи ҳимоясиз экан, оддий фуқаро судда адолат топишига қандай ишонсин?

🏛 Мустақиллик — имтиёз эмас, кафолат

Суд мустақиллиги судьялар учун эмас, биз учун керак. Нотўғри деб ҳисобланган қарор учун йўл бор: апелляция, тафтиш, интизомий чора. Аммо коррупция ёки ғараз исботланмасдан туриб судьяни қамаш, бу энди назорат эмас, қўрқитиш бўлиб қолади.
Конституциявий кафолатлар қоғозда қолмаслиги учун бу рақамларга бугун эътибор бериш керак.

❓ Сизнингча, оқлов ҳукмлари камайганининг сабаби нимада?

@u_generalissimus

Yangi Qarshi shahri quriladi

Prezident Shavkat Mirziyoyev Qashqadaryoda aholi va jamoatchilik faollari bilan uchrashuvda Qashqadaryoda ham huddi Toshkentdagi singari metro qurish masalasini ham o'rtaga tashladi.

@u_generalissimus

Тилхатсиз қарз берган одам судда ютқазади. Энди тилхат икки дақиқада тайёр.

Дўстингизга 10 миллион қарз бердингиз, "гапимиз гап" дедингиз, кейин у телефонни кўтармай қўйди. Судга борсангиз, судья биринчи "тилхат қани" деб сўрайди. Йўқ бўлса, иш шу ерда тугайди.

Шахсий адвокат платформасида янги "Ҳужжатлар" бўлими ишга тушди. Сиз "фалончига 10 миллион сўм қарз бердим, тилхат керак" деб ёзасиз ёки овозли айтасиз, платформа ўзи ҳужжат турини ўзи танлайди, керакли маълумотларни сўрайди ва тайёр ҳужжатни PDF ёки Word қилиб юборади. Тилхат, ариза, шикоят, шартнома, келишув, ишончнома, претензия, даъво аризаси лойиҳаси, ҳаммаси шу ерда. Бу ҳатто ҳуқуқни муҳофаза қилиш ходимларига ҳам жуда қўл келади, гувоҳга тушунтириш хати ёздирмоқчисиз, шунчаки овоз ёқиб қўясиз, платформа гувоҳнинг кўрсатмасини жойида тушунтириш хати қилиб беради.

Энг кучли жойи: қарз тилхати ёки келишув бўлса, ҳужжат иккинчи томонга ҳам боради, у ҳам ўқиб тасдиқлайди ва QR кодли якуний ҳужжат шаклланади. QR орқали ҳужжат ҳақиқийлигини истаган пайтда текшириш мумкин, "мен бунақа тилхат бермаганман" деган гап энди ўтмайди.

Барча ҳужжатларингиз "Менинг ҳужжатларим" бўлимида сақланади, паспорт маълумотлари шифрланган ҳолда туради. Хизмат бепул. Фақат адвокат топиб бериш керак бўлса, 100 000 сўм тўлов қилишингиз керак, бошқа қулайликлардан фойдаланиш бепул.

Адвокатларга алоҳида гап. Адвокат иш материалларини юборса, таҳлил қилиб, ҳимоя позицияларини тайёрлайди, қарши томон ҳужжатининг заиф жойларини топади, муддатларни ҳисоблаб эслатади, илтимоснома ва шикоятларни Word қилиб беради, эртанги мажлисга ўзи тайёрлайди. Рўйхатдан ўтинг ва фойдаланинг. Бугунги кунда платформада 113 нафар адвокат фаолият олиб бормоқда.

Бировга қарз беришдан олдин эмас, ҳозир кириб кўринг: Мана шу👉️️️️️️ линкка 👈️️️️️️босинг ва барча ҳуқуқий саволларингизга шахсий адвокатингиздан жавоб олинг.

@u_generalissimus

💍📉 35 йилда никоҳлар сони деярли ўзгармади, аҳоли эса икки баробар ошди!

🏢 Миллий статистика қўмитаси маълумотларига кўра:

📊 Мутлақ сонда:
1991 йил: 270,3 минг никоҳ
2025 йил: 267,1 минг никоҳ
➖ Атиги 3,2 мингтага (−1,2%) камайган.

👥 Аммо аҳоли сони:
1991 йил: 20,6 млн
2026 йил: 39,5 млн
➕ Деярли 2 баробар (+92%) ўсган.

❗️ Ҳар 1000 аҳолига нисбатан:
1991 йил: 13,1 та никоҳ
2025 йил: 6,8 та никоҳ
📉 Никоҳ даражаси 48,5%га, яъни қарийб икки баробар пасайган.

💡 Агар 1991 йилдаги даража сақланганида, бугун йилига 518 мингдан ортиқ никоҳ қайд этилган бўларди.

Нимадир қилиш керак!

@u_generalissimus

Боғот туманида бир оиланинг 4 аъзоси заҳарланиб вафот этди

Ҳодиса 10 октябр куни туманнинг Маънавият маҳалласида содир бўлган. Аёл ва унинг 3 нафар вояга етмаган қизи вафот этган. Улар салатдан заҳарлангани айтилмоқда.

@u_generalissimus

Agar kameral soliq tekshiruvi natijalariga koʻra avtomatlashtirilgan tizim orqali qoplab berilgan soliq summasi yoki uning bir qismi asossiz boʻlib chiqsa, soliq toʻlovchi soliqning oʻrni oʻziga asossiz ravishda qoplangan summasini qoplash sanasidan to uni budjetga toʻlash sanasigacha penya hisoblangan holda budjetga toʻlashi shart.

@u_generalissimus

#QQS

Qishloq xo‘jaligi tovar ishlab chiqaruvchilari uchun soliq imtiyozlaridan foydalanish tartibi

Xabaringiz bor, 2026-yil 1-yanvardan boshlab qishloq xoʻjaligi tovar ishlab chiqaruvchilari tomonidan yetishtirilgan qishloq xoʻjaligi mahsulotlari (bundan paxta va gʻalla mustasno) realizatsiyasi uchun qoʻshilgan qiymat soligʻining “nol” stavkasi joriy qilingan.
👉PF-153-son, 04.09.2025-y.

Qishloq xoʻjaligi tovar ishlab chiqaruvchilari ushbu imtiyozdan quyidagi tartibda foydalanish mumkin.
Mazkur shartlarga mos kelgan tadbirkorlik subyektlari tomonidan QQSning “nol” stavkasini qoʻllash uchun my.soliq.uz portali orqali:
- “Elektron hujjat aylanishi” boʻlimidagi
- “Yuridik shaxslarning soliq imtiyozlaridan foydalanish boʻyicha murojaat” xizmatidan ariza yuborish orqali amalga oshiriladi.

Bunda:
- “murojaat yuborish” menyusiga kiriladi,
- “Normativ-huquqiy hujjat turi”dan Oʻzbekiston Respublikasi Prezidenti Farmoni tanlanadi,
- “Soliq turi”dan QQS tanlanadi,
- “Normativ-huquqiy hujjat” raqamidan “PF-153/null” tanlanadi.
- Imtiyozning boshlanish va tugash vaqti hamda imtiyoz matni avtomatik shakllanadi.
- Asoslantiruvchi hujjat biriktiriladi, viloyat, tuman, mahalla tanlanadi.
- Aloqa uchun telefon raqami kiritiladi;
- “Yuborish” tugmasi bosiladi.

Soliq kodeksining 57-moddasiga asosan qishloq xoʻjaligi tovar ishlab chiqaruvchilari shartlariga mos kelgan tadbirkorlik subyektlari tomonidan elektron hisobvaraq-faktura rasmiylashtirishda qoʻshilgan qiymat soligʻining “nol” stavkasi avtomatik tarzda qoʻllaniladi.

Ya’ni, EHF yaratishda:
- “imtiyoz” belgisi tanlanadi,
- mahsulot nomi, oʻlchov birligi, soni, narxi ma’lumotlari kiritilib, QQS stavkasi ustuniga “0%” tanlanadi.

- imtiyoz ustunida imtiyozning maxsus identifikatsiya kodi kiritilib,
- tovarning kelib chiqishi ustunida “Xususiy ishlab chiqarish” turi tanlanadi.

❗️ Muhim: “Xususiy ishlab chiqarish” turning tanlanishi, mahsulot qishloq xoʻjaligi tovar ishlab chiqaruvchilari tomonidan realizatsiya qilinayotganligini hamda imtiyozni qoʻllash uchun asos hisoblanadi.

Shuningdek, yuqoridagi talablarga javob beruvchi qishloq xoʻjaligi tovar ishlab chiqaruvchilarga (bundan paxta va gʻalla mustasno) 2026-yil 1-yanvardan boshlab qishloq xoʻjaligi mahsulotlarini yetishtirish uchun xarid qilingan tovarlar (xizmatlar) boʻyicha toʻlangan qoʻshilgan qiymat soligʻi summasi oʻrnini qoplash (qaytarish) 3 kun muddatda avtomatlashtirilgan tarzda amalga oshiriladi.

Ma’lumot uchun: QQSning “nol” stavkasi qoʻllaniladigan qishloq xoʻjaligi mahsulotlari roʻyxati Qishloq xoʻjaligi vazirligi va Soliq qoʻmitasi tomonidan tasdiqlanadi va ularning rasmiy veb-saytlarida eʼlon qilib boriladi.

Buning uchun, qishloq xoʻjaligi tovar ishlab chiqaruvchilar my.soliq.uz portali orqali:
-“Xizmatlar” menyusidan
-“Yuridik shaxslarga oʻrni qoplanishi lozim boʻlgan QQS summasini qaytarish” boʻlimidagi
- “Murojaat (ayrim faoliyat turlari bo‘yicha)” xizmatidan faoliyat turi
- “Qishloq xo‘jaligi mahsulotlarini ishlab chiqaruvchilar” tanlanadi.

Yuqoridagi ketma-ketlikdan keyin QQSning salbiy farq summasini qaytarish bo‘yicha ariza avtomatik shakllanadi va soliq to‘lovchi tomonidan qo‘shilgan qiymat solig‘ining salbiy farq summasini qaytarib berilishi so‘ralayotgan davr ya’ni yil va oy tanlanadi.

Arizada tanlangan davr bo‘yicha qaytarib berilishi mumkin bo‘lgan QQSning salbiy farq summasi avtomat shakllanadi va “Yuborish” tugmasi bosiladi.

Mazkur tartib bo‘yicha kelib tushgan arizada ko‘rsatilgan summa soliq organlarining avtomatlashtirilgan tizimi orqali 3 kun ichida qoplab beriladi.

MUHIM:
Soliq kodeksining 274-moddasiga asosan, yuqoridagi tartibga asosan tezlashtirilgan tartibda qoplangan soliq summasining asoslanganligi yuzasidan umumiy tartibda kameral soliq tekshiruvi o‘tkaziladi.

@u_generalissimus

👍 Tadbirkorning 1,6 milliard so‘mdan ortiq mablag‘i qaytarildi!

Surxondaryo viloyatida faoliyat yurituvchi «X.P.T.» AJning ortiqcha va noqonuniy undirilgan soliq mablag‘larini qaytarish borasidagi murojaati Biznes-ombudsman tomonidan o‘rganildi.

O‘rganishlar davomida soliq organi tomonidan jamiyatning shaxsiy varaqasiga asossiz qarzdorlik kiritish orqali 1 mlrd 31 mln so‘mdan ortiq ortiqcha to‘lov undirilganligi va qaytarilmay kelinganligi aniqlangan. Termiz tumanlararo ma’muriy sudining qarori bilan soliq organining ushbu xatti-harakatlari qonunga xilof deb topilgan edi.

Shunga qaramay, undirib olingan 955,4 mln so‘m miqdoridagi ortiqcha to‘lov hamda unga hisoblangan foizlarni qaytarish bo‘yicha nizo iqtisodiy sudlarda uzoq vaqt davom etdi. Shu bois ish qayta ko‘rib chiqildi.

Murojaat asosida Biznes-ombudsman vakili sud jarayonlarida ishtirok etib, tadbirkorning qonuniy manfaatlarini himoya qildi.

👍 Surxondaryo viloyat sudi iqtisodiy ishlar bo‘yicha sudlov hay’ati kassatsiya instansiyasining qaroriga muvofiq, tadbirkor foydasiga 955,4 mln so‘m ortiqcha to‘langan soliq summasi hamda Soliq kodeksining 104–105-moddalariga asosan hisoblangan 662,8 mln so‘m foiz summasi (jami 1 mlrd 618 mln so‘mdan ortiq) davlat byudjetidan undirilishi belgilandi.

@u_generalissimus