အာရက္ခမှုခင်းနန့်ဆက်စပ်သတင်းများထုတ်ပြန်ရီးအဖွဲ့

အကြမ်းဖက်အုပ်စုတခုခု၏အဖွဲ့ဝင်ကိုဖြစ်စီ ဖမ်းဆီး၍ အရေးယူခြင်း မပြုနိုင်စီရန် (သို့မဟုတ်) လွတ်မြောက်စီ ရန်အလို့ငှာ ထိန်ချန်ခြင်း (သို့မဟုတ်) သိလျက်နန့် ခိုလှုံခွင့်ပီးခြင်း၊ ပုန်းအောင်းခွင့် ပီးခြင်း၊ ယာယီတည်းခိုနီထိုင်ခွင့် ပီးခြင်း (သို့မဟုတ်) ဝှက်ထားခြင်း၊ အကြမ်းဖက်သမားကို ဖြစ်စီ၊ အကြမ်းဖက်အုပ်စုတခုခု၏ အဖွဲ့ဝင်ကို ဖြစ်စီ၊ အဆောက်အအုံနန့် နီရာတခုခုကို အသုံးပြုခွင့်၊ စုဝေးခွင့်၊ အစည်းအဝေးပြုလုပ်ခွင့် ပီးရန်၊ အကြမ်းဖက်မှုဆိုင်ရာ လိကျင့်သင်တန်းပီးရန် (သို့မဟုတ်) သယ်ယူပို့ဆောင်ရီး စီစဉ်ဆောင်ရွက်ပီးရန် ပြုလုပ်မှုများ၊ အကြမ်းဖက်အုပ်စုပိုင် ပစ္စည်းနန့် အကြမ်းဖက်သမားပိုင် ပစ္စည်းများကို အရောင်းအဝယ်ပြုလုပ်ခြင်း၊ တခြားတနည်းနည်းဖြင့် လွှဲပြောင်းခြင်း၊အကြမ်းဖက် သမားဟိကြောင်းနန့် အကြမ်းဖက်အုပ်စုပိုင် ငွေကြေး၊ ပစ္စည်း ဟိကြောင်း ယင်းရို့နန့်စပ်လျဉ်း၍ ဆက်သွယ်ဆောင်ရွက်မှု ဟိကြောင်း (သို့မဟုတ်) ဆက်သွယ်ဆောင်ရွက် မည်ဟု ယုံကြည်ရကြောင်း သတင်းပို့ရန် ပျက်ကွက်ခြင်း၊ အကြမ်းဖက်အုပ်စုပိုင်ပစ္စည်း (သို့မဟုတ်) အကြမ်းဖက်သမားပိုင် ပစ္စည်းကို အရောင်းအဝယ်ပြုလုပ်ခြင်း၊ တနည်းနည်းဖြင့်လွှဲပြောင်းခြင်း(သို့မဟုတ်)လွှဲပြောင်းရန်အားထုတ်ခြင်းနန့် ပတ်သက်၍ သတင်းအချက်အလက်များအားသတင်းပီးရန်ပျက်ကွက်ကြောင်း ပြစ်မှုထင်ရှား စီရင်ခြင်း ခံရလျှင်ထိုသူကို အနည်းဆုံး ထောင်ဒဏ် (၃)နှစ် မှ အများဆုံးထောင်ဒဏ်(၇)နှစ်အထိ ချမှတ်ရမည့်အပြင် ငွေဒဏ်လည်း ချမှတ်နိုင်သည်။

ARSA (Arakan Rohingya Salvation Army) အကြမ်းဖက်အဖွဲ့သည် အာရက္ခပြည်မြောက်ပိုင်းဒေသဟိ မူဆလင်လူထုများနန့် ဆက်စပ် ပေါ်ပေါက်လာသော အစ္စလာမ်မစ် အစွန်းရောက် စစ်သွီးကြွ အကြမ်းဖက်အဖွဲ့အစည်းဖြစ်ပြီး ၂၀၁၆ ခုနှစ်၊ အောက်တို ဘာလနန့် ၂၀၁၇ ခုနှစ်၊ ဩဂတ်စ်လများအတွင်း အာရက္ခပြည်မြောက်ပိုင်းဟိ ယခင် မြန်မာစစ်တပ်(အကြမ်းဖက်စစ်တပ်)၏ လုံခြုံရီးစခန်းများအား အကြမ်းဖက် တိုက်ခိုက်ခမှုများကြောင့် နိုင်ငံတကာအာရုံစိုက်မှုခံလာရသည့် အကြမ်းဖက်အဖွဲ့ ဖြစ်သည်။ စစ်သွီးကြွ ARSA အကြမ်းဖက်အဖွဲ့သည် ၎င်းရို့၏ အခွင့်အရေးများကို ကာကွယ်ရန်ဟု အကြောင်းပြကာ မူဆလင်လူထုများ အပေါ် ခွဲခြားဆက်ဆံမှုနန့် ဖိနှိပ်မှုများလုပ် ဆောင်လျက် လက်နက်ကိုင်အကြမ်းဖက်လှုပ်ယှားမှုများ ပြုလုပ်သည့် အဖွဲ့အစည်း လည်း ဖြစ်သည်။

ARSA သည် အာရက္ခဒေသတွင်း ရက္ခိုင်မျိုးနွယ်စုဝင်လူမျိုးများ၊ ဟိန္ဒူလူမျိုးများ အပေါ် အကြမ်းဖက် သတ်ဖြတ်၊ ပြန်ပီးဆွဲ၊ ငွေညှစ် စသော လူမဆန်သည့် အကြမ်းဖက်လုပ်ရပ်များကို ပြုလုပ်သည့်နည်းတူ ဘင်္ဂလားဒေ့ချ်နိုင်ငံဟိ ဒုက္ခသည်စခန်းများ ၌လည်း လူသတ်မှု၊ ပြန်ပီးဆွဲမှု၊ ညှည်းပန်းနှိပ်စက်မှု၊ ခြိမ်းခြောက်မှု နန့် အတင်းအကျပ် လူသစ်စုဆောင်းမှုများကို ဆက်တိုက် ကျူးလွန်လျက်ဟိသည့်အပြင် အာရက္ခပြည်မြောက်ပိုင်းမှ မူဆလင်လူမျိုးများအား လိမ်ဝါလှည့်ဖြား၍ အတင်းအဓမ္မ စည်းရုံး သိမ်းသွင်းပြီး လူ၊ လက်နက်/ခဲယမ်း၊ ဆီးဝါး၊ ငွေကြေးနန့် အထောက်အကူပစ္စည်းများကို တရားမဝင်သောနည်းလမ်းများဖြင့် ရယူခြင်းများ ပြုလုပ်ကာ အာရက္ခတပ်တော် ထိန်းချုပ်ထားသော နယ်မြီဒေသများအတွင်းဟိ ရပ်ရွာများသို့ ဝင်ရောက်၍ အကြမ်းဖက်လုပ်ရပ်များကို ကျူးလွန်လိဟိသဖြင့် အာရက္ခတပ်တော်မှ “အာရက္ခဒေသအတွင်း အကြမ်းဖက်သမား မဟိစီရ” ဟူသော ခိုင်မာသည့် ရပ်တည်ချက်ဖြင့် အကြမ်းဖက်မှုပပျောက်ရေးကို တစိုက်မတ်မတ် ဆောင်ရွက်လျက်ဟိသည်။ပြည်သူလူထုများအနီဖြင့် အကြမ်းဖက်အဖွဲ့အစည်းများ၏ လိမ်ဝါလှည့်ဖြား စည်းရုံးမှု၊ ခြိမ်းခြောက်မှု၊ ငွေကြေး တောင်းခံမှု၊ တရားမဝင် လုပ်ငန်းများတွင် မသိလိုက်ဘဲ ပါဝင်ပတ်သက်မှု မဟိစီရန်၊ မသိကျွမ်းသူများက လက်နက်ကိုင်အဖွဲ့နန့် ပူးပေါင်းရန်၊ သတင်းပီးရန်၊ အလုပ်လုပ်ပီးရန်၊ ဖိအားပီးလာပါက အယင်စလို သဘောတူခြင်း မပြုလုပ်ရန် လိုသည်။ အဖွဲ့အစည်းတခု၏ ရည် ရွယ်ချက်နန့်လုပ်ငန်းအမျိုးအစားကိုမသိဘဲငွေလွှဲခြင်း၊ အခြားသူ၏ ငွေကို လက်ခံသယ်ဆောင်ပီးခြင်း၊ ဘဏ်စာရင်း (သို့မဟုတ်) ကရို့နာမည်နန့် မှတ်ပုံတင်ထားသော ပစ္စည်းများအား အခြားသူ အသုံးပြုရန် ပီးခြင်းမှ ယှောင်ကြဉ်ရန်လိုသည်။ လှူဒါန်းလိုပါက အဖွဲ့အစည်း၏ တရားဝင်မှုကို စစ်ဆီးရန်၊ အကြမ်းဖက်မှုအားပီးသော စာများ၊ လူသစ်စုဆောင်းသည့် ကြော်ငြာများနန့် အတည် မပြုရသိမ့်သော သတင်းများကို မဖြန့်ဝီရန်၊ ကရို့၏ ကိုယ်ရီးအချက်အလက်၊ တည်နီရာနန့် မိသားစု အချက်အလက်များကို မသိကျွမ်းသူများအား မပီးရန်၊ အကျိုးအမြတ်၊ အလုပ်အကိုင်၊ ပညာသင်ကြားခွင့်၊ လူမျိုးရီး၊ ဘာသာရီး၊ ခံစားချက်များကို အသုံးချပြီး လက်နက်ကိုင်အကြမ်းဖက်အဖွဲ့သို့ ဝင်ရောက်ရန် စည်းရုံးမှုများကို အထူးသတိပြုကတ်ရန်၊ သံသယဖြစ်ဖွယ် အချက်အလက်များကို တွိဟိပါက

တာဝန်ဟိသူများထံ ချက်ချင်း သတင်းပီးရန် စသည့် အချက်များအား ပြည်သူများအနီဖြင့် သတိတရားကြီးစွာ လိုက်နာဆောင်ရွက်လားပါက အကြမ်းဖက်အဖွဲ့အစည်းများ၏ မလိုလားအပ်သော အန္တရာယ်များမှ ကင်းဝီးနိုင်မည်ဖြစ်ကာ သာယာအီးချမ်းသော လူ့ဘောင်အဖွဲ့အစည်းအတွင်း လုံခြုံမှုဟိပြီး ငြိမ်းချမ်းစွာ အသက်မွီး နီထိုင် လားနိုင်မည် ဖြစ်သည်။

၃။ ဒီလပ်ဌာန၏ ရည်မှန်းချက် တာဝန် (၄) ရပ်

(က) ပြည်တွင်းလုံခြုံရီးနန့် ရပ်ရွာအီးချမ်းသာယာရီး။
(ခ) တရားဥပဒေစိုးမိုးရီး။
(ဂ) မူးယစ်ဆီးဝါးအန္တရာယ် တားဆီးကာကွယ်ရီး။
(ဃ) ပြည်သူ့အကျိုးပြုလုပ်ငန်းများဆောင်ရွက်ရီး။

၄။ အာရက္ခပြည်သူ့ တော်လှန်ရီးအစိုးရ၏ မူဝါဒများထဲမှ တချို့

မည်သည့် အကြမ်းဖက်သမားများ၊ ကျားဖြန့်သမားများနန့် ဒုစရိုက်လုပ်ငန်း လုပ်ကိုင်သူများအတွက်မဆို အာရက္ခဒေသအတွင်း၌ နီရာမဟိစီရ။

၅။ ဆက်သွယ်ရန်-

နီးစပ်ရာ ဒီလပ်စခန်း- 👮🚉
တယ်လီဂြမ်လိပ်စာ - @arakkhadleps
အီးမေး(လ်) လိပ်စာ - [email protected]


အာရက္ခမှုခင်းနန့်ဆက်စပ်သတင်းများ
ထုတ်ပြန်ရီးအဖွဲ့
အာရက္ခပြည်သူ့တော်လှန်ရီးအစိုးရ

အာရက္ခ မှုခင်းနန့် ဆက်စပ်သတင်းများ ထုတ်ပြန်ရီးအဖွဲ့
မှုခင်းသတင်းထုတ်ပြန်ချက်(၂၆/၂၀၂၆)

၂၀၂၆ ခုနှစ်၊ အောက်တိုဘာလ (၁၈) ရက်

စစ်သွီးကြွ ARSA အကြမ်းဖက်အဖွဲ့သို့ ဆီးဝါး၊ ရိက္ခာနန့် ငွေကြေး ထောက်ပံ့နီသည့် မူဆလင်တဦးကိုအာရက္ခပြည်၊ ကျောက်တော်၌ ဒီလပ် ဖမ်းဆီးရမိ


တရားခံကို ဖမ်းမိသည့် ရက်- ၂၀၂၆ ခုနှစ်၊ စပ်တမ်ဘာလ (၃၀) ရက်။
တရားခံကို ဖမ်းမိသည့် နီရာ - အာရက္ခပြည်၊ ကျောက်တော်မြို့နယ်၊ ‌အောက်ပိုက်သည် (မူဆလင်)ရွာ။

၁။ သတင်းအကျဉ်း

အာရက္ခပြည်၊ ကျောက်တော်မြို့နယ်၊ အောက်ပိုက်သည် (မူဆလင်) ရွာမှ အစ္စလာမ်မစ် အစွန်းရောက် စစ်သွီးကြွ ARSA အကြမ်းဖက်အဖွဲ့သို့ ဆီးဝါး၊ ရိက္ခာနန့် ငွေကြေးများ ထောက်ပံ့ နီသည့် မူဆလင်အမျိုးသားတဦးကို တရားဥပဒေစိုးမိုးရီးနန့် ပြည်သူ့လုံခြုံရီးဌာန (ဒီလပ်) က ဥပဒေလုပ်ထုံးလုပ်နည်းများနန့်အညီ ဖမ်းဆီး အရေးယူထားပြီး ဖြစ် သည်။

ဖြစ်စဉ်မာ ကျောက်တော်မြို့နယ်၊ အောက်ပိုက်သည်(မူဆလင်)ရွာမှ (အဖ) အိုဘီဒူလာ၏သား ဟာမီတူဆင်း (၄၀နှစ်) သည် ၂၀၁၅ ခုနှစ်ကပင် မလေးသျှားနိုင်ငံသို့ တရားမဝင်လမ်းကြောင်းမှ လားရောက်ခပြီးနောက် မလေးသျှား၌ အလုပ်လုပ်ကိုင်ခစဉ် “နိုင်ငံခြားရောက် မူဆလင်တက်ကြွလှုပ်ယှားသူများ Group” ဖွဲ့၍ အဆက်အသွယ်များပြုလုပ်ကာ ဘင်္ဂလားဒေ့ချ်နိုင်ငံဟိ ဒုက္ခသည်များနန့် စစ်သွီးကြွ ARSA အကြမ်းဖက်အဖွဲ့သို့ ဆီးဝါး၊ ရိက္ခာနန့် ငွေကြေးများ ထောက်ပံ့ပီးခကြောင်း စစ်ဆီးပေါ် ပေါက် သည်။

ဖမ်းဆီးရမိသူ ဟာမီတူဆင်း (၄၀နှစ်)၏ ထွက်ဆိုချက်အရ အဆိုပါ Group ၌ နော်ဝေနိုင်ငံမှ အာဒူဆားလင်၊ အမေရိကန်နိုင်ငံမှ မိုဟာမတ် နာဆာလ်နန့် မိုဟာမတ်နာဆေး၊ မလေးသျှားနိုင်ငံမှ မိုဟာမတ်အီစမိုင်း၊ အဒူမာဂျက်၊ မိုဟာမတ် အီစမန်၊ ဟာမီဒူ၊ ဆိုက်ဘူလား၊ ယူနို့(စ်)၊ အာပဒိုလ်ဂိုနီနန့် ဟာမီဒူ၊ မိုဟာမတ်တာချိန်း၊ မိုဟာမတ်နာဆိမ့်၊ ဟတ်လာ၊ မိုဟာမတ်တာယု၊ မိုဟာမတ်တာမီ၊ အေဘာဒူလာ နန့် ဖာရာဇာဒင်၊ မက်နော်ဆိမ်၊ ခါဆိမ့် စသည့် အဓိက တက်ကြွ လှုပ်ယှား လှုံ့ဆော်နီသည့် နိုင်ငံခြားရောက် မူဆလင်ဂေါင်းဆောင် (၂၀) ဦးခန့် ပါဝင်ကြောင်း သိရသည်။

ဟာမီတူဆင်း (၄၀နှစ်) သည် ၂၀၁၅ ခုနှစ်၊ (ရက်/လ မမှတ်မိ)  နိတနိတွင် အာရက္ခပြည်မှတဆင့် မလေးသျှား နိုင်ငံသို့ တရားမဝင်လမ်းကြောင်းမှ လားရောက်ခကြောင်း၊ မလေးသျှားနိုင်ငံ၊ ကာလန်မြို့၊ ဘူကစ်ဂျာလီမြို့နန့် ကကျင်း အိုတမာမြို့ရို့ဟိ စားသောက်ဆိုင်များ၌ အလုပ်လုပ်ကိုင်ခပြီး ယင်းသို့လုပ်ကိုင်နီစဉ် မလေးသျှားနိုင်ငံ၊ ဆလန်ဂေါမြို့နယ်၊ ဆာဒန်ရွာ၌အလုပ်လုပ်ကိုင် နီထိုင်သူ မူဟာမတ်နာဆာလ်(မူ)မှ ၎င်း၏ ဖုန်းတွင် IMO Application ၌ Rpara Development Society Group အတွင်း အဖွဲ့ဝင်အဖြစ် ထည့်သွင်းပီးခကြောင်း၊ ၂၀၂၂ ခုနှစ်၊ ဩဂတ်စ်လ၊ (ရက်မမှတ်မိ) တရက်တွင် မလေးသျှားနိုင်ငံ၌ နီထိုင်သော ၎င်း၏ သူငယ်ချင်းဖြစ်သူ မူဟာမတ်အီစမိုင်းမှ ၎င်းကိုင်ဆောင်သည့်ဖုန်းနံပါတ်ကိုတောင်း၍ IMO Application ၌ SULLUK P ONE GROUP အတွင်း အဖွဲ့ဝင်အဖြစ် ထည့်သွင်းပီးခကြောင်း၊ ၂၀၂၂ ခုနှစ်၊ ဩဂတ်စ်လ၊ (ရက်မမှတ်မိ)တရက်တွင် SULLUK P ONE GROUP ထဲ၌ ပါသည့် နော်ဝေနိုင်ငံ၌ နီထိုင်သူ အာဒူဆားလင်က ၎င်းအား IMO Application၌(KTW) Education Welfare Council Groupနန့် (KTW) Welfare Media-Council Group များ၌ အဖွဲ့ဝင်အဖြစ် ထည့်ပီးခကြောင်း၊ ၎င်းမာ အဆိုပါ Group များ၌ ဟိသော အာဒူဆားလင်၊ အမေရိကန်တွင် နီထိုင်သည့် မိုဟာမတ်နာဆာလ် နန့် မိုဟာမတ်နာဆေး၊ မလေးသျှားတွင် နီထိုင်သည့် မိုဟာမတ်အီစမိုင်း၊ အဒူမာဂျက်၊ မိုဟာမတ်အီစမန်၊ ဟာမီဒူ၊ ဆိုက်ဘူလား၊ယူနို့ (စ်)၊အာပဒိုလ်ဂိုနီ၊ ဟာမီဒူ၊ မိုဟာမတ်တာချိန်း၊ မိုဟာမတ်နာဆိမ့်၊ ဟတ်လာ၊ မိုဟာမတ်တာယု၊ မိုဟာမတ်တာမီ၊ အေဘာဒူလာ၊ ဖာရာဇာဒင်၊ မက်နော်ဆိမ်၊ ခါဆိမ့် ရို့ (၂၀)ဦးနန့် Group ထဲ၌ အဆက်အသွယ်များပြုလုပ်ကာ ဘင်္ဂလားဒေ့ချ်နိုင်ငံဟိ ဒုက္ခသည် များနန့် စစ်သွီးကြွ ARSA အကြမ်းဖက်အဖွဲ့သို့ ဆီးဝါးပစ္စည်းများနန့် လိုအပ်သည့်ရိက္ခာ၊ ငွေကြေးများ ထောက်ပံ့လျက် အကြမ်း ဖက်လုပ်ငန်းများကို အားပီးကူညီဆောင်ရွက်ခသည်။

ယင်းအပြင် ၂၀၂၂ ခုနှစ်၊ ဩဂတ်စ်လ (၁၅) ရက်နိတွင် နော်ဝေမှ အာဒူဆားလင် နန့် အမေရိကန်တွင် နီထိုင်သော မိုဟာမတ် နာဆာလ် ရို့(၂)ယောက်သည် မြန်မာပြည်မှ မလေးသျှားသို့ အလုပ်လုပ်ရန်ရောက်ဟိနီသည့် မူဆလင်လူမျိုးများထံမှ စစ်သွီးကြွ ARSA အကြမ်းဖက်အဖွဲ့သို့ ဆီးဝါးပစ္စည်းများနန့် လိုအပ်သည့် ရိက္ခာများ ထောက်ပံ့ရန်အတွက်ဟုဆိုကာ ကာဆိန်းနန့် နော်ဆိန်း ရို့(၂)ဦးအား ဖေသာကောက်ခိုင်းရာ ဟာမီတူဆင်းက မလေးသျှားရင်းဂစ် (၄၀)အား SULLUK P ONE GROUP ထဲတွင် ပထမ အကြိမ်ထည့်ပီးခကြောင်း၊ ၂၀၂၂ ခုနှစ်၊ နိုဗမ်ဘာလ(၈)ရက်နိတွင် ဒုတိယအကြိမ် ရင်းဂစ် (၄၀)ကို (KTW) Education Welfare Council Group တွင် ထည့်ပီးခကြောင်း စစ်ဆီးဖော်ထုတ်ခသည်။

ယင်းနောက် ဟာမီတူဆင်းသည် မလေးသျှားနိုင်ငံတွင် အလုပ်လုပ်ကိုင်နီစဉ် အောက်ပိုက်သည်(မူ)ရွာနီ ၎င်း၏မယားဖြစ်သူ ဂိုလ်ဇာ ကျန်းမာရီးမကောင်းကြောင်း သတင်းရ၍  ၂၀၂၅ ခုနှစ်၊ ဂျန်နဝါရီလ(၆)ရက်နိတွင် မလေးသျှားမှ အောက်ပိုက်သည်(မူ) ရွာသို့ ပြန်လာရာ ၂၀၂၆ ခုနှစ်၊ စပ်တမ်ဘာလ (၃၀) ရက်နိ၊ မွန်းလွဲ (၃) နာရီ၊ (၃၅) မိနစ်အချိန်ခန့်တွင် ကျောက်တော်မြို့မ ဒီလပ်စခန်း၌ အကြမ်းဖက်မှု တိုက်ဖျက်ရီးဥပဒေဖြင့် အမှုဖွင့် အရေးယူခံခရသည်။

ယင်းကြောင့် ဟာမီတူဆင်း(၄၀နှစ်)ကို အကြမ်းဖက်မှုတိုက်ဖျက်ရီး ဥပဒေပုဒ်မ ၅၀ (က)၊ ၅၀ (ည)၊ ၅၂ (က) ဖြင့်လည်းကောင်း၊ အမှုမှ ထွက်ဗြီးတရားခံ (၂၂) ဦးကို အကြမ်းဖက်မှုတိုက်ဖျက်ရီး ဥပဒေပုဒ်မ ၅၀(က)၊ ၅၀(ည)၊ ၅၂(က)/ကျင့် ၅၁၂ ဖြင့် တရားစွဲ တင်နိုင်ရီး အမှုအား ခိုင်မာစွာ တည်ဆောက်လျက်ဟိကာ ဥပဒေအကြံပြုချက်နန့်အညီ အယင် တရားစွဲတင်ပို့လားမည် ဖြစ်သည်။

၂။ အများပြည်သူသို့ အသိပီး နှိုးဆော်ချက်

အကြမ်းဖက်မှုဆိုသည်မာ အကြမ်းဖက်မှု ကျူးလွန်ရန် ရည်ရွယ်ချက်ဖြင့် သတ်မှတ်ပြစ်မှုတရပ်ရပ်ကို ပြုလုပ်မှုနန့် ပြုလုပ်ရန် ပျက်ကွက်မှုများကို ဆိုလိုပါသည်။ (ဥပမာ- အကြမ်းဖက်ဗုံးဖောက်ခွဲမှု၊ ဒါးစာခံဖမ်းဆီးမှု၊ အများပြည်သူအဆောက်အအုံများကို ဖျက်ဆီးမှု၊ လက်နက်ပစ္စည်းထောက်ပံ့မှု၊ အကြမ်းဖက်အဖွဲ့ဝင်အဖြစ် ပူးပေါင်းပါဝင်မှု၊ အကြမ်းဖက်အုပ်စု တခုခုတွင်ဖြစ်စီ၊ အကြမ်းဖက်လုပ်ငန်းများဆောင်ရွက်ရာတွင်ဖြစ်စီ လူတဦးဦးအား ပါဝင်စီရန် တိုက်တွန်းမှု၊ စည်းရုံးသိမ်းသွင်းမှု၊ ဝါဒဖြန့်မှု၊ စုဆောင်းရန် ပြုလုပ်မှု၊ အကြမ်းဖက်အဖွဲ့မှန်းသိလျက် သတင်းပီးရန် ပျက်ကွက်မှု၊ အကြမ်းဖက်အဖွဲ့သို့ သတင်းပီးမှု/ ပြောဆိုမှု/ လူစုဆောင်းမှု /ငွေကြေးထောက်ပံ့မှုများ ပါဝင်သည်။)

အကြမ်းဖက်မှုတိုက်ဖျက်ရီးဥပဒေ ပုဒ်မ ၅၀ (က)တွင် အများပြည်သူ၏လုံခြုံရီးကိုဖြစ်စ်ီ၊ အသက်အိုးအိမ်ကိုဖြစ်စီ၊ အများပြည်သူ (သို့မဟုတ်) တဦးတယောက်အတွက် အရေးကြီးသော အဆောက်အအုံများကိုဖြစ်စီ၊ နိုင်ငံပိုင်အဆောင်အအုံ၊ ယာဉ်၊ စက်ပစ္စည်း ကိရိယာနန့်အသုံးအဆောင်ပစ္စည်းများကိုဖြစ်စီ၊ ပြင်းထန်စွာ ထိခိုက်ဆုံးယှုံးစီရန်ပြုလုပ်မှုများ၊ အများပြည်သူအတွင်း ထိတ်လန့် ကြောက်ရွံ့မှု ဖြစ်ပေါ်စီခြင်း၊ အစိုးရ (သို့မဟုတ်) ပြည်တွင်းပြည်ပ အဖွဲ့အစည်းတခုခုအား ဥပဒေနန့်မညီသော လုပ်ရပ်တခုကို အတင်းအကျပ်ပြုလုပ်စီခြင်း (သို့မဟုတ်) ဥပဒေနန့်အညီ ပြုလုပ်ရမည်ကို မပြုလုပ်ဘဲ ယှောင်ယှားစီခြင်းရို့ကို ရည်ရွယ်၍ အရပ်သားကို ဖြစ်စီ၊ လက်နက်ကိုင်ပဋိပက္ခတိုက်ပွဲ ဖြစ်နီသည့် အခြေအနီတွင် စစ်ပြိုင်မှု၌ ပါဝင်တိုက်ခိုက်ခြင်းမဟိသည့် အခြား သူတဦးဦးကို ဖြစ်စီ၊ သီစီရန် (သို့မဟုတ်) အပြင်းအထန် နာကြင်စီရန် နန့် အခြားပြုလုပ်မှုများ၊ အကြမ်းဖက်ရန် ရည်ရွယ်ချက် ဖြင့် အများပြည်သူ၏ ကျန်းမာရီးကိုဖြစ်စီ၊ ဖီးကင်းရီးကိုဖြစ်စီ၊ သဘာဝပတ်ဝန်းကျင်ကိုဖြစ်စီ ဆိုးရွားစွာထိခိုက်စီသည့် အကြမ်း ဖက်မှုများ၊ လူတဦးဦးအား ဒါးစာခံအဖြစ် ထိန်းသိမ်းထားခြင်း၊ ထိုသို့ထိန်းသိမ်းမှုကျူးလွန်ရန် အားထုတ်မှု၊ အားပီး ကူညီမှု၊ လှုံ့ဆော်မှု၊ ပြစ်မှုကျူးလွန်ရာတွင် ပါဝင်ဆောင်ရွက်မှုများ၊ နျူကလီးယားဒြပ်ပစ္စည်း၊ ရေဒီယိုသတ္တိ ကြွဒြပ်ပစ္စည်း၊ နျူကလီးယား အဆောက် အအုံများနန့် ဇီဝ၊ဓာတုနန့် နျူကလီးယားလက်နက်များနန့်ပတ်သက်၍ ပြစ်မှုကျူးလွန်မှုများ၊ ရီကြောင်းပို့ ဆောင်ရီး ကို ဖီးအန္တရာယ်ဖြစ်စီသည့် ဥပဒေမဲ့ပြုလုပ်မှုများ၊ ရီအောက်သယံဇာတ ရှာဖွီရီး အဆောက်အအုံကို  ဖီးအန္တရာယ် ဖြစ်စီသည့် ဥပဒေမဲ့ပြုလုပ်မှုများ၊ အကြမ်းဖက်ဗုံးခွဲ တိုက်ခိုက်မှုဆိုင်ရာပြစ်မှုများ၊ အကြမ်းဖက်မှု ငွေကြေးထောက်ပံ့ မှုဆိုင်ရာ ပြစ်မှုများကို မည်သူမဆိုကျူးလွန်ကြောင်း ပြစ်မှုထင်ရှား စီရင်ခြင်း ခံရလျှင် ထိုသူကို အနည်းဆုံး ထောင်ဒဏ်(၁၀)နှစ်မှ အများဆုံး ထောင်ဒဏ် တသက်အထိ ချမှတ်ရမည့်အပြင် ငွေဒဏ်လည်း ချမှတ်နိုင်သည်။

အကြမ်းဖက်မှုတိုက်ဖျက်ရီးဥပဒေ ပုဒ်မ ၅၀(ည)တွင်လည်း မည်သူမဆို အကြမ်းဖက်မှုတခုခုကျူးလွန်ရာ၌ဖြစ်စီ၊ ကျူးလွန်ရန် ဖြစ်စီ ယင်းပြစ်မှုဖြစ်မြောက်အောင် ပံ့ပိုးဆောင်ရွက်ရန် (သို့မဟုတ်) ဆောင်ရွက်နိုင်စီရန် အလို့ငှာ အကြမ်းဖက်မှုကို ငွေကြေး၊ ပစ္စည်း၊ ဝန်ဆောင်မှု အားလုံး(သို့မဟုတ်) တစိတ်တဒေသကို ဥပဒေနန့်မညီဘဲ တိုက်ရိုက်ဖြစ်စီ၊ သွယ်ဝိုက်၍ဖြစ်စီ၊ တနည်းနည်း ဖြင့် ပြစ်မှုတခုခုကို ကျူးလွန်ရန်အားထုတ်ခြင်း၊ အားပီးကူညီခြင်း၊ လှုံ့ဆော်ခြင်း၊ စည်းရုံးခြင်း၊ ပီးကမ်းထောက်ပံ့ခြင်း၊ အရောင်းအဝယ်ပြုလုပ်ခြင်း၊ လွှဲပြောင်းခြင်း၊ အကြမ်းဖက်အုပ်စုပိုင် ပစ္စည်း(သို့မဟုတ်) အကြမ်းဖက်သမားပိုင် ပစ္စည်းဟု သိဟိသော ပစ္စည်းကို လက်ဝယ်ထားဟိခြင်း (သို့မဟုတ်) ထိန်းချုပ်မှု အောက်တွင် ဟိနီခြင်း၊ အကြမ်းဖက်မှုကို ကျူးလွန်ရန် အခြားသူတဦး ကို ညွှန်ကြားခြင်း (သို့မဟုတ်) ကြံရာပါအဖြစ် ပါဝင်ဆောင်ရွက်ခြင်းများအား မည်သူမဆို ကျူးလွန်ကြောင်း ပြစ်မှုထင်ရှား စီရင် ခြင်းခံရလျှင်ထိုသူကို အနည်းဆုံး ထောင်ဒဏ်(၁၀)နှစ်မှ အများဆုံး ထောင်ဒဏ်တသက်အထိ ချမှတ်ရမည့်အပြင် ငွေဒဏ်လည်း ချမှတ်နိုင်သည်။

အကြမ်းဖက်မှုတိုက်ဖျက်ရီးဥပဒေပုဒ်မ ၅၂ (က)တွင် အကြမ်းဖက်အုပ်စုတခုခု၌ဖြစ်စီ၊ အကြမ်းဖက်လုပ်ငန်းများ ဆောင်ရွက် ရာ၌ဖြစ်စီ၊ သူတဦးဦးအား ပါဝင်စီရန် တိုက်တွန်းမှု၊ စည်းရုံးသိမ်းသွင်းမှု၊ ဝါဒဖြန့်မှု၊ စုဆောင်းရန် ပြုလုပ်မှု၊ အကြမ်းဖက်အုပ်စု ဖွဲ့စည်းရန် အကြမ်းဖက်အုပ်စု တခုခု၌ သိလျက်နန့် ပါဝင်ဆောင်ရွက်ရန် တာဝန်ပီး၍ လှုပ်ယှားဆောင်ရွက်စီရန် အကြမ်းဖက် သမားကိုဖြစ်စီ၊

၃။ ဒီလပ်ဌာန၏ ရည်မှန်းချက် တာဝန် (၄) ရပ်

(က) ပြည်တွင်းလုံခြုံရီးနန့် ရပ်ရွာအီးချမ်းသာယာရီး။
(ခ) တရားဥပဒေစိုးမိုးရီး။
(ဂ) မူးယစ်ဆီးဝါးအန္တရာယ် တားဆီးကာကွယ်ရီး။
(ဃ) ပြည်သူ့အကျိုးပြုလုပ်ငန်းများဆောင်ရွက်ရီး။

၄။ ဆက်သွယ်ရန်-

နီးစပ်ရာ ဒီလပ်စခန်း- 👮🚉
တယ်လီဂြမ်လိပ်စာ - @arakkhadleps
အီးမေး(လ်) လိပ်စာ - [email protected]


အာရက္ခမှုခင်းနန့်ဆက်စပ်      
သတင်းများထုတ်ပြန်ရီးအဖွဲ
အာရက္ခပြည်သူ့တော်လှန်ရီးအစိုးရ

အာရက္ခ မှုခင်းနန့် ဆက်စပ်သတင်းများထုတ်ပြန်ရီးအဖွဲ့
မှုခင်းသတင်းထုတ်ပြန်ချက်
(၂၅/၂၀၂၆)

အဥ္ဇနပူရမြို့နယ်၊ အိုးသည်ရွာ၌ ဖြစ်ပွားခသည့်  လူသတ်မှုမှ တရားခံ နှစ်ယောက်ကို ဒီလပ် ဖမ်းဆီး

၂၀၂၆ ခုနှစ်၊ အောက်တိုဘာလ (၁၁) ရက်

တရားခံများကို ဖမ်းမိသည့်ရက်- ၂၀၂၆ ခုနှစ်၊ စပ်တမ်ဘာလ (၁၂) ရက်။

တရားခံများကို ဖမ်းမိသည့်နီရာ - အာရက္ခပြည်၊ အဉ္ဇနပူရမြို့နယ်၊ အိုးသည်ရွာ။

၁။ သတင်းအကျဉ်း

၂၀၂၆ ခုနှစ်၊ ဩဂတ်စ်လ (၂၉) ရက်နိ၌ အာရက္ခပြည်၊ အဉ္ဇနပူရမြို့နယ်၊ အိုးသည်ရွာမှ ရွာသားတဦး အသတ်ခံခရသည့် လူသတ်မှုဖြစ်စဉ်မှ ကျူးလွန်သူ တရားခံ နှစ်ယောက်ကို တရားဥပဒေစိုးမိုးရီးနန့် ပြည်သူ့လုံခြုံရီးဌာန (ဒီလပ်) က ဥပဒေလုပ်ထုံးလုပ်နည်းများနန့်အညီ ဖမ်းဆီး အရေးယူထားပြီး ဖြစ်သည်။

ဖြစ်စဉ်မာ ၂၀၂၆ ခုနှစ်၊ ဩဂတ်စ်လ  (၃၁) ရက်နိ၊ နိခင်း ၁၁ နာရီခန့်တွင် အဉ္ဇနပူရမြို့နယ်၊ နားပဲ့ချောင်းရွာမှ ဒေါ်ဝင်းကျော့စိန်သည် နီအိမ်၌ ဟိနိစဉ် ၎င်း၏ အစ်ကိုဖြစ်သူ  အဉ္ဇနပူရမြို့နယ်၊ အိုးသည်ရွာမှ ဦးကျော်လှ (ခ)မောင်လုံးကြီးမာ အိုးသည်ရွာ အနားဟိ ၎င်း၏ လယ်တဲနား လယ်ကွင်းထဲ၌ ခန္ဓာကိုယ်အနှံ့ ဒါးခွတ် ဒဏ်ရာများဖြင့် သီဆုံးနီကြောင်း သတင်းကြားသိခသည်။

သို့ဖြစ်၍ အစ်ကိုဖြစ်သူ သီဆုံးသည့်နီရာသို့ ဒေါ်ဝင်းကျော့စိန် လားရောက်ကြည့်ရှုခရာ ဦးကျော်လှ(ခ)မောင်လုံးကြီးမာ ဂေါင်းဘယ်ဖက်နားထင်၌ ဒါးခွတ်ဒဏ်ရာ (၁) ချက်၊ ဘယ်ဖက်နားရွက်မှ ပါးရင်းအထိ ဒါးခွတ်ဒဏ်ရာ (၁) ချက်၊ မိတ်၌ ဒါးခွတ်ဒဏ်ရာ (၁) ချက်၊ လိုင်ပင်းပြတ်သည်အထိ ဒါးခွတ် ဒဏ်ရာ (၁) ချက်၊ ဘယ်ဖက်လက်လှုပ် ၌ ဒါးခွတ်ဒဏ်ရာ (၁) ချက်၊ ဘယ်ဖက်လက်သန်း၊လက်သူကြွယ်၊ လက်ခလယ်၊ လက်ချောင်းများပြတ်နီသော ဒါးခွတ် ဒဏ်ရာ (၁) ချက်၊ ညာဖက်လက်ဝါး၌ ဒါးခွတ် ဒဏ်ရာ (၂) ချက်၊ ဘယ်ဖက်ဒူးဆစ်၌ ဒါးခွတ် ဒဏ်ရာ (၄) ချက်၊ ဘယ်ဖက်ခြီသလုံး၌ ဒါးခွတ် ဒဏ်ရာ (၁) ချက်၊ ဘယ်ဖက် ခြီမ၌ ဒါးခွတ် ဒဏ်ရာ (၁) ချက်၊ ညာဖက် ခြီသလုံး၌ ဒါးခွတ် ဒဏ်ရာ (၁) ချက်စသည့် ဒါးခွတ်ဒဏ်ရာများဖြင့် သီဆုံးနီသည်ကို တွိခကြောင်း သိရသည်။

ယင်းကြောင့် ဒေါ်ဝင်းကျော့စိန်သည် ၎င်း၏အကိုဖြစ်သူ ဦးကျော်လှ(ခ) မောင်လုံးကြီး ဒဏ်ရာရ သီဆုံးစီမှုအား ဥပဒေအရ စုံစမ်းဖော်ထုတ် အရေးယူဆောင်ရွက်ပီးပါရန်  ၂၀၂၆ ခုနှစ်၊ စပ်တမ်ဘာလ (၁) ရက်နိ၊ နိခင်း ၁ နာရီ ၅၀ မိနစ်တွင် တရားလိုပြုလုပ်တိုင်တန်းလာ၍ သက်ဆိုင်ရာ ဒီလပ်စခန်းမှ အမှုအမှတ် (ပ) ၁၂၁/၂၀၂၆၊ ရာဇသတ်ကြီးပုဒ်မ ၃၀၂ ဖြင့် အမှုရွီးဖွင့်ဆောင်ရွက်ခပါသည်။

သက်ဆိုင်ရာ ဒီလပ်စခန်းသည် အမှုမှ ပြစ်မှုကျူးလွန်သူအား ဖမ်းဆီးရမိ တရားစွဲတင်ပို့နိုင်ရီးအတွက် အခင်းဖြစ်ရပ် စစ်ဆီးခြင်း၊ မှတ်တမ်း ဓာတ်ပုံရိုက်ကူးခြင်း၊ မြီပုံကြမ်းရွီးဆွဲခြင်း၊ အခင်းဖြစ်ရပ်အနား၌ သက်သီခံသဲလွန်စများ ရှာဖွီခြင်း၊ သက်သီခံ ပစ္စည်းများ သိမ်းဆည်းခြင်း၊ တရားလိုနန့် အခင်းဖြစ်ရပ်ဆက်စပ်သက်သီများဖော်ထုတ်စစ်ဆီးခြင်း၊ အခင်းဖြစ်နိနန့် အခင်းမဖြစ်မီ ရက်များတွင် အခင်းဖြစ်ရပ်နား၌ဟိခသူ လားလာတတ်သူများအား ဖော်ထုတ်စုံစမ်းစစ်ဆီးခြင်းများ ဆောင်ရွက်ခသည်။

ယင်းသို့ ဆောင်ရွက်ခရာ အခင်းဖြစ်နိညည့်က အခင်းဖြစ်သည့် တဲအနားဟိ လယ်ပြင်၌ ပိုက်တန်းခသော အိုးသည်ရွာမှ ဦးသိန်းချေနန့် ဦးအောင်သန်းဌေး ရို့မှ အခင်းဖြစ်နိ ညည့်(၁၀)နာရီကျော်အချိန်ခန့်တွင် အမှုမှ သီဆုံးသူ ဦးကျော်လှ(ခ)မောင်လုံးကြီး၏ လယ်တဲအနီးမှ “ပေါက်စ မင်းရို့ငါ့ကို သီအောင်သတ်ပလိုက်ဖို့ယာလား” ဟု ဦးကျော်လှ(ခ)မောင်လုံးကြီး ၏ ကြောက်လန့်တကြား အော်ဟစ်သံကြားရကြောင်း ထွက်ဆိုချက်အရ အမှုမှ ပြစ်မှုကျူးလွန်သူများမှာ ပေါက်စ ဆိုသူနန့် အပေါင်းအပါများဖြစ်နိုင်ကြောင်း မသင်္ကာသဖြင့် ဆက်လက်စုံစမ်းရာ လှမောင်သန်း(ခ)ပေါက်စ ဆိုသူမာ အယင်က သီဆုံးသူ ဦးကျော်လှ(ခ)မောင်လုံးကြီးထံတွင် အငှားနီထိုင်ဖူးကြောင်း၊ အဉ္ဇနပူရမြို့နယ်၊ ကင်းဆိပ်ရပ်ရွာတွင် နီထိုင်သူဖြစ်ပြီး အဂုအခါ အမှုမှ သီဆုံးသူ ဦးကျော်လှ(ခ)မောင်လုံးကြီး၏ တဲနန့်မလှမ်းမကမ်းဟိ ကွမ်းသီးခင်းတခင်းတွင် အငှားစောင့်နီထိုင်သည်ကို စုံစမ်းသိဟိခရသည်။

လှမောင်သန်း(ခ)ပေါက်စ၏ အလားအလာအနီအထိုင်များအား လေ့လာစောင့်ကြည့်ခရာ ၎င်းသည် အယင်က အိုးသည်ရွာသို့ နိစဉ် တရက်တခါလားလာတတ်ပြီး အဉ္ဇနပူရမြို့သို့လည်း မကြာမကြာလားလာတတ်ကြောင်း စုံစမ်းသိဟိရပြီး အခင်းဖြစ်ပြီးနောက်ပိုင်းမှစ၍ လားလာလေ့ မဟိကြောင်း သံသယဖြစ်ဖွယ်ရာ တွိရသဖြင့် အမှုမှ သံသယတရားခံ လှမောင်သန်း(ခ)ပေါက်စကို ၎င်းနီထိုင်သော အိုးသည်ရွာအနား ကွမ်းသီးခင်းတဲသို့ လားရောက်ဖမ်းဆီးခကာ အမှုဖြင့် စစ်ဆီးခသည်။

ယင်းသို့စစ်ဆီးရာ ပြစ်မှုကျူးလွန်သူမာ လှမောင်သန်း (ခ) ပေါက်စ တယောက်တည်းမဟုတ်ဘဲ ၎င်းနန့် ဘေးချင်းကပ် ကွမ်းသီးခင်းတွင် ကွမ်းခင်းအငှားစောင့်သူ ကင်းဆိပ်ရွာမှ မင်းသိန်း ဆိုသူနန့်အတူ ပူးပေါင်းကျူးလွန်ခခြင်းဖြစ်ကြောင်း ထွက်ဆိုသဖြင့် လှမောင်သန်း(ခ)ပေါက်စနန့် မင်းသိန်းရို့(၂)ယောက်အား ၂၀၂၆ ခုနှစ်၊ စပ်တမ်ဘာလ (၁၂) ရက်နိတွင် အမှုနန့်ဖမ်းဆီးပြီး ချုပ်မိန့်ရမန်ရယူကာ ဆက်လက် စစ်ဆီးခသည်။

စစ်ဆီးချက်အရ လှမောင်သန်း (ခ)ပေါက်စနန့် မင်းသိန်းရို့နှစ်ယောက်သည် ၂၀၂၆ ခုနှစ်၊ ဩဂတ်စ်လ (၂၉) ရက်နိ၊ နိခင်း ၁၂ နာရီ မိနစ် ၃၀ တွင် တဲ၌စားသောက်ရန် ရိက္ခာများ ကုန်လားသဖြင့် ကွမ်းသီးခင်း ပိုင်သျှင်များနီထိုင်ရာ အဉ္ဇနပူရမြို့၊ ဥက္ကာပျံရပ်ကွက်သို့ နှစ်ယောက်အတူတူလားခကြောင်း၊ တောခွပ် ဒါးရှည်ကိုယ်စီ ပါလားကြောင်း၊ ညဇာဖက် (၄)နာရီခွဲ အချိန်ခန့်တွင် ရိက္ခာယူပြီး ကွမ်းခင်းသို့ နှစ်ယောက်သား ပြန်လာကတ်ရာ တောအရက် (၂)လီတာ ဝယ်လာကတ်ကြောင်း၊ အိုးသည်ရွာ လောင်းဆိပ်တွင် အရက်ထိုင်သောက်ကတ်ရာ အရက်(၁)လီတာကုန်လားကြောင်း၊ ဆက်လက် ထွက်လာခကတ်ရာ ကွမ်းသီးခင်း လားလမ်းဘေးဟိ ဦးကျော်လှ(ခ)မောင်လုံးကြီး၏ တဲသို့ ညည့် ၉ နာရီအချိန်ခန့်တွင် ရောက်ဟိပြီး တဲ၌ (၃)ယောက်သား အရက်အတူတူထိုင်သောက်ခကတ်ကြောင်း ဆိုသည်။

ဦးကျော်လှ (ခ)မောင်လုံးကြီးနန့် လှမောင်သန်း (ခ)ပေါက်စ၊ မင်းသိန်း ရို့(၃)ယောက်သည် တဲထက်၌ အရက်တတူသောက်စားရာမှ မူးယစ်ကာ အချင်းချင်းစကားများရန်ဖြစ်ခကတ်ကြောင်း၊ လှမောင်သန်း (ခ) ပေါက်စက ဒေါသဖြစ်ပြီး ဒါးရှည်ကိုင်ကာ တဲထက်မှဆင်း၍ တဲထရံအား ဒါးဖြင့် တချက်ခွတ်ကာ ထွက်လားသဖြင့် ဦးကျော်လှ(ခ) မောင်လုံးကြီးမှ ဒေါသစိတ် မထိန်းနိုင်ဘဲ လှမောင်သန်း (ခ) ပေါက်စအား လိုက်လံဆဲဆိုပြီး ဒါးကိုင်၍ တဲမှဆင်းလိုက်လားရာ မင်းသိန်းမှလည်း အနောက်မှ ဆင်းလိုက်လာကြောင်း တဲနန့် မလှမ်းမကမ်း လယ်ကွင်းအရောက်တွင် ၎င်းရို့အချင်းချင်း ဆဲဆိုစကားများ ရန်ဖြစ်ကတ်ကြောင်း၊ ဦးကျော်လှ (ခ)မောင်လုံးကြီးမှ လှမောင်သန်း(ခ) ပေါက်စအား ဒါးဖြင့် လှမ်းခွတ်သဖြင့် လှမောင်သန်း (ခ) ပေါက်စနန့် မင်းသိန်း ရို့ (၂) ယောက်မှ ဦးကျော်လှ(ခ) မောင်လုံးကြီးအား အသင့်ပါလာသော ဒါးရှည်များဖြင့် ဝိုင်းခွတ်ကာ လယ်ကွင်းထဲတွင် ပစ်ထားခပြီး ၎င်းရို့အငှားစောင့်သည့် ကွမ်းသီးခင်းတဲ အသီးသီးသို့ လားရောက်ညအိပ်ခကတ်ကြောင်း၊လှမောင်သန်း (ခ)ပေါက်စ နန့် မင်းသိန်း ရို့ (၂) ယောက်မာ ၎င်းရို့၏ ကွမ်းသီးခင်းတဲ၌ ပတ်ဝန်းကျင်က မရိပ်မိအောင် အမူအယာမပျက် နီထိုင်နီစဉ် ၁၂.၉.၂၀၂၆ ရက်နိ၊ ညည့်အချိန်တွင် အမှုဖြင့် ဖမ်းဆီးခံခရခြင်းဖြစ်ကြောင်း ဝန်ခံ ထွက်ဆိုခကတ်သည်။ 

တရားခံ လှမောင်သန်း(ခ)ပေါက်စမှ ၎င်းရို့ ကျူးလွန်ခသော ပြစ်မှုအကြောင်းခြင်းရာများကို တရားရုံး၌ မှန်ကန်စွာ ထွက်ဆိုလိုကြောင်း ပြောဆိုလာသဖြင့် အဉ္ဇနပူရမြို့နယ်တရားရုံး၌ ၂၀၂၆ ခုနှစ်၊ စပ်တမ်ဘာလ (၁၄)ရက်နိတွင် ဖြောင့်ချက်ပီးခရာ အဉ္ဇနပူရမြို့နယ် တရားသူကြီးမှ ရာဇဝတ်အထွေထွေ အမှုအမှတ် (၃၈/၂၀၂၆) ဖြင့် လက်ခံရွီးမှတ်ပြီး အမှုအား ခိုင်မာစွာ တည်ဆောက်ကာ ဥပဒေအကြံပြုချက်နန့်အညီ အမှုမှ တရားခံ လှမောင်သန်း(ခ)ပေါက်စ (၄၆/၂၀၂၆)နှစ်၊ (ဖ)ဦးငပိန်အောင်၊ ရက္ခိုင်/ဗုဒ္ဓ၊ ကွမ်းသီးခင်းအငှားစောင့်၊ ကင်းဆိပ်ရပ်ရွာ၊ အဉ္ဇနပူရမြို့နယ် နီသူနန့် မင်းသိန်း (၃၀/၂၀၂၆)နှစ်၊ (ဖ)ဦးမောင်ဖြူလှ၊ ရက္ခိုင်/ဗုဒ္ဓ၊ ကွမ်းသီးခင်း အငှားစောင့်၊ ကင်းဆိပ်ရပ်ရွာ၊ အဉ္ဇနပူရမြို့နယ်နီသူရို့(၂) ယောက်အား အယင် တရားစွဲတင်လားမည် ဖြစ်သည်။

၂။ အများပြည်သူသို့ အသိပီးနှိုးဆော်ချက်

လူသတ်မှုအတွက် ပြစ်ဒဏ်ဖော်ပြချက်မာ-
၃၀၂ (၁) ။ မည်သူမဆို -
(က) ထောင်ဒဏ်နှစ် နှစ်ဆယ် စီရင်ခြင်းခံရသည့်အတွင်း၊ သို့မဟုတ်
(ခ) တင်ကူးကြံရွယ်ချက်ဖြင့်၊ သို့မဟုတ်
(ဂ) ဤရာဇသတ်ကြီးအရ ခနစ်နှစ်ထိ ထောင်ဒဏ်ချမှတ်ခြင်း ခံထိုက်သော ပြစ်မှုကို ကျူးလွန်နီစဉ်၊ လူသတ်မှုကို ကျူးလွန်လျှင် ထိုသူကို သီဒဏ်ချမှတ်ရမည့်ပြင် ငွေဒဏ်လည်း ချမှတ်နိုင်သည်။

၃၀၂ (၂) ။ မည်သူမဆို အခြားအချက်မျိုး၌ လူသတ်မှုကျူးလွန်လျှင် ထိုသူကို ထောင်ဒဏ်နှစ် နှစ်ဆယ်ဖြစ်စီ၊ ဆယ်နှစ်ထိ အလုပ်ကြမ်းနန့် ထောင်ဒဏ်ဖြစ်စီ ချမှတ်ရမည့်အပြင် ငွေဒဏ်လည်း ချမှတ်နိုင်သည်ဟု ပြဋ္ဌာန်းထားသည်။

လူသတ်မှုများ ဖြစ်ပွားရခြင်းသည် များသောအားဖြင့် အရက်သီစာသောက်စားမူးယစ်ပြီး စိတ်မထိန်းနိုင်ဖြစ်ကာ ကိုယ်၏ ပြုလုပ်မှုများ အကျိုးအပြစ် မည်သို့ဖြစ်မည်ကို ကြိုတင်မစဉ်းစားနိုင်ဘဲ လတ် တလော ဒေါသဖြစ်၍ ကျူးလွန်ကတ်ကြောင်း သုံးသပ်ရသဖြင့် လူသတ်မှုများ လျော့နည်းကျဆင်းလာစီရီးအတွက် ပြည်သူလူထုများအား ဥပဒေ အသိပညာပီး ဆွေးနွေး ဟောပြောခြင်း၊တရားမဝင် လိုင်စန်မဲ့ အရက်များ ထုတ်လုပ်ဖြန့်ဖြူးရောင်းချခြင်းများကို တားဆီးပိတ်ပင် အရေးယူဆောင်ရွက်မှုများ ပြုလုပ်ခြင်း၊ လက်နက်ပုန်း (တုတ်၊ ဒါး၊ လက်နက်) စွဲကိုင် လားလာသူများကို ဥပဒေနန့်အညီ ဖမ်းဆီးအရေးယူဆောင်ရွက်ခြင်းအပြင် အကယ်တန္တိ သီဆုံးမှုသည် ဓမ္မတာအတိုင်း သီဆုံးခြင်းမဖြစ်နိုင်ဟု သံသယဟိပါက သီဆုံးသူ၏ ရုပ်အလောင်းအား အယင်စလို မြှုပ်နှံခြင်းမပြုဘဲ နီးစပ်ရာ တာဝန်ဟိအဖွဲ့အစည်းတခုခုသို့ အကြောင်းကြားပီးခြင်းနန့်အတူ ပြည်သူများအနီဖြင့်လည်း ဥပဒေအား လေးစားလိုက်နာဆောင်ရွက်လာပါက လူသတ်မှုများသည် အတိုင်းအတာတခုထိ လျော့နည်း ကျဆင်းလားမည်ဖြစ်ပြီး "ပြည်သူနန့်ဒီလပ်" အစဉ်လက်တွဲ ပူးပေါင်းဆောင်ရွက်လားပါက တရားဥပဒေစိုးမိုးရီး နန့် ရပ်ရွာအီးချမ်းသာယာမှု ပိုဟိလာမည် ဖြစ်သည်။

အာရက္ခမှုခင်းနန့်ဆက်စပ်သတင်းများ
                  ထုတ်ပြန်ရီးအဖွဲ့
        မှုခင်းသတင်းထုတ်ပြန်ချက်

                    (၂၄/၂၀၂၆)

မြောက်ဦးမြို့နယ်နန့် ပလက်ဝမြို့နယ်မှ ပြည်ပ၌ အလုပ်လုပ်ရန် အကျိုးဆောင် လိုင်စန်မဟိဘဲ တရားမဝင် လူပို့ပီးနီသည့် အမျိုးသမီး (၂) ဦးကို ပြည်ပအလုပ်အကိုင်ဆိုင်ရာဥပဒေဖြင့် ဒီလပ် အမှုဖွင့် အရေးယူထားပြီးဖြစ်

  ၂၀၂၆ ခုနှစ်၊ စပ်တမ်ဘာလ (၆) ရက်

တရားခံများကိုဖမ်းမိသည့်ရက်- ၂၀၂၆ ခုနှစ်၊ ဩဂတ်စ်လ (၁၀) ရက်နန့် (၁၄) ရက်။

တရားခံများကို ဖမ်းမိသည့်နီရာ - ချင်းပြည်၊ ကျင်ဒွေးမြို့နန့် အာရက္ခပြည်၊ မြောက်ဦးမြို့နယ်၊ အိုးထိမ်းရွာ။

၁။ သတင်းအကျဉ်း

မြောက်ဦးမြို့နယ်နန့် ပလက်ဝမြို့နယ်ရို့မှ  ပြည်ပ၌ အလုပ်လုပ်ရန် အကျိုးဆောင်လိုင်စန်မဟိဘဲ တရားမဝင် လူပို့ပီးနီသည့် အမျိုးသမီး(၂) ဦးကို ပြည်ပ အလုပ်အကိုင်ဆိုင်ရာဥပဒေပုဒ်မ (၂၆) ဖြင့်  တရားဥပဒေစိုးမိုးရီးနန့် ပြည်သူ့လုံခြုံရီးဌာန (ဒီလပ်)မှ ဩဂတ်စ် (၃၀) ရက်နိတွင် အမှုဖွင့် အရေးယူထားပြီး ဖြစ်သည်။

ဖြစ်စဉ်မာ မြောက်ဦးမြို့နယ်၊ အိုးထိမ်းရွာနီ (အဖ)ဦးမောင်စံလင်း ၏ သမီး ယဉ်ယဉ်ဝင်း(၃၀နှစ်)နန့် ပလက်ဝမြို့နယ်၊ ဟုန်းရွာနီ (အဖ)ဦးသိန်းစိုးမောင်၏ သမီး ခိုင်မြတ်မွန်(၂၁နှစ်) ရို့သည် ပြည်ပသို့ လူပို့သည့်အလုပ်ကို လုပ်ကိုင်ရန် နှစ်ဦး သဘောတူညီချက်အရ  ပြည်ပနိုင်ငံများနန့် ရန်ကုန်မြို့သို့ လားလိုသည် လူများအား ရှာဖွီခကတ်သည်။

ယင်းသို့ရှာဖွီရာ၌ မြောက်ဦးမြို့နယ်၊ လက္ကာရွာမှ မဦးခိုင်စော (၂၄နှစ်)နန့် မအေးခိုင်စော (၂၃နှစ်) ရို့(၂)ဦးမာ မလေးသျှားနိုင်ငံသို့ လားလိုကြောင်း နန့် မြောက်ဦးမြို့နယ်၊ အိုးထိမ်းရွာမှ မနှင်းနှင်းချို(၂၄နှစ်)နန့် မတင်တင်ဝေ (၃၃နှစ်) ရို့(၂)ဦးမာ ရန်ကုန်မြို့သို့ လားလိုကြောင်း  ပြောပြလာကတ်သဖြင့် မလေးသျှားနိုင်ငံသို့လားလိုသူ မဦးခိုင်စော နန့် မအေးခိုင်စော ရို့(၂)ဦးထံမှ တဦးလျှင် ဖေသာသိန်း (၅၀) ကျပ်နန့် ရန်ကုန်မြို့သို့ လားရောက်လိုသူ မနှင်းနှင်းချို နန့် မတင်တင်ဝေ ရို့(၂)ဦးမာ ယဉ်ယဉ်ဝင်း နန့်ဆွေမျိုးတော်စပ်သူ များ ဖြစ်၍ ပွဲစားခမယူဘဲ ပို့ပီးရန်သဘောတူခကတ်ပြီး လမ်းစရိတ်၊ စားစရိတ်ကုန်ကျမည့် ဖေသာများနှုတ်ကာ ကျန်ဟိသည့် ဖေသာများကို နှစ်ဦး အချိုးကျခွဲဝီယူ ကတ်မည်ဟု သဘောတူထားကတ်သည်။

ယင်းနောက် မဦးခိုင်စော၊ မအေးခိုင်စော၊ မနှင်းနှင်းချို နန့် မတင်တင်ဝေရို့(၄)ဦးအား ခိုင်မြတ်မွန် ဦးဆောင်ကာ ၂၀၂၆ ခုနှစ်၊ ဩဂတ်စ်လ (၅) ရက်နိ မိုးထ (၉)နာရီအချိန်ခန့်တွင် မြောက်ဦးမြို့နယ်၊ ဆင်အိုးကြီးရွာ ဆိပ်ကမ်းမှတဆင့် စက်လောင်းဖြင့်  ပလက်ဝမြို့ နယ်၊ ပီချောင်းဆုံရွာသို့ ထွက်ခွာလာခရာ ယဉ်ယဉ်ဝင်းမာ နီမကောင်း၍ ပီချောင်းဆုံရွာသို့ ဆက်မလိုက်တော့ဘဲ ၎င်း၏နီအိမ်သို့ ဆင်အိုးကြီးဆိပ်ကမ်းမှ ပြန်လားခသည်။

ယင်းနောက် ကျန်သူ (၅)ဦး ဆက်လက်ထွက်ခွာလာရာ၂၀၂၆ ခုနှစ်၊ ဩဂတ်စ်လ (၆) ရက်နိ၊ ညဇာ (၆)နာရီအချိန်ခန့်တွင် ပလက်ဝမြို့နယ်၊ ဟုန်းရွာသို့ ရောက်ဟိခပြီး ခိုင်မြတ်မွန်၏ နီအိမ်၌ (၃)ညည့် အိပ်စက်ခသည်။

၂၀၂၆ ခုနှစ်၊ ဩဂတ်စ်လ (၉) ရက်နိ မိုးထ (၈)နာရီ၊ မိနစ် (၃၀)ခန့်တွင် ဟုန်းရွာမှ ပီချောင်းဆုံရွာသို့ စက်လောင်းဖြင့် ဆက်လက်ထွက်ခွာခရာ ယင်းနိ၊  နိခင်း (၁)နာရီ၊ မိနစ် (၃၀) ခန့်တွင် ပီချောင်းဆုံရွာသို့ ရောက်ဟိခသည်။

ယင်းမှတဆင့် မဦးခိုင်စော၊ မအေးခိုင်စော နန့် မနှင်းနှင်းချို ရို(၃)ဦးအား ဆိုင်ကယ် ကယ်ရီများဖြင့် မကွေးတိုင်း၊ ဆောမြို့နယ်၊ ရန်းကဲရွာသို့ ရှိမှ လားစီကာ ခိုင်မြတ်မွန် နန့် မတင်တင်ဝေ ရို့ (၂)ဦးမာ ပီချောင်းဆုံရွာဟိ ထမင်းဆိုင်တဆိုင်၌ တညည့် အိပ်ခကတ်သည်။

၂၀၂၆ ခုနှစ်၊ ဩဂတ်စ်လ (၁၀) ရက်နိ၊ မိုးထ (၈) နာရီအချိန်ခန့်တွင် ခိုင်မြတ်မွန်နန့် မတင်တင်ဝေ ရို့နှစ်ဦးသည် ဆိုင်ကယ်ကယ်ရီဖြင့် မကွေးတိုင်း၊ ဆောမြို့နယ်၊ ရန်းကဲရွာသို့ ဆက်လိုက်လားခရာ ယင်းနိမာပင် ပလက်ဝမြို့ နယ်၊ မကျားအီနုန်းရွာအလွန် ထမင်းဆိုင် တဆိုင်၌ မဦးခိုင်စော၊ မအေးခိုင်စော နန့် မနှင်းနှင်းချို ရို့(၃)ဦးအား တွိဆုံကာ ခိုင်မြတ်မွန်သည် ၎င်းရို့ (၄)ဦးအား ဆိုင်ကယ်ကယ်ရီဖြင့် တင်ဆောင်ကာ ချင်းပြည်၊ ကျင်ဒွေးမြို့သို့ ဆက်လက် ထွက်လာခသည်။

၂၀၂၆ ခုနှစ်၊ ဩဂတ်စ်လ (၁၀) ရက်၊ (ယင်းနိ)၊ ညည့်၌ ကျင်ဒွေးမြို့ဟိ နီအိမ်တအိမ်တွင် တည်းခိုနီကတ်စဉ် အာရက္ခတပ်တော် (AA)၊ ထောက်လှမ်းရီးဌာနမှ တပ်ဖွဲ့ဝင်များမှ စစ်ဆီး ဖမ်းဆီးထိန်းသိမ်းခပြီး ယဉ်ယဉ်ဝင်းကိုတော့ ၂၀၂၆ ခုနှစ်၊ ဩဂတ်စ်လ (၁၄) ရက်နိတွင် မြောက်ဦးမြို့နယ်၊ အိုးထိမ်းရွာဟိ ၎င်း၏နီအိမ်၌ ဖမ်းဆီး ထိန်းသိမ်းခသည်။

ယင်းသို့ဖမ်းဆီးထိန်းသိမ်းပြီးနောက် အာရက္ခတပ်တော်၊ ထောက်လှမ်းရီးဌာနသည် ဥပဒေအရ အရေးယူဆောင်ရွက်နိုင်ရန် မြောက်ဦးမြို့မဒီလပ်စခန်းသို့ လာရောက် လွှဲပြောင်းအပ်နှံခ၍ အကျိုးဆောင် လိုင်စန်မဟိဘဲ အကျိုး ဆောင်လုပ်ငန်းကို အခဖေသာရယူကာ ပြည်ပ၌ အလုပ်လုပ်ကိုင်ရန် ပို့ပီးခသူများဖြစ်သော ယဉ်ယဉ်ဝင်း နန့် ခိုင်မြတ်မွန် ရို့(၂)ဦးအား မြောက်ဦးမြို့မဒီလပ်စခန်းက ၂၀၂၆ ခုနှစ်၊ ဩဂတ်စ် (၃၀)ရက်နိ၊ ညဇာ (၄)နာရီ၊ မိနစ် (၃၀) တွင် (ပ)၄၃/၂၀၂၆၊ ပြည်ပအလုပ်အကိုင်ဆိုင်ရာဥပဒေ ပုဒ်မ (၂၆) ဖြင့် အမှုဖွင့် အရေးယူဆောင်ရွက်ခသည်။

ယင်းနောက် ဒီလပ်သည် ဒီလပ်လုပ်ငန်းများ ကုန်စင်အောင် ဆောင်ရွက်နိုင်ရီးအတွက် ၂၀၂၆ ခုနှစ်၊ ဩဂတ်စ် (၃၁) ရက်နိတွင် ချုပ်မိန့် ရီမန်ရယူစစ်ဆီးကာ အမှုအား ခိုင်မာစွာတည် ဆောက်လျက် ဥပဒေအကြံပြုချက်နန့်အညီ အယင် တရားစွဲတင်ပို့လားမည် ဖြစ်သည်။

၂။ အများပြည်သူသို့ အသိပီးနှိုးဆော်ချက်

ပြည်ပအလုပ်အကိုင်ဆိုင်ရာဥပဒေပုဒ်မ ၂(က)အရ  ပြည်ပအလုပ်အကိုင်ဆိုသည်မာ အောက်ပါအလုပ်အကိုင်များမှအပ ကာလအကန့်အသတ်ဖြင့် ပြည်ပသို့ လားရောက်၍ အလုပ်လုပ်ကိုင်လျက်ဟိသည့် လုပ်ငန်းတခုခုကို ဆိုသည်။

ယင်းစကားရပ်တွင် ပြည်ပဟိ ကုလသမဂ္ဂအဖွဲ့အစည်းများနန့် ယင်းအဖွဲ့များ၏ လက်အောက်ခံအဖွဲ့အစည်းများတွင် ပုဂ္ဂလိကအနီဖြင့် လားရောက်လုပ်ကိုင်လျက်ဟိသော လုပ်ငန်းလည်းပါဝင်သည်။

(၁) ပင်လယ်ကူးသင်္ဘောသားအလုပ်အကိုင်၊

(၂) အစိုးရဌာန၊ အဖွဲ့အစည်းတခုခု၏ တာဝန်ပီးချက်အရ အစိုးရဝန်ထမ်းများနန့် ကျွမ်းကျင်သူများက ပြည်ပသို့ လားရောက်လုပ်ကိုင်သည့်အလုပ်အကိုင်၊

အကျိုးဆောင်ဆိုသည်မာ ပြည်ပအလုပ်အကိုင်ရှာဖွီသူများ အလုပ်ရဟိရီးအတွက် သတ်မှတ်သည့် ဝန်ဆောင်ခရယူ၍ ကိုယ်စားလှယ်အဖြစ်ဆောင်ရွက်ပီးသည့် ပုဂ္ဂိုလ် (သို့မဟုတ်)အဖွဲ့အစည်းကို ဆိုသည်။ အကျိုးဆောင်လုပ်ငန်းကို လုပ်ကိုင်လိုသူသည် အကျိုးဆောင်လိုင်စန်ထုတ်ပီးရန် ဦးစီးဌာန သို့ သတ်မှတ်ချက်များနန့်အညီ လျှောက်ထားရမည်။

"မည်သူမဆို အကျိုးဆောင်လိုင်စန်မဟိဘဲ အကျိုးဆောင်လုပ်ငန်းကို လုပ်ကိုင်ကြောင်း ပြစ်မှုထင်ရှားစီရင်ခြင်းခံရလျှင် ထိုသူကို ထောင်ဒဏ် (၇)နှစ် အထိ ချမှတ်ရမည့်အပြင် ငွေဒဏ်လည်းချမှတ်နိုင်သည်"ဟု ပုဒ်မ-၂၆ တွင် ပြဋ္ဌားန်းထားသည်။

အများပြည်သူရို့အနီဖြင့် ပြည်ပတွင် အလုပ်အကိုင်ရဟိမည်ဟု စည်းရုံးသိမ်းသွင်းပြီး ဖေသာများ ရယူကာ တရားမဝင် လိုင်စန်မဟိဘဲ လူပို့ဆောင်နီသော လူများကို အထူးသတိပြု ယှောင်ယှားကတ်ရန် လိုအပ်ပါသည်။

ပြည်ပသို့ အလုပ်အကိုင် လုပ်ရန် လားရောက်လိုပါက-

အလုပ်အကိုင်ရဟိမည်ဟု ပြောဆိုစည်းရုံးသူများ၏ အထောက်အထားများကို စိစစ်ရန်၊

လိုင်စန်ရ ပြည်ပအလုပ်အကိုင် အကျိုးဆောင် အေဂျင်စီ ဟုတ်/မဟုတ် သက်ဆိုင်ရာဌာန၏ တရားဝင် စာရင်းများတွင် စစ်ဆီးရန်၊

အလုပ်အကိုင်၊ လစာ၊ အလုပ်လုပ်ရမည့် နိုင်ငံ၊ အလုပ်သျှင်၏ အချက်အလက်များကို သီချာစွာ စစ်ဆီးရန်၊

စာချုပ်စာတမ်းနန့် တရားဝင် ခွင့်ပြုချက်မဟိဘဲ ဖေသာပီးအပ်ခြင်းနန့် တရားမဝင် လမ်းကြောင်းမှ ပြည်ပသို့ ထွက်ခွာခြင်း မပြုရန်၊

သံသယဖြစ်ဖွယ် စည်းရုံးသိမ်းသွင်းမှု၊ ဖေသာ တောင်းခံမှု (သို့မဟုတ်)လူများအား တရားမဝင်ပို့ဆောင်ရန် ကြိုးပမ်း မှုများ တွိဟိပါက သက်ဆိုင်ရာ တာဝန်ဟိဌာနများသို့ အချိန်မီ သတင်းပို့တိုင် ကြားကတ်ရန်၊

လူပွဲစားများ၏ မသီချာသောစကားများကို မယုံကြည်ရန်၊

ပြည်ပအလုပ်အကိုင် ရှာဖွီသူများအနီဖြင့် ပွဲစား၊ အကျိုးဆောင် (သို့မဟုတ်) အေဂျင်စီသည် သက်ဆိုင်ရာဌာန၏ တရားဝင်လိုင်စန် ရဟိထားခြင်း ဟိ/မဟိ မစစ်ဆီးဘဲ ဖေသာများအား အယင်စလို မပီးကတ်ရန်၊

လားရောက်မည့်နိုင်ငံ၊ အလုပ်သျှင်နာမည်၊ အကျိုးဆောင်နာမည်၊ ဖုန်းနံပါတ်၊ ခရီးစဉ်နန့် နီထိုင်မည့် နီရပ်လိပ်စာများကို မိသားစုထံ ပီးထားရန်၊

အလုပ်စာချူပ်၊ ဗီဇာ၊ ဖေသာပီးချီပြေစာနန့် အကျိုးဆောင်သူ၏ အချက်အလက်များကို ကိုယ်တိုင် နန့် မိသားစုများထံ ပီးထားရန်

စသည့်အချက်များအား သတိထားလိုက်နာဆောင်ရွက်လားပါက အများပြည်သူများအနီဖြင့် ကရို့၏ဖေသာများ မတရားဆုံးယှုံးမှု မဟိဘဲ လူမှုဒုက္ခများ ကင်းဝီးကာ တရားမဝင် လိုင်စန်မဟိသည့် ပြည်ပသို့ လူပို့သူပွဲစားများ၊ အကျိုးဆောင်များ၏ အန္တရာယ်များမှ ယှောင်ယှားနိုင်မည်ဖြစ်သည်။

၃။ ဒီလပ်ဌာန၏ ရည်မှန်းချက်တာဝန် (၄) ရပ်

(က) ပြည်တွင်းလုံခြုံရီးနန့်ရပ်ရွာအီးချမ်းသာယာရီး။
(ခ)တရားဥပဒေစိုးမိုးရီး။
(ဂ)မူးယစ်ဆီးဝါးအန္တရာယ်တားဆီးကာကွယ်ရီး။
(ဃ) ပြည်သူ့အကျိုးပြုလုပ်ငန်းဆောင်ရွက်ရီး။

၄။ ဆက်သွယ်ရန် -

နီးစပ်ရာဒီလပ်စခန်း-👮🚉
တယ်လီဂြမ်လိပ်စာ-@arakkhadleps
အီးမေး(လ်)လိပ်စာ[email protected]

အာရက္ခမှုခင်းနန့်ဆက်စပ်
သတင်းများထုတ်ပြန်ရီးအဖွဲ့
အာရက္ခပြည်သူ့တော်လှန်ရီးအစိုးရ

အာရက္ခ မှုခင်းနန့် ဆက်စပ်သတင်းများ
                ထုတ်ပြန်ရီးအဖွဲ့
       မှုခင်းသတင်းထုတ်ပြန်ချက်
                   (၂၃/၂၀၂၆)

အာရက္ခပြည်၊ ကျောက်တော်မြို့နယ်တွင် အသက် (၁၄) နှစ်အရွယ် အမျိုးသမီးချေအား မုဒိမ်းမှုအပြင် ဓမ္မတာနန့်ဆန့်ကျင်သည့်ကာမစပ်ယှက်မှု ကျူးလွန်သူကို အလုပ်ကြမ်းနန့် ထောင်ဒဏ် အနှစ် (၃၀) အမိန့်ချမှတ်

၂၀၂၆ ခုနှစ်၊ စပ်တမ်ဘာလ(၆)ရက်။

အာရက္ခပြည်၊ ကျောက်တော်မြို့နယ်၊ သိန်းတန်ရွာနီ အသက် (၅၅)နှစ်အရွယ် ဦးမောင်အေးလှ(အဖ)ဦးစိန်ထွန်းမောင်သည် ကျောက်တလုံးရွာနီအသက်(၁၄) နှစ်အရွယ်အမျိုးသမီးချေအား မုဒိမ်းမှု အပြင် ဓမ္မတာနန့်ဆန့်ကျင်သည့် ကာမ စပ်ယှက်ခြင်းရို့ကို အတင်းအဓမ္မကျူးလွန်ခကြောင်း စစ်ဆီး ပေါ်ပေါက် ထင်ရှားသည်။

ထို့ကြောင့် တရားခံ ဦးမောင်အေးလှ ကျူးလွန်ခသော ပြစ်မှုများအတွက် မြောက်ဦးခရိုင်တရားရုံးမှ အောက်ပါအတိုင်း အမိန့်ချမှတ်လိုက်သည် -

ရာဇသတ်ကြီးပုဒ်မ ၃၇၆ (မုဒိမ်းမှု) - အလုပ်ကြမ်းနန့် ထောင်ဒဏ် အနှစ် (၂၀)။

ရာဇသတ်ကြီးပုဒ်မ ၃၇၇ (ဓမ္မတာနန့်ဆန့်ကျင်သည့် ကာမစပ်ယှက်ခြင်း) -
အလုပ်ကြမ်းနန့် ထောင်ဒဏ် (၁၀) နှစ်။

အဆိုပါ ပြစ်ဒဏ်များကို ကျူးလွန်သည့် တရားခံအား သီးခြားစီ ကျခံစီရန် မြောက်ဦးခရိုင်တရားရုံးမှ အမိန့်ချမှတ်သည်။

အမျိုးသမီးများနန့် အချေသူငယ်များအပေါ် ကျူးလွန်သည့် မုဒိမ်းမှုနန့် လိင်ပိုင်းဆိုင်ရာအကြမ်းဖက်မှုများကို အာရက္ခပြည်သူ့တော်လှန်ရီးအစိုးရမှ တရားဥပဒေအရ ထိရောက်စွာ အရေးယူဆောင်ရွက်လျက်ဟိကြောင်း အများပြည်သူ သိဟိနိုင်စီရန် သတင်းထုတ်ပြန်အပ်ပါသည်။

အာရက္ခ မှုခင်းနန့်ဆက်စပ်သတင်းများထုတ်ပြန်ရီးအဖွဲ့
အာရက္ခပြည်သူ့တော်လှန်ရီးအစိုးရ

မုဒိမ်းမှုပြစ်ဒဏ်နန့်ပတ်သက်၍လည်း (ပုဒ်မ ၃၇၆ အရ-"(၁)မုဒိမ်းမှု ကျူးလွန်သူကိုထောင်ဒဏ် အနှစ် နှစ်ဆယ်ဖြစ်စီ၊ ဆယ်နှစ်ထိ ထောင်ဒဏ် တမျိုးမျိုးဖြစ်စီ ချမှတ်ရမည့်ပြင် ငွေဒဏ်လည်း ချမှတ်နိုင်သည်။ (၂) မုဒိမ်းကျင့်ခံရသော အမျိုး သမီးသည် သူ၏မယားဖြစ်၍ အသက်တဆယ့်နှစ်နှစ်အောက် မဟုတ်လျှင်မူကား မုဒိမ်းကျင့်သော ထိုလင်ကို နှစ်နှစ်ထိ ထောင်ဒဏ်တမျိုးမျိုး ဖြစ်စီ၊ ငွေဒဏ်ဖြစ်စီ၊ ဒဏ်နှစ်ရပ်လုံးဖြစ်စီ ချမှတ်ရမည်။ (၃) မည်သူမဆို အသက်ဆယ့်နှစ်နှစ် အောက် အမျိုးသမီးကို မုဒိမ်းမှု ကျူးလွန်လျှင် ထောင်ဒဏ်တသက်ဖြစ်စီ၊ ထောင်ဒဏ်နှစ် နှစ်ဆယ် ဖြစ်စီ ချမှတ်ရမည်" ဟု ပြဋ္ဌာန်းထားသည်။

ဓမ္မတာနန့်ဆန့်ကျင်သောကာမစပ်ယှက်မှုအတွက်ပြစ်ဒဏ်
(ပုဒ်မ၃၇၇)

ယောကျ်ားနန့်ဖြစ်စီ၊ မမနန့် ဖြစ်စီ၊ တိရစ္ဆာန်နန့် ဖြစ်စီ၊ မည်သူမဆို ကိုယ့်အလိုအလျောက် ဓမ္မတာနန့် ဆန့်ကျင်သော ကာမစပ်ယှက်မှုကိုပြုလျှင်၊ ထိုသူကို ထောင်ဒဏ် နှစ် နှစ်ဆယ် ဖြစ်စီ၊ ဆယ်နှစ်ထိ ထောင်ဒဏ်တမျိုးမျိုးဖြစ်စီ ချမှတ် ရမည့်ပြင် ငွေဒဏ်လည်း ချမှတ်နိုင်သည်။

ယှင်းလင်းချက်။ ။ အင်္ဂါဇာတ်တခုသည် အခြားအင်္ဂါဇာတ်တခုအတွင်းသို့ ဝင်မိလျှင်၊ ဤပုဒ်မ၌ ဖော်ပြထားသော ပြစ်မှု ကျူးလွန်ခြင်းအတွက် လိုအပ်သော ဓမ္မတာနှင့်ဆန့်ကျင်သည့် ကာမစပ်ယှက်မှု မြောက်ရန် လုံလောက်သည်။

လက်ဟိတွင် ရက္ခိုင်အမျိုးသားအဖွဲ့ချုပ်(ULA)၊ အာရက္ခပြည်သူ့တော်လှန်ရီးအစိုးရ၊ တရားဥပဒေစိုးမိုးရီးနန့် ပြည်သူ့ လုံခြုံရီးဌာန(ဒီလပ်)အနီနန့် သက်ငယ်မုဒိမ်းမှု ကြိုတင်ကာကွယ် တားဆီးရီးနန့် လျော့ကျပပျောက်ရီးကို အထူး အလေးထား ဆောင်ရွက်လျက်ဟိသည်။ ကျူးလွန်သူများကို ထိုက်တန်သောပြစ်ဒဏ်များ ချမှတ်နိုင်ရီးအတွက်လည်း အရေးတကြီးဆောင်ရွက်လျက် ဟိသည်။ ၂၀၂၆ ခုနှစ်၊ သြဂတ်စ်လမှစ၍ သက်ငယ်လူသတ်မုဒိမ်းမှု၊ အရွယ်ရောက် လူသတ်မုဒိမ်းမှုနန့် လူသတ်မှု ပြစ်မှုကြီးများကို ကြန့်ကြာမှု မဟိရအောင် အထူးတရားရုံးများဖွဲ့၍ အရေးယူ လုပ်ဆောင် လျက်လည်းဟိပါသည်။ အာရက္ခလူ့အဖွဲ့အစည်း၏ ကိုယ်ရောစိတ်ပါလုံခြုံရီးကို ထိခိုက်အန္တရာယ်ဖြစ်စီသော အပြုအမူ နန့် ပြစ်မှုကျူးလွန်မှုများကို ဒီလပ်အနီနန့် ထိရောက်ပြတ်သားစွာ အရေးယူလားမည် ဖြစ်သည်။

အချေများအပေါ် လိင်ပိုင်းဆိုင်ရာအကြမ်းဖက်မှုနန့် လိင်ပိုင်းဆိုင်ရာအမြတ်ထုတ်မှု မှုခင်းများသည် ဥပဒေအရ အလွန် ပြင်းထန်သော မှုခင်းဖြစ်စဉ် ဖြစ်ပါသည်။ အသက် (၈)နှစ်နန့် (၁၄)အရွယ် အချေများသည် အရွယ်မရောက်သိမ့်သူများ ဖြစ်သဖြင့် အချေများအား အပြစ်တင်ခြင်းမပြုဘဲ ကာကွယ်စောင့်ယှောက်ခြင်းကိုသာ ဦးစားပီး ဆုံးမ ထိန်းကျောင်းပီးရ ပါမည်။

ဤကဲ့သို့သော အချေများအပေါ် ကျူးလွန်သော မှုခင်းများ၊ ကျူးလွန်သည့် အကြောင်းအရင်းများသည် အချေများ အပေါ် လိင်ပိုင်းဆိုင်ရာ အမြတ်ထုတ်လိုသည့် စိတ်သဘောထားဟိခြင်း၊ အာဏာ၊ အသက်အရွယ်နန့် ယုံကြည်မှုကို အလွဲသုံးစားပြုခြင်း၊ အချေများ၏ မသိနားမလည်မှုကို အသုံးချခြင်း၊ ဖေသာ၊ မုန့်၊ လက်ဆောင် စသည့် အရာများဖြင့် ဖြားယောင်းခြင်း၊ မိဖလူကြီးများ မစောင့်ကြည့်နိုင်သည့် အခြေအနီကို အခွင့်ကောင်းယူကာ ကျူးလွန်ကတ်ခြင်း ဖြစ် ကြောင်း တွိဟိရပါသည်။

ထို့ကြောင့် မိဖ/အုပ်ထိန်းသူများအနီဖြင့် ကရို့အချေများကို သတိလက်လွတ် မထားကတ်ရန်နန့် အဝတ်အစား လုံလုံ ခြုံခြုံ ဝတ်ထားပီးရန် လိုအပ်ပါသည်။ ရပ်ရွာများ၊ စစ်ယှောင်စခန်းများ၊ အိမ်နားပါးချင်း ဆက်ဆံရီးများတွင်လည်း မိဖ/အုပ်ထိန်းသူများအနီဖြင့် အရွယ်မရောက်သိမ့်သည့် ကရို့၏ အချေများကို သတိနန့်ဂရုတစိုက် စောင့်ယှောက် ကတ်ရပါမည်။ ကရို့ရပ်ရွာထဲများတွင် မည်သူက မည်သို့ဆိုသည်ကိုလည်း သတိထားရန် လိုအပ်ပါသည်။ ဆိုလိုသည် မာ ကရို့ရပ်ရွာ၊ အိမ်နားပါးချင်းများ၏ ထူးခြားသည့် စိတ်နီစိတ်ထားများနန့် အရက်အလွန် အကျွံသောက်ပြီး မည်ကဲ့သို့ ပြုမူ နီထိုင်တတ်သည်ကိုလည်း သတိထားရန် လိုအပ်ပါသည်။

မုဒိမ်းကောင်များသည် မုဒိမ်းမှုကျူးလွန်ရန် တမင်တကာ ရည်ရွယ်ချက်ဟိဟိ လုပ်ကြံတတ်သည်ကို သက်ငယ်မုဒိမ်းမှု များတွင် အများဆုံးတွိရ၍ မိဖ/အုပ်ထိန်းသူများ အထူး ဂရုစိုက်ကတ်ရပါမည်။ ကရို့၏ အချေများ ထိုအနားဒေအနား လားလာသည့်အခါ မောင်နှမသားချင်း အဖော်များနန့် လားလာရန် ပြောပြထားရပါမည်။

အချေသူငယ်များ အတွေးအခေါ်နုနယ်မှုများ အပေါ်တွင် အခွင့်ကောင်းယူနိုင်ခြင်း၊ အပီးအယူတခုခုနန့် လှည့်ဖျားခြင်း၊ မုန့်ဝယ်ပီးမည်ဟု လမ်းခုလတ်တွင် ခေါ်လားခြင်း၊ ကဇတ်စရာများဝယ်ပီးခြင်း၊ ဖေသာများပီးပြီး လှည့်ဖျားခြင်းများ ပြုလုပ်လာပါက လိုက် ပါမလားရန် ကရို့ ၏ အချေများအား နားလည်အောင် အသီအချာ ပြောပြထားရမည် ဖြစ်သည်။

မိဖများ/အုပ်ထိန်းသူများသည် ကရို့သားသမီးများကို သူရို့၏ "ခန္ဓာကိုယ်အစိတ်အပိုင်းထဲမှ သီးသန့်ဆန်သည့် နီရာ များကို မည်သူကိုမဆို ထိတွိကိုင်တွယ်ခွင့် မပြုရ" ဆိုသည်ကို အချေ နားလည်လွယ်သည့် ရိုးယှင်းသည့် ပုံစံများ ဖြင့် ပြောပြထားရပါမည်။ ယင်းမှတဆင့် အချေသူငယ်များသည် ဤအကြောင်းအရာ၊ အသိပညာနန့် ရင်းနှီးကျွမ်းဝင်မှု များဟိလာပြီး မုဒိမ်းကောင်များ၏ ရည်ရွယ်ချက်ဟိဟိ လိမ်လည်လှည့်ဖြားခြင်း အန္တရာယ်များကို သိဟိလာကတ်မည် ဖြစ်သည်။

ယင်းပြင် အချေသူငယ်များနန့် မိဖ/အုပ်ထိန်းသူများကြားတွင် “လျှို့ဝှက်ချက်များ မထားရ” ဆိုသည့် ယုံကြည်မှု ဆက်ဆံရီးကိုလည်း တည်ဆောက်ထားရန် လိုအပ်ပါသည်။တစုံတဦးက အချေကို ထူးထူးဆန်းဆန်း ထိတွိကိုင်တွယ် ခြင်း၊ ကျူးလွန်ခြင်းလုပ်ပြီး “ဒေကိစ္စကို ဇာသူ့ကိုမှ မပြောကေ့၊ ဒေပိုင် ကဇတ်ကတ်ဖို့” အစဟိသည်ဖြင့် လှည့်ဖြားပြော ခြင်းဖြစ်စီ၊ ခြိမ်းခြောက်ပြီး “မိဖနန့်သူများကို ပြန်ပြောကေ သတ်ပလိုက်ဖို့” ဟု ပြောခြင်းကိုပင် ဖြစ်စီ၊ ထိုသို့ဖြစ်ပေါ် လာပါက မိဖ/အုပ်ထိန်းသူအား ချက်ချင်း ပြန်ပြောပြရမည်ကို အချေများ နားဝင်အောင်၊ ရဲရဲဝံ့ဝံ့ ပြောနိုင်သည့် အခြေအနီ ဖြစ်အောင် မိဖ/အုပ်ထိန်း သူရို့ကအချေများနန့် ရင်းရင်းနှီးနှီးပွင့်ပွင့်လင်းလင်း ပြောတတ်အောင် သင်ပီးထားရမည်။

နိုင်ငံဒေသအသီးသီးတွင် လိင်ပိုင်းဆိုင်ရာအသိပညာကို ပုံစံမျိုးစုံနန့် အချေသူငယ်များ နားထဲရောက်အောင်၊ နားလည် နိုင်အောင် သင်ကြားပီးလျက်ဟိကတ်ပါ‌သည်။ ဤသည်မာအချေများအနီဖြင့် ကိုယ့်ခန္ဓာကိုယ်ကို မည်သို့ ကာကွယ်ရမည်၊ မည်သို့ ပြုမူချဥ်းကပ်မှုများသည် သူရို့အတွက် အန္တရာယ်ဟိသည် ဆိုသည်ကို ခွဲခြားသိနိုင်ရန် ဖြစ်သည်။ ကရို့ ၌ လက်ဟိအချိန်ထိ ဤကိစ္စကို ရှက်စရာကောင်းသည့် ကိစ္စတခုကဲ့သို့ လူ့ပတ်ဝန်းကျင် တွင် ရှုမြင်နီကတ်ဆဲဖြစ်သည်။ မိဖများအနီဖြင့် အထက်ပါ အချက်များအား လိုက်နာပြီး ကရို့အိမ်တွင်း၌ မဖြစ်မနီ သင်ပြထားကတ်ရပါမည်။

အလားတူ ရပ်ရွာနန့် စာသင်ကျောင်းများတွင်လည်း အချေများ လိင်ပိုင်းဆိုင်ရာအကြမ်းဖက်မှုနန့် လိင်ပိုင်းဆိုင်ရာ အမြတ်ထုတ်မှု မှုခင်းများ မဖြစ်ပွားစီရီးအတွက် အသိပညာပီးဟောပြောပွဲများ ပြုလုပ်ဆောင်ရွက်ရန်၊ ယင်းသို့ လိင်ပိုင်း ဆိုင်ရာ အသိပညာပီးခြင်း၊ မိဖနန့် သားသမီးများကြား လိင်မှုဆိုင်ရာကိစ္စများကို ပွင့်ပွင့်လင်းလင်း ပြောဆို ဆွေးနွေးခြင်း၊ ပြစ်မှုကျူးလွန်သူများအား ထိရောက်သောပြစ်ဒဏ်ရဟိရီး ဆောင်ရွက်ခြင်းများကို ဆောင်ရွက်လားပါက အာရက္ခပြည် အတွင်း အချေများအပေါ် လိင်ပိုင်းဆိုင်ရာအကြမ်းဖက်မှုနန့် လိင်ပိုင်းဆိုင်ရာအမြတ်ထုတ်သည့် မှုခင်းများသည် အတိုင်း အတာ တခုအထိ လျော့နည်း ကျဆင်းလားမည် ဖြစ်ပါသည်။

၃။ ဒီလပ်ဌာန၏ ရည်မှန်းချက်တာဝန် (၄) ရပ်

(က) ပြည်တွင်းလုံခြုံရီးနန့်ရပ်ရွာအီးချမ်းသာယာရီး။
(ခ)တရားဥပဒေစိုးမိုးရီး။
(ဂ)မူးယစ်ဆီးဝါးအန္တရာယ်တားဆီးကာကွယ်ရီး။
(ဃ) ပြည်သူ့အကျိုးပြုလုပ်ငန်းဆောင်ရွက်ရီး။

၄။ ဆက်သွယ်ရန် -

နီးစပ်ရာဒီလပ်စခန်း-👮🚉
တယ်လီဂြမ်လိပ်စာ- https://t.me/arakkhadleps
အီးမေး(လ်) http://လိပ်စာ[email protected]/

အာရက္ခမှုခင်းနန့်ဆက်စပ်
သတင်းများထုတ်ပြန်ရီးအဖွဲ့
အာရက္ခပြည်သူ့တော်လှန်ရီးအစိုးရ

အာရက္ခမှုခင်းနန့်ဆက်စပ်သတင်းများ ထုတ်ပြန်ရီးအဖွဲ့
        မှုခင်းသတင်းထုတ်ပြန်ချက်
                    (၂၂/၂၀၂၆)

အာရက္ခပြည်၊ ကျောက်တော်မြို့နယ်တွင် အသက် (၁၄) နှစ်အရွယ် မမချေတဦးအား မုဒိမ်းမှုကျူးလွန်ကာ ထွက်ဗြီး လွတ်မြောက်နီခသော တရားခံကို ဒီလပ် ဖမ်းဆီး စစ်ဆီးပြီး ခရိုင်တရားရုံးသို့ တရားစွဲ တင်ပြီးဖြစ်

၂၀၂၆ ခုနှစ်၊ စပ်တမ်ဘာလ (၂) ရက်

အခင်းဖြစ်သည့် အချိန် - ဧပြယ်လ (၇) ရက်။
အခင်းဖြစ်သည့် နီရာ - ကျောက်တော်မြို့နယ်၊ ရမ်းချောင်းတနီရာ။

တရားခံကို ဖမ်းမိသည့်ရက် - ၂၀၂၆ ခုနှစ်၊ ဂျူလိုင်လ (၃၀) ရက်။
တရားခံကို ဖမ်းမိသည့်နီရာ - ကျောက်တော်မြို့နယ်၊ သိန်းတန်ရွာဟိ ၎င်း၏ နီအိမ်။

၁။ သတင်းအကျဉ်း

အာရက္ခပြည်၊ ကျောက်တော်မြို့နယ်၊ ရမ်းချောင်းထဲ၌ ၂၀၂၆ ခုနှစ်၊ ဧပြယ်လ (၇) ရက်နိက အသက် (၁၄) နှစ်အရွယ် မမချေတဦးအား မုဒိမ်းမှုကျူးလွန်ကာ (၂) လကျော်ကြာ ထွက်ဗြီးလွတ်မြောက်နီခသော အမှုမှ တရားခံဖြစ်သူကို တရား ဥပဒေစိုးမိုးရီးနန့် ပြည်သူ့လုံခြုံရီးဌာန (ဒီလပ်) မှ ၂၀၂၆ ခုနှစ်၊ ဂျူလိုင်လ (၃၀) ရက်နိက ဖမ်းဆီးရမိ၍ စစ်ဆီးပြီးနောက် ၂၀၂၆ ခုနှစ်၊ ဩဂတ်စ် (၂၉)ရက်နိတွင် မြောက်ဦးခရိုင်တရားရုံးသို့ တရားစွဲတင်ပို့ထားပြီး ဖြစ်သည်။

ဤအမှုသည် အသက် (၁၄) နှစ်အရွယ် မမချေတဦးအား သားမယားအဖြစ်ပြုကျင့်သည့်အပြင် ဓမ္မတာနန့်ဆန့်ကျင်၍ ကာမစပ်ယှက်ခသည့်သူကို ဥပဒေအရ အရေးယူပီးပါရန် သက်ဆိုင်ရာဒီလပ်စခန်း၌ ၂၀၂၆ ခုနှစ်၊ မေလ (၁၅) ရက်နိ တွင် ၎င်း၏ မိခင်နန့်တတူ နစ်နာသူကိုယ်တိုင် တရားလိုပြုလုပ်၍ တိုင်တန်းလာသောအမှု ဖြစ်သည်။
ကျောက်တော်မြို့နယ်၊ ကျောက်တလုံးရွာမှ အဆိုပါ မမချေရို့ မိသားစုသည် ၂၀၂၆ ခုနှစ်၊ မာ့ချ်လကုန်ခန့်မှစ၍ ကျောက်တော်မြို့နယ်၊ သိန်းတန်ရွာနီ ဦးမောင်အေးလှ (၅၅ နှစ်) ပိုင်ဆိုင်သည့် ကျောက်တော်မြို့နယ်၊ ဇီးချောင်းဆည် မြောက်ဖက် (၈)မိုင်ခန့်အကွာ ရမ်းချောင်းတောထဲဟိ ဥယျာဉ်ခြံ၌ ခြံစောင့်၊ နွားကျောင်း၊ အညှင်းခင်းစောင့်အလုပ်ကို တနှစ်စာ ဖေသာ (၁၈) သိန်းဖြင့် မိသားစုလိုက် လုပ်ကိုင်ခကတ်ကြောင်း သိရသည်။

ယင်းသို့ လုပ်ကိုင်နီစဉ် ၂၀၂၆ ခုနှစ်၊ ဧပြယ်လ (၅)ရက်နိတွင် မမချေ၏ မိခင်ဖြစ်သူမှ ဥယျာဉ်ခြံပိုင်သျှင် ဦးမောင်အေးလှ ထံ တဲတွင် မီးမဟိ၍ ဆိုလာပြား (၁) ချပ် လိုအပ်ကြောင်းတောင်းခံရာ ဦးမောင်အေးလှမှ ဆိုလာပြားမာ သိန်းတန်ရွာဟိ ၎င်း၏ နီအိမ်မာ ဟိ၍ ဆိုလာပြားလိုက်ယူရန် လူတဦး ထည့်ပီးစီလိုကြောင်း ပြောဆိုသဖြင့် အသက် (၁၄) နှစ်အရွယ် ၎င်း၏ သမီးချေအား ဦးမောင်အေးလှနန့်တတူ ဆိုလာပြား ယူဆောင်ရန် ထည့်ပီးလိုက်သည်။

နောက်နိ (ဧပြယ် ၆ ရက်နိ) မိုးထပိုင်းတွင် ဦးမောင်အေးလှသည် ယင်းမမချေအား ရမ်းချောင်းတဲသို့ ပြန်ပို့ရန် ကျောက်တလုံးရွာမှ ဇီးချောင်းဆည်ဖက်သို့ နှစ်ဦးသားဆိုင်ကယ်ဖြင့် လာခရာ ဇီးချောင်းဆည်အရောက်တွင် တောလမ်း အတိုင်း ခြီကျင်လားရမည် ဖြစ်သဖြင့် ယင်းမမချေအား ဇီးချောင်းဆည်ဟိ ဈီးဆိုင်တဆိုင်၌ တနား ထားခကာ ဦးမောင်အေးလှမာ မဟာမုနိဘုရားရှိတွင် ကွမ်းယာရောင်းနီသော ၎င်း၏သမီးဖြစ်သူ မနှင်းနှင်းဝေထံ၌ ဆိုင်ကယ် အပ်နှံ ခသည်။

ယင်းနောက် နိခင်း (၁) နာရီခန့်တွင် ဦးမောင်အေးလှသည် ဇီးချောင်းဆည်ဟိ ယင်းမမချေပါးသို့ ပြန်ရောက်လာပြီး ဇီးချောင်းဆည်အနောက်ဖက် တောလမ်းအတိုင်း ရမ်းချောင်းဟိ ၎င်း၏ ဥယျာဉ်သို့ နှစ်ဦးသား ထွက်ခွာလာခကတ်သည်။

ယင်းသို့ နှစ်ဦးသား ထွက်လာကတ်စဉ် ညဇာ (၅) နာရီ အချိန်ခန့်တွင် ဦးမောင်အေးလှမှ "ဓာတ်မီးလည်း မပါသဖြင့် ဆက်လားလျှင်လည်း ညည့်နက်ခါမှရောက်မည်ဖြစ်၍ နီရာကောင်းတခုရှာကာ တညည့်အိပ်ပြီး မိုးလင်းမှ ဆက်လား ကတ်မည်ဟုပြောဆိုကာ မြောင်တမြောင်တွင် အသင့်ပါလာသော အပြာရောင်ကန်စပ်ဖြင့် ယာယီတဲထိုးလျက် အိပ်စက် ရန် ပြင်ဆင်ခသည်။

ညည့် (၇) နာရီအချိန်ခန့်အရောက်တွင် ယာယီတဲထဲ၌ မမချေ လဲလျောင်းနီစဉ် ဦးမောင်အေးလှသည် တဲထဲသို့ဝင်လာပြီး မမချေ၏ ခန္ဓာကိုယ်အား လာစမ်းသဖြင့် ကြောက်လန့်ကာ တဲထဲမှထွက်ပြီး မီးဖို၌ ညည့် (၁၂) နာရီအထိ မီးလှုံ၍ ထိုင်နီ စဉ် ဦးမောင်အေးလှမှ ၎င်းထံသို့ ရောက်ဟိလာပြီး တဲ၌ အိပ်ရန် အတင်းဆွဲခေါ်ရာ မလိုက်သဖြင့် မမချေ၏ ခန္ဓာကိုယ် အား အတင်းရွက်ကာ တဲထဲသို့ဆွဲသွင်းစဉ် ရုန်းကန်သဖြင့် လွှတ်ချခသည်ဟု ဆိုသည်။

ယင်းနောက် ဦးမောင်အေးလှက မီးဖိုဘေး၌ ထိုင်ကာ မမချေအား တဲထဲမှ ဆီးလိပ်တလိပ် ယူပီးရန် ခိုင်းသဖြင့် ဆီးလိပ် ယူရန် တဲသို့လားစဥ် တဲထဲအရောက်၌ ဦးမောင်အေးလှ နောက်မှလိုက်လာပြီး မမချေအား တိုးလှဲကာ ၎င်းကိုယ်ပေါ်မှ တက်ခွလျက် မမချေ၏ ဘောင်းဘီကို အတင်းဆွဲချွတ်ရာ ရုန်းထွက်ပါသော်လည်း အင်အားချင်းမမျှ၍ ရုန်းမထွက်နိုင်ခ ဘဲ သားမယားအဖြစ် (၁၅) မိနစ်ခန့် အတင်းအဓမ္မပြုကျင့်ခံခရသည်။

၎င်းမှာ ကြောက်လည်းကြောက်၊ ရှက်လည်းရှက်ကာ မိဖများအား မည်ကဲ့သို့ ရင်ဆိုင်ရမည်ကို စဉ်းစားပြီး အိပ်ယာထဲ ဘေးတစောင်းလဲနီစဉ် ဦးမောင်အေးလှက ၎င်းအားနောက်ဖက်မှ သိုင်းဖက်ပြီး ဓမ္မတာနန့်ဆန့်ကျင်၍ ၎င်း၏စအိုပေါက် အား နောက်ထပ်တကြိမ် အဓမ္မပြုကျင့်ခကြောင်း ဆိုသည်။

ယင်းနောက် ၂၀၂၆ ခုနှစ်၊ သင်္ကြန်အလွန် (၆) ရက်ခန့်အကြာ (ရက်မမှတ်မိ) မွန်းလွဲ (၃) နာရီ အချိန်ခန့်တွင်လည်း ဦးမောင်အေးလှသည် အဆိုပါ မမချေ၏ အသက်(၈)နှစ်အရွယ် ညီမချေဖြစ်သူအား အညှင်းပင်အောက်သို့ခေါ်ကာ ဖေသာ (၄,၀၀၀) ကျပ်နန့် အချိုရည်(၁)ထုတ်ပီးမည်ဟု ပြောဆိုပြီး သူ၏ယောင်္ကျားတန်ဆာကို ဆုပ်ကိုင်ခိုင်းကာ ၎င်း၏ ကာမဆန္ဒကို ပြီးမြောက်အောင် လုပ်ခိုင်းခကြောင်း၊ ယင်းနောက် တဲသို့ပြန်လာပြီး ဖေသာ (၄,၀၀၀)နန့် အချိုရည် (၁) ထုတ်ပီးကာ တယောက်ကိုလည်း ပြန်မပြောရန် ဦးမောင်အေးလှမှ ပြောဆိုခကြောင်းကို မိခင်ဖြစ်သူမှ ပြန်ပြောပြသဖြင့် ၎င်းအား သားမယားအဖြစ် လည်းကောင်း၊ ဓမ္မတာနန့်ဆန့်ကျင်၍လည်းကောင်း အဓမ္မ ပြုကျင့်ခသည့်အပြင် ညီမချေ ဖြစ်သူကိုပါ မဖွယ်မရာ ပြုလုပ်ခိုင်းသည့် ဦးမောင်အေးလှအား ဒေါသဖြစ်ကာ တောထဲ၌ ညည့်အိပ်ခစဉ် ၎င်းအား ဦးမောင်အေးလှမှ အတင်းအဓမ္မပြုကျင့်ခသည့် ဖြစ်စဉ်အလုံးစုံကို မိခင်ဖြစ်သူထံ၌ ပြန်ပြောပြခသည်။

ယင်းနောက် ၎င်းအား သားမယားအဖြစ် ပြုကျင့်သည့်အပြင် ဓမ္မတာနန့်ဆန့်ကျင်၍ ကာမဆန္ဒကို အဓမ္မ ရယူခသူ ကျောက်တော်မြို့နယ်၊ သိန်းတန်ရွာမှ ဦးမောင်အေးလှ(၅၅နှစ်)အား ဥပဒေအရ အရေးယူ ဆောင်ရွက်ပီးပါရန် သက်ဆိုင်ရာ ဒီလပ်စခန်း၌ ၂၀၂၆ ခုနှစ်၊ မေလ (၁၅) ရက်နိ၊ မိုးထ (၁၀) နာရီအချိန်တွင် နစ်နာသူ ကာယကံသျှင် ကိုယ်တိုင် တရားလိုပြုလုပ် တိုင်တန်းလာသဖြင့် သက်ဆိုင်ရာ ဒီလပ်စခန်းမှ အမှုအမှတ် (ပ) ၆/၂၀၂၆၊ ရာဇသတ်ကြီး ပုဒ်မ ၃၇၆၊ ၃၇၇ ဖြင့် အမှုရွီးဖွင့် ဆောင်ရွက်ခသည်။

သက်ဆိုင်ရာ ဒီလပ်စခန်းသည် အမှုမှ တရားခံ ဦးမောင်အေးလှကို ဖမ်းဆီးရမိနိုင်ရီး စုံစမ်းရာ ဦးမောင်အေးလှမာ အမှုနန့် အဖမ်းမခံဘဲ ထွက်ဗြီး တိမ်းယှောင်နီသဖြင့် ၎င်းလားရောက် တိမ်းယှောင်နီနိုင်သော နီရာများကို စဉ်ဆက်မပြတ် ထောက်လှမ်း စုံစမ်းခရာ ၂၀၂၆ ခုနှစ်၊ ဂျူလိုင်လ (၃၀)ရက်နိ၊ မိုးထစောစော (၂) နာရီအချိန်ခန့်တွင် သိန်းတန်ရွာဟိ ၎င်း၏နီအိမ်၌ ရောက်ဟိနီကြောင်း သတင်းအရ သက်သီများနန့်တတူ လားရောက်ဖမ်းဆီးခသည်။

ဖမ်းဆီးပြီးနောက် အမှုနန့် ဆက်လက်စစ်ဆီးနိုင်ရီးအတွက် ချုပ်မိန့်ရယူကာ စစ်ဆီးရာ အမှုမှ တရားခံ မောင်အေးလှက ၎င်းသည် အဆိုပါ ပြစ်မှုကို ကျူးလွန်ခသည်မာ မှန်ကန်ကြောင်း ဝန်ခံထွက်ဆိုပြီး ၎င်းကျူးလွန်ခသော ပြစ်မှု အကြောင်းခြင်းရာများကို တရားရုံးတော်၌ ဖြောင့်ချက်ပီးလိုကြောင်း ပြောဆိုလာသဖြင့် ကျောက်တော်မြို့နယ်တရားသူကြီးမှ ရာဇဝတ် အထွေထွေမှုအမှတ် (××××××××) ဖြင့် ရွီးမှတ်ဆောင်ရွက်ခသည်။

အမှုမှတရားလို/သက်သီများအား စစ်ဆီးခြင်း၊ အခင်းဖြစ်ရပ်အား စစ်ဆီးခြင်း၊ အခင်းဖြစ်ရပ် မှတ်တမ်း ဓာတ်ပုံရိုက်ကူး ခြင်း၊ အခင်းဖြစ်ရပ် မြီပုံကြမ်းရွီးဆွဲခြင်း၊ သက်သီခံပစ္စည်းများ သိမ်းဆည်းခြင်း စသည့် ဒီလပ်လုပ်ငန်းများကို ဆောင်ရွက် ခသည်။

ယင်းနောက် အမှုအား ခိုင်မာစွာ တည်ဆောက်ကာ ဥပဒေအကြံပြု တင်ပြတောင်းခံခရာ မြောက်ဦးခရိုင်ဥပဒေရုံး၏ ၂၇.၀၈.၂၀၂၆ ရက်စွဲပါစာအမှတ်၊ (××××××××) အရ အမှုမှ တရားခံ ဦးမောင်အေးလှ (၅၅)နှစ်၊(ဖ) ဦးစိန်ထွန်းအောင်၊ ဥယျာဉ်ခြံလုပ်ငန်း၊ သိန်းတန်ရပ်ရွာ၊ ကျောက်တော်မြို့နယ်နီသူအား ရာဇသတ်ကြီးပုဒ်မ ၃၇၆ ၊ ၃၇၇ ဖြင့် တရားစွဲဆိုရန် အကြံပြု ပြန်ကြားလာသဖြင့် နယ်မြီဒီလပ်စခန်း၏ (၂၈.၀၈.၂၀၂၆) ရက်နိတွင် စွဲချက်အမှတ် (××××××××) ဖြင့် မြောက်ဦးခရိုင်တရားရုံးသို့ တရားစွဲတင်ပို့ခဲ့ရာ ရာဇဝတ်ကြီးမှုအမှတ် (××××××××) ဖြင့် လက်ခံစစ်ဆီးဆောင်ရွက်လျက် ဟိပါ သည်။

အလားတူ အာရက္ခပြည်အတွင်း၌ ပြစ်မှုကျူးလွန်ကာ ထွက်ဗြီးလွတ်မြောက်၍ ကျန်ဟိနီသိမ့်သည့် တရားခံဗြီးအနည်းချေကိုလည်း အယင်ဆုံး ဖမ်းမိနိုင်ရီးအတွက် အာရက္ခပြည်သူ့တော်လှန်ရီးအစိုးရ၊ ဒီလပ်ဌာနအနီဖြင့် အသည်းအထန် ကြိုးပမ်းလုပ်ဆောင်လျက်ဟိသည်။


၂။ အများပြည်သူသို့ အသိပီးနှိုးဆော်ချက်

မုဒိမ်းမှုအတွက် ဥပဒေဖွင့်ဆိုချက်
(ပုဒ်မ၃၇၅)

ကင်းလွတ်ခွင့်ပြုထားသည်မှတပါး အောက်ဖော်ပြပါ အကြောင်းငါးရပ်တွင် သက်ဝင်သော အကြောင်းတရပ်ရပ်ဖြင့် ယောက်ျားသည် အမျိုးသမီးနန့် ကာမစပ်ယှက်လျှင်၊ ထိုသူသည် “မုဒိမ်းမှု”ကို ကျူးလွန်သည်မည်၏။

ပဌမ။ ။ အမျိုးသမီးက အလိုမတူငြင်းဆန်ခြင်း။

ဒုတိယ။ ။ အမျိုးသမီးက ခွင့်မပြုခြင်း။

တတိယ။ ။ အမျိုးသမီးက ခွင့်ပြုသော်လည်း၊ ထိုသို့ခွင့်ပြုရခြင်းမာ ထိုအမျိုးသမီးအား သီစီမည်ဟုသော်လည်းကောင်း၊ နာကြင်စီမည်ဟုသော်လည်းကောင်း ကြောက်ရွံ့အောင်ပြုသဖြင့် ခွင့်ပြုရခြင်း။

စတုတ္ထ။ ။ အမျိုးသမီးက ခွင့်ပြုသော်လည်း ယောက်ျားက သူသည် ထိုအမျိုးသမီး၏ လင်မဟုတ်ကြောင်း သိသည့်ပြင် ထိုအမျိုးသမီးက ခွင့်ပြုခြင်းမာလည်း သူ့ကို ဥပဒေနန့်အညီ လက်ထပ်ထားသော၊ သို့တည်းမဟုတ် လက်ထပ်ထားသည် ဟု ယုံကြည်သော အခြားယောက်ျားဖြစ်သည်ဟု ယုံကြည်၍သာ ခွင့်ပြုကြောင်းကို ထိုယောက်ျားက သိခြင်း။

ပဉ္စမ။ ။ အမျိုးသမီးက ခွင့်ပြုသည်ဖြစ်စီ၊ ခွင့်မပြုသည်ဖြစ်စီ ထိုအမျိုးသမီးသည် အသက်တဆယ့်ခြောက်နှစ်အောက် အရွယ်ဟိသူ ဖြစ်ခြင်း။

ယှင်းလင်းချက်။ ။ ယောက်ျား၏ အင်္ဂါဇာတ်သည် အမျိုးသမီး၏အင်္ဂါဇာတ်တွင် သွင်းဝင်မိလျှင်၊ မုဒိမ်းမှုကျူးလွန်ခြင်း အတွက် လိုအပ်သော ကာမစပ်ယှက်မှု မြောက်ရန် လုံလောက်သည်။

ကင်းလွတ်ချက်။ ။ ယောက်ျားသည် အသက် ဆယ့်ငါးနှစ်အောက် မဟုတ်သော သူ၏မယားနန့် ကာမစပ်ယှက်ခြင်း သည် မုဒိမ်းမှုမဟုတ်။

မုဒိမ်းမှုအတွက်ပြစ်ဒဏ်
(ပုဒ်မ၃၇၆)

ဒေါ်သန်းသန်းဌေး (ခ) အေးချေ၏ ထွက်ဆိုချက်အရ "၎င်း၏ လင်ဖြစ်သူ ဦးမောင်လှသန်းနန့် ၂၀၂၆ ခုနှစ်၊ ဩဂတ်စ်လ (၃) ရက်နိ၊ မိုးထ (၈) နာရီ(၃၀)မိနစ်ခန့်တွင် လင်မယားအချင်းချင်း စကားများရန်ဖြစ်ခကတ်ရာ ဦးမောင်လှသန်းမာ ၎င်းရို့၏ သားဖြစ်သူ (၃)လသားအချေအား လှံဖြင့်ထိုးရန် ပြုလုပ်ခသဖြင့် ဒေါသထွက်ကာ စိတ်မထိန်းနိုင်ဘဲ နီအိမ်ဘုရားခန်းရှိအိမ်တိုင်အားမှီ၍ လင်ဖြစ်သူ ဦးလှမောင်သန်း အိပ်ပျော်နီစဉ် နီအိမ်၌ အသင့်ဟိသော ဒါးမဖြင့် လိုင်ပင်းအား ခွတ်ပစ်လိုက်ကြောင်း၊ ဦးမောင်လှသန်းမာ လိုင်ပင်းပြတ်ချသွီးထွက်ဒဏ်ရာဖြင့် ၎င်းနီရာမာပင် သီဆုံးလားကြောင်း၊ ဒါးဖြင့်ခွတ်စဉ် အနားဟိ ဝါးထရံ၌ ပေကျန်ခသော သွီးများအား ရီဖြင့်ဆီးချကာ အခင်းဖြစ်ရပ်အနီအထားကို အစဖျောက်ဖျက်ခပြီး အလောင်းအား အိမ်ရှိလမ်းမှ လူအများမမြင်အောင် ပုဆိုးတထည်ဖြင့်  ကာထားခကြောင်း၊ ယင်းနောက် ၎င်း၏ ဖခင်ဖြစ်သူ ဦးအောင်ကျော်သိန်းမာ နီအိမ်သို့ ရောက်လာပြီး ဦးမောင်လှသန်း၏ အလောင်းအား လူအများ မမြင်အောင်ထားပြီး ညဇာ မှောင်စပျိုးချိန်တွင် ကြည့်စီစဉ်ကတ်ရန် ပြောကာ နီအိမ်သို ပြန်လားခကြောင်း၊ ယင်းနိညဇာ (၈)နာရီအချိန်၌ ဖခင်ဖြစ်သူ ဦးအောင်ကျော်သိန်း နန့် မောင်ဖြစ်သူ ကိုစံလင်းချေရို့ နီအိမ်သို့ ထပ်မံရောက်ဟိလာပြီး ဦးမောင်လှသန်း၏ အလောင်းအား ကန်စပ်ဖြင့် ထုပ်ကာ ဝါးလုံးဖြင့် ချိုင်ပြီး (၃) ယောက်သားထမ်းလျက် ကြပ်စင်မြစ်ထဲသို့ အလောင်းအား ပစ်ချခကြောင်း၊ သွီးများပေကျန်နီသော ၎င်းရို့၏ အဝတ်အစားများကိုလည်း ယင်းမြစ်ထဲသို့ ပစ်ချကာ နီအိမ်ကို အသီးသီးပြန်လာပြီး လူအများ မရိပ်မိအောင် နီထိုင်ခကတ်ကြောင်း၊  သွီးစများပေကျံနိခသော နီအိမ်ဝါးထရံကိုလည်း ၂၀၂၆ ခုနှစ်၊ ဩဂတ်စ် (၄)ရက်နိတွင် အပြာရောင် သင်္ဘောဆီးဖြင့်သုတ်ကာ အခင်းဖြစ်နီရာသဲလွန်စများကို ဖျောက်ဖျက်ခပါကြောင်း" ဝန်ခံထွက်ဆိုခသည်။

ယင်းကြောင့် အမှုမှ တရားခံ ဒေါ်သန်းသန်းဌေး(ခ)အေးချေနန့် အမှုမှသီဆုံးသူ ဦးမောင်လှသန်း ၏ အလောင်းအား ဖျောက်ဖျက်ရာတွင် အားပီးကူညီသည့် တရားခံများဖြစ်သော ဦးအောင်ကျော်သိန်းနန့်စံလင်းချေရို့ကို ၂၀၂၆ ခုနှစ်၊ဩဂတ်စ်လ (၈) ရက်နိ၌ အမှုဖြင့် ဖမ်းဆီး ချုပ်မိန့်ရီမန် တောင်းခံကာ တရားလိုသက်သီများစစ်ဆီးခြင်း၊ အခင်းဖြစ်ရပ်စစ်ဆီးခြင်း၊ အခင်းဖြစ်ရပ်မှတ်တမ်းဓာတ်ပုံရိုက်ကူးခြင်း၊ အခင်းဖြစ်ရပ် မြီပုံကြမ်းရွီးဆွဲခြင်း၊ သက်သီခံပစ္စည်းများ သိမ်းဆည်းခြင်း စသည့် ဒီလပ်လုပ်ငန်းများ ပြီးပြည့်စုံအောင် ဆောင်ရွက်ပြီး ဥပဒေအကြံပြုချက်နန့်အညီ တရားစွဲတင်လားမည် ဖြစ်သည်။

၂။ အများပြည်သူသို့ အသိပီးနှိုးဆော်ချက်

လူသတ်မှုအတွက် ပြစ်ဒဏ်ဖော်ပြချက်မာ-
၃၀၂ (၁) ။ မည်သူမဆို -
(က) ထောင်ဒဏ်နှစ် နှစ်ဆယ် စီရင်ခြင်းခံရသည့်အတွင်း၊ သို့မဟုတ်
(ခ) တင်ကူးကြံရွယ်ချက်ဖြင့်၊ သို့မဟုတ်
(ဂ) ဤရာဇသတ်ကြီးအရ ခနစ်နှစ်ထိ ထောင်ဒဏ်ချမှတ်ခြင်းခံထိုက်သော ပြစ်မှုကို ကျူးလွန်နီစဉ်၊ လူသတ်မှုကို ကျူးလွန်လျှင် ထိုသူကို သီဒဏ်ချမှတ်ရမည့်ပြင် ငွေဒဏ်လည်း ချမှတ်နိုင်သည်။

၃၀၂ (၂) ။ မည်သူမဆို အခြားအချက်မျိုး၌ လူသတ်မှုကျူးလွန်လျှင် ထိုသူကို ထောင်ဒဏ်နှစ် နှစ်ဆယ်ဖြစ်စီ၊ ဆယ်နှစ်ထိ အလုပ် ကြမ်းနန့် ထောင်ဒဏ်ဖြစ်စီ ချမှတ်ရမည့်ပြင် ငွေဒဏ်လည်း ချမှတ်နိုင်သည်ဟု ပြဋ္ဌာန်းထားသည်။

လူသတ်မှုများ ဖြစ်ပွားရခြင်းသည် များသောအားဖြင့် အရက်သီစာသောက်စားမူးယစ်ပြီး စိတ်မထိန်းနိုင်ဖြစ်ကာ ကိုယ်၏ ပြုလုပ်မှုများ အကျိုးအပြစ် မည်သိုဖြစ်မည်ကို ကြိုတင်မစဉ်းစားနိုင်ဘဲ လတ်တလော ဒေါသဖြစ်၍ ကျူးလွန်ကတ်ကြောင်း သုံးသပ်ရသဖြင့် လူသတ်မှုများ လျော့နည်းကျဆင်းလာစီရီးအတွက် ပြည်သူလူထုများအား ဥပဒေ အသိပညာပီး ဆွေးနွေး ဟောပြောခြင်း၊တရားမဝင် လိုင်စန်မဲ့ အရက်များ ထုတ်လုပ်ဖြန့်ဖြူးရောင်းချခြင်းများကို တားဆီးပိတ်ပင် အရေးယူဆောင် ရွက်မှုများ ပြုလုပ်ခြင်း၊ လက်နက်ပုန်း (တုတ်၊ဒါး၊လက်နက်) စွဲကိုင် လားလာသူများကို ဥပဒေနန့်အညီ ဖမ်းဆီးအရေးယူဆောင်ရွက်ခြင်းအပြင် အကယ်တန္တိ သီဆုံးမှုသည် ဓမ္မတာအတိုင်းသီဆုံးခြင်းမဖြစ်နိုင်ဟု သံသယဟိပါက သီဆုံးသူ၏ ရုပ်အလောင်းအား အယင်စလို မြှုပ်နှံခြင်းမပြုဘဲ နီးစပ်ရာ တာဝန်ဟိအဖွဲ့အစည်းတခုခုသို့အကြောင်းကြားပီးခြင်းနန့်အတူ ပြည်သူများအနီဖြင့်လည်းဥပဒေအား လေးစားလိုက်နာဆောင်ရွက်လာပါက လူသတ်မှုများသည် အတိုင်းအတာတခုထိ လျော့  နည်း ကျဆင်းလားမည်ဖြစ်ပြီး "ပြည်သူနန့်ဒီလပ်" အစဉ်လက်တွဲ ပူးပေါင်းဆောင်ရွက်လားပါက တရားဥပဒေစိုးမိုးရီး နန့် ရပ်ရွာအီးချမ်းသာယာမှု ပိုဟိလာမည် ဖြစ်သည်။

၃။ ဒီလပ်ဌာန၏ ရည်မှန်းချက် တာဝန် (၄) ရပ်

(က) ပြည်တွင်းလုံခြုံရီးနန့် ရပ်ရွာအီးချမ်းသာယာရီး။
(ခ) တရားဥပဒေစိုးမိုးရီး။
(ဂ) မူးယစ်ဆီးဝါးအန္တရာယ် တားဆီးကာကွယ်ရီး။
(ဃ) ပြည်သူ့အကျိုးပြုလုပ်ငန်းများဆောင်ရွက်ရီး။

၄။ ဆက်သွယ်ရန်-

နီးစပ်ရာ ဒီလပ်စခန်း- 👮🚉
တယ်လီဂြမ်လိပ်စာ - https://t.me/arakkhadleps
အီးမေး(လ်) လိပ်စာ - [email protected]

အာရက္ခမှုခင်းနန့်ဆက်စပ်
သတင်းများထုတ်ပြန်ရီးအဖွဲ့
အာရက္ခပြည်သူ့တော်လှန်ရီးအစိုးရ

အာရက္ခမှုခင်းနန့်ဆက်စပ်သတင်းများ ထုတ်ပြန်ရီးအဖွဲ့
        မှုခင်းသတင်းထုတ်ပြန်ချက်
                    (၂၁/၂၀၂၆)

အဥ္ဇနပူရမြို့နယ်၊ သာယာကုန်းရွာ၌ မယားဖြစ်သူက ဒါးဖြင့် ခွတ်၍ လင်ဖြစ်သူ သီဆုံးသည့် အမှုမှ တရားခံများကို ဒီလပ် ဖမ်းဆီး

   ၂၀၂၆ ခုနှစ်၊ ဩဂတ်စ်လ (၂၉)ရက်

အခင်းဖြစ်သည့်အချိန် - ၂၀၂၆ ခုနှစ်၊ ဩဂတ်စ်လ (၃) ရက်။
အခင်းဖြစ်သည့်နီရာ   - ​အဥ္ဇနပူရမြို့နယ်၊ သာယာကုန်းရွာ။

၁။ သတင်းအကျဉ်း

အာရက္ခပြည်၊ အဥ္ဇနပူရ(ယခင် အခေါ် မင်းပြား)မြို့နယ်၊ သာယာကုန်းရွာတွင် ၂၀၂၆ ခုနှစ်၊ ဩဂတ်စ်လ (၃ )ရက်နိ၊ မိုးထက လင်မယားချင်းရန်ဖြစ်ရာမှ မယားဖြစ်သူ ဒါးဖြင့် ခွတ်၍ လင်ဖြစ်သူ သီဆုံးလားသည့်အမှုမှ တရားခံများကို တရားဥပဒေစိုးမိုးရီးနန့် ပြည်သူ့လုံခြုံရီးဌာန(ဒီလပ်)မှ ဖမ်းဆီးထားပြီးဖြစ်ကြောင်း သိရသည်။

ဖြစ်စဉ်မာ  အဥ္ဇနပူရမြို့နယ်၊ ခမောင်းတောရွာနန့် မြေပုံမြို့နယ်၊ ဝက်ခေါင်းရွာအကြားဟိ ခမောင်းတောရွာသား ဦးမောင်ထွန်းသိန်းပိုင်ဆိုင်သော အဆက်ကျတာတမံ ပုဇွန်တာ၌ ခမောင်းတောရွာမှ ကိုသန်းဝင်းနိုင် ဆိုသူသည် ကျွဲကျောင်းနီစဉ် အပုပ်နံရ၍ အနားဝန်းကျင်အား လိုက်လံရှာဖွီရာ ပုဇွန်တာ အရှိဖက်ကွင်းပြင်တနီရာ၌ ကန်းသင်းအား ခြီတဖက်တင်လျက် ပက်လက် အနီအထားဖြင့် သီဆုံးနီသည့် အသက်(၃၀)ခန့်အရွယ် ပုပ်ပွနီသည့် အမျိုးသားအလောင်းတလောင်းကို တွိရကြောင်း၂၀၂၆ ခုနှစ်၊ ဩဂတ်စ်လ(၅) ရက်နိ၊ ညဇာ (၄) နာရီ၊ မိနစ်(၃၀) ခန့်အချိန်တွင် အဉ္ဇနပူရမြို့မဒီလပ်စခန်းသို့ လာရောက် အကြောင်းကြားလာသည်။

ယင်းကြောင့် အဉ္ဇနပူရမြို့မဒီလပ်စခန်းမှ စခန်းမှူးဦးဆောင်၍ တပ်ဖွဲ့ဝင်များသည် သက်သီများနန့်တတူ အခင်းဖြစ်နီရာသို့ လားရောက်စစ်ဆီးခကတ်ရာ အလောင်းမာ ကန်းသင်းအား ခြီတဖက်တင်လျက် အရီပြားများ ရီနူးနီကာ ညာဖက်နှုတ်ခမ်းဘေး၌  ရီသတ္တဝါများကိုက်ထားသည်ဟု ထင်မြင်ရသော ဒဏ်ရာများ၊ လိုင်ပင်းညာဖက်တွင် ပြတ်ချဒဏ်ရာ (၁) ချက်နန့် လိုင်စိ၌ ညိုမည်းဒဏ်ရာများ ရဟိကာ ပက်လက်အနီအထားဖြင့် ပုပ်ပွနီ​သည့် အမျိုးသားရုပ်အလောင်းအား  တွိဟိရသဖြင့် အလောင်းအား ရင်ခွဲစစ်ဆီးနိုင်ရီးအတွက် ဒီလပ်ဆီးစာနန့်တတူ ကျန်းမာရီးဌာနသို့ ပိုဆောင်ခသည်။

ယင်းနောက် အမှုမှ သီဆုံးသူ မည်သူမည်ဝါဖြစ်ကြောင်း ဆက် လက်စုံစမ်းခရာ သီဆုံးသူမာ အဉ္ဇနပူရမြို့နယ်၊ သာယာကုန်းရွာနီ ဦးမောင်လှသန်း (၃၁နှစ်) ဖြစ်ကြောင်း သိဟိရ၍ ဦးမောင်လှသန်းအား ဒဏ်ရာရ သီဆုံးစီသူအား ဥပဒေနန့်အညီ စုံစမ်းဖော်ထုတ် အရေးယူဆောင်ရွက်ပီးပါရန် ၂၀၂၆ ခုနှစ်၊ ဩဂတ်စ်လ (၆) ရက်နိ တိုင်တန်းလာသဖြင့် သက်ဆိုင်ရာဒီလပ်စခန်း၏ (ပ)၁၀၇/၂၀၂၆၊ ရာဇသတ်ကြီးပုဒ်မ ၃၀၂ ဖြင့် အမှုရွီးဖွင့်ဆောင်ရွက်ခသည်။

အမှုမှ တရားခံ မည်သူဖြစ်ကြောင်းစုံစမ်းခရာ သီဆုံးသူ ဦးမောင်လှသန်းမာ ၂၀၂၆ ခုနှစ်၊ ဩဂတ်စ်လ  (၂) ရက်နိ၊ မိုးထ (၉) နာရီခန့်ကပင် ၎င်း၏ မယားဖြစ်သူ ဒေါ်သန်းသန်းဌေး (ခ) အေးချေ(၂၉နှစ်) နန့် လင်မယားချင်း စကားများ ရန်ဖြစ်ကာ နီအိမ်မှ ထွက်လာပြီး ပျောက်ဆုံးနီကြောင်း စုံစမ်းသိဟိရ၍ ဦးမောင်လှသန်း ဒဏ်ရာများဖြင့် သီဆုံးမှုနန့်ပတ်သက်၍ သီဆုံးသူ၏ မယားဖြစ်သူ ဒေါ်သန်းသန်းဌေး (ခ) အေးချေအား တရားလိုပြုလုပ် တိုင်တန်းရန် ပြောဆိုခရာ ၎င်းနန့် မိသားစုဝင်များမှ အမှုဖွင့်လိုသော ဆန္ဒ မဟိကြောင်း ပြောကြားလာသည်။

လင်ယောင်္ကျားဖြစ်သူမာ လိုင်ပင်းအရိုးထိ ပြတ်ချဒဏ်ရာကြီးတချက်နန့်လိုင်စိ၌ ညိုမည်းဒဏ်ရာများဖြင့် သီဆုံးခမှုအား အမှုမဖွင့်လိုကြောင်း ပြောကြားချက်အပေါ် သံသယဖြစ်ဖွယ်ရာ တွိဟိရ၍ ဆက်လက်စုံစမ်းရာ အမှုမှ သီဆုံးသူ ဦးမောင်လှသန်း၏ယောက်ဖ ဖြစ်သူ စံလင်းချေ(၂၇နှစ်) နန့်ယောက္ခမဖြစ်သူ ဦးအောင်ကျော်သိန်း (၅၇နှစ်)ရို့မာ မျက်နှာအမူအယာ ပျက်ကာ ပြာယာခတ်နီကြောင်း သံသယဖြစ်ဖွယ် တွိဟိရသဖြင့် ၎င်းရိုနှစ်ဦးအား ၂၀၂၆ ခုနှစ်၊ ဩဂတ်စ်လ (၇) ရက်နိ၊ မိုးထ (၁၁) နာရီခန့်၌ အဉ္ဇနပူရမြို့နယ်၊ သာယာကုန်းရွာသို့ လားရောက်ပြီး  အမှုမှသီဆုံးသူ ဦးမောင်လှသန်း၏ နီအိမ်သို့ သက်သီများနန့်အတူ လားရောက် စစ်ဆီးခကတ်သည်။

ယင်းသို့ စစ်ဆီးခကတ်ရာ နီအိမ်ဝါးထရံအား အပြာရောင် သင်္ဘောဆီး အသစ်သုတ်ထားသည်ကို တွိမြင်ရ၍ မသင်္ကာသဖြင့် ထပ်မံစစ်ဆီးရာ သင်္ဘောဆီးမာ မခြောက်သိမ့်သည့်အပြင် ထရံ၌ မသင်္ကာဖွယ် သွီးစက်ချေများပါ ထပ်မံတွိဟိရသောကြောင့် အမှုမှ မသင်္ကာသူ ကိုစံလင်းချေ၊ ဦးအောင်ကျော်သိန်းရိုနန့်တတူ ဒေါ်သန်းသန်းဌေး (ခ) အေးချေ အား ဒီလပ်စခန်း သို့ ခေါ်ယူစစ်ဆီးခသည်။

အာရက္ခ မှုခင်းနန့်ဆက်စပ်သတင်းများ
                 ထုတ်ပြန်ရီးအဖွဲ့
        မှုခင်းသတင်းထုတ်ပြန်ချက်
                    (၁၀/၂၀၂၆)

ကျောက်ဖြူမြို့နယ်၊ ကျောက်ဆောက်ရွာ၊ မီးကျောင်းရီသောက်စစ်ယှောင်စခန်း၌ ဖြစ်ပွားသည့် လူသတ်မှုမှ တရားခံကို ဒီလပ် ဖမ်းဆီး

    ၂၀၂၆ ခုနှစ်၊ ဧပြယ်လ (၂၄)ရက်

အချိန် - ဧပြယ်လ (၁၉) ရက်
နီရာ   - ​ကျောက်ဖြူမြို့နယ်၊ ကျောက်ဆောက်ရွာ၊ မီးကျောင်းရီသောက် စစ်ယှောင်စခန်း

၁။ သတင်းအကျဉ်း

အာရက္ခပြည်၊ ကျောက်ဖြူမြို့နယ်၊ ကျောက်ဆောက်ရွာ၊ မီးကျောင်းရီသောက်စစ်ယှောင်စခန်း၌ ၂၀၂၆ ခုနှစ်၊ ဧပြယ်လ (၁၈ ) ရက်နိ၊ ညည့်က ဖြစ်ပွားခသည့် လူသတ်မှု ဖြစ်စဉ်အ တွင်း ကျူးလွန်သူ တရားခံကို တရားဥပဒေစိုးမိုးရီးနန့်ပြည်သူ့လုံခြုံရီးဌာန (ဒီလပ်)မှ ဥပဒေလုပ်ထုံးလုပ်နည်းများ နန့်အညီ ဖမ်းဆီး အရေးယူထားပြီး ဖြစ်သည်။

ဖြစ်စဉ်မာ ကျောက်ဖြူမြို့နယ်၊ကျောက်ဆောက်ရွာအနားဟိ မီးကျောင်းရီသောက်စစ်ယှောင်စခန်း၌ စစ်ယှောင်နီသော ရသေ့တောင်မြို့နယ်၊ သစ်ကတိုးရွာမှ ဦးခင်သိန်းမောင် (၅၆နှစ်) သည် ဧပြယ်လ (၁၈) ရက်နိ၊ ညည့် (၈) နာရီ မိနစ်(၄၀)အချိန်ခန့်တွင် အရက်သီစာအလွန်အကျွံသောက်စားမူးယစ်လျက် စိတ်ဖောက်ပြန်ကာ အယင်က ၎င်းနန့်အိမ်ထောင်ကျဖူးခပြီး နောက်လင်ယူ၍ အဆိုပါ မီးကျောင်းရီသောက် စစ်ယှောင်စခန်း၌ နီထိုင်နီသူ ကျောက်ဖြူမြို့နယ်၊ ပြားကျိန်ချောင်းဖျားရွာမှ ‌ဒေါ်ကြာလှမ(ခ) လှလှဝင်း(၃၉)နှစ်)အား ဒါးဖြင့်ပိုင်းခွတ် သတ်ဖြတ်ခသည်။

ယင်းသို့ ဒါးဖြင့်အခွတ်ခံရ၍ ဒေါ်ကြာလှမ၏ ဘယ်ဖက် လက်လှုပ်တွင် (၇) လက်မခန့် ဒဏ်ရာ(၁) ချက်၊ ဘယ်ဖက်ဘေးစတွင်(၄)လက်မခွဲခန့် ဒဏ်ရာ (၁) ချက်၊ နောက်ကုန်းတွင် (၃)လက်မမှသည် (၈) ခန့်ထိဟိသော ဒါးဒဏ်ရာ (၄)ချက်၊ ညာဖက်လက်လှုပ်တွင် (၈) လက်မခွဲခန့် ဒဏ်ရာ(၁)ချက်၊ ခါးဆစ်တွင် (၅)လက်မခန့် ဒဏ်ရာ (၁)ချက်၊ ဦးဂေါင်းညာဖက်ခြမ်းတွင် (၃)လက်မခန့် ဒဏ်ရာ(၁)ချက်၊ ဦးဂေါင်းဘယ်ဖက်ခြမ်းတွင် (၁၀)လက်မခန့် ဒဏ်ရာ (၁)ချက်၊ လိုင်ပင်းတွင် (၆) လက်မခန့် ဒဏ်ရာ(၁)ချက်၊ စုစုပေါင်း ဒါးဒဏ် ရာ(၁၁)ချက်ဖြင့် အခင်းဖြစ်ပွားသည့် နီရာ၌ပင် သီဆုံးလားခသည်။

အဆိုပါ လူသတ်မှုနန့် ပတ်သက်၍ ပြစ်မှုကျူးလွန်သူ ဦးခင်သိန်းမောင်ကို ဥပဒေအရအရေးယူ ဆောင်ရွက်ပီးပါရန် ၂၀၂၆ ခုနှစ်၊ ဧပြယ်လ (၁၉)ရက်နိ၊ နိခင်း(၁၂)နာရီ၊ မိနစ်(၃၀)အချိန် တိုင် ကြားလာသဖြင့် သက်ဆိုင်ရာ ဒီလပ်စခန်း၏ (ပ)၅/၂၀၂၆၊ ရာဇသတ်ကြီးပုဒ်မ - ၃၀၂ဖြင့်အမှုဖွင့် ဆောင်ရွက် ခသည်။

ထိုသို့တိုင်တန်းပြီးနောက် ဒီလပ်စခန်းသည် ယင်းနိ၊ နိခင်း (၁) နာရီအချိန်တွင် လူသတ်မှုကျူး လွန်သူ တရားခံ ဦးခင်သိန်းမောင်ကို မိနစ်(၃၀)အတွင်း အမှုနန့်ဖမ်းဆီးပြီး ချုပ်ရီမန်ရယူခြင်း၊ အမှုမှသက်သီခံပစ္စည်းဖြစ်သောဒါးကိုသိမ်းဆည်းခြင်း၊ ကျန်ဒီလပ်လုပ်ငန်းများအား ပြည့်စုံခိုင်မာစွာ တည် ဆောက်ပြီး ဥပဒေအကြံပြုချက်နန့်အညီ အယင်ဆုံး တရားစွဲ တင်လားမည် ဖြစ်သည်။

၂။ အများပြည်သူသို့ အသိပီးနှိုးဆော်ချက်

လူသတ်မှုအတွက်ပြစ်ဒဏ်ဖော်ပြချက်မာ-

၃၀၂ (၁) ။ မည်သူမဆို -

(က) ထောင်ဒဏ်နှစ် နှစ်ဆယ် စီရင်ခြင်းခံရသည့်အတွင်း၊ သို့မဟုတ်

(ခ) တင်ကူးကြံရွယ်ချက်ဖြင့်၊ သို့မဟုတ်

(ဂ) ဤရာဇသတ်ကြီးအရ ခနစ်နှစ်ထိ ထောင်ဒဏ်ချမှတ်ခြင်း ခံထိုက်သော ပြစ်မှုကို ကျူးလွန်နီစဉ်၊ လူသတ်မှုကို ကျူးလွန်လျှင် ထိုသူကို သီဒဏ်ချမှတ်ရမည့်ပြင် ငွေဒဏ်လည်း ချမှတ် နိုင်သည်။

၃၀၂ (၂) ။ မည်သူမဆို အခြားအချက်မျိုး၌ လူသတ်မှုကျူးလွန်လျှင် ထိုသူကို ထောင်ဒဏ်နှစ် နှစ်ဆယ် ဖြစ်စီ၊ ဆယ်နှစ်ထိ အလုပ်ကြမ်းနန့် ထောင် ဒဏ်ဖြစ်စီ ချမှတ်ရမည့်ပြင် ငွေဒဏ်လည်း ချမှတ်နိုင်သည်။

လူသတ်မှုများ ဖြစ်ပွားရခြင်းသည် များသောအားဖြင့် အရက်သီစာသောက်စားမူးယစ်ပြီး စိတ်မထိန်းနိုင်ဖြစ်ကာ ကိုယ်၏ပြုလုပ်မှုများ အကျိုးအပြစ် မည်သိုဖြစ်မည်ကို ကြိုတင်မစဉ်းစားနိုင်ဘဲ လတ်တလော ဒေါသဖြစ်၍ကျူးလွန်ကတ်ကြောင်း သုံးသပ် ရသဖြင့် လူသတ်မှုများ လျော့နည်းကျဆင်းလာစီရီးအတွက် ပြည်သူလူထုများအား ဥပဒေ အသိပညာပီး ဆွေးနွေးဟောပြောခြင်း၊ တရားမဝင် လိုင်စင်မဲ့ အရက်များ ထုတ်လုပ်ဖြန့်ဖြူးရောင်းချခြင်းများကို တားဆီးပိတ်ပင် အရေးယူဆောင်ရွက်မှုများ ပြုလုပ်ခြင်း၊ လက်နက်ပုန်း (တုတ်၊ဒါး၊လက်နက်) စွဲကိုင် လားလာသူများကို ဥပဒေနန့်အညီ ဖမ်းဆီးအရေးယူ ဆောင်ရွက်ပြီး ပြည်သူများအနီဖြင့်လည်း ဥပဒေအား လေးစားလိုက်နာဆောင်ရွက်လားပါက လူသတ်မှုများသည် အတိုင်းအတာတခုထိ လျော့နည်း ကျဆင်းလားမည်ဖြစ်ပြီး "ပြည်သူနန့်ဒီလပ်" အစဉ်လက်တွဲပူးပေါင်းဆောင်ရွက်လားပါက တရားဥပဒေစိုးမိုးရီးနန့် ရပ်ရွာအီးချမ်းသာယာမှု ပိုဟိလာမည် ဖြစ်သည်။

၃။ ဒီလပ်ဌာန၏ ရည်မှန်းချက် တာဝန် (၄) ရပ်

(က) ပြည်တွင်းလုံခြုံရီးနန့် ရပ်ရွာအီးချမ်းသာယာရီး။
(ခ) တရားဥပဒေစိုးမိုးရီး။
(ဂ) မူးယစ်ဆီးဝါးအန္တရာယ် တားဆီးကာကွယ်ရီး။
(ဃ) ပြည်သူ့အကျိုးပြုလုပ်ငန်းများဆောင်ရွက်ရီး။

၄။ ဆက်သွယ်ရန်-

နီးစပ်ရာ ဒီလပ်စခန်း- 👮🚉
တယ်လီဂြမ်လိပ်စာ - https://t.me/arakkhadleps
အီးမေး(လ်) လိပ်စာ - [email protected]


အာရက္ခမှုခင်းနန့်ဆက်စပ်
သတင်းများထုတ်ပြန်ရီးအဖွဲ့
အာရက္ခပြည်သူ့တော်လှန်ရီးအစိုးရ

အာရက္ခမှုခင်းနန့်ဆက်စပ်သတင်းများ
                 ထုတ်ပြန်ရီးအဖွဲ့
        မှုခင်းသတင်းထုတ်ပြန်ချက်
                    (၉/၂၀၂၆)

မင်းပြားမြို့နယ်၊ ကုလားမတောင်ရွာတွင် အရက်မူးပြီး ကိုယ့်အိမ်ကို ကိုယ် မီးတိုက်သူတဦးအား ဒီလပ် ဖမ်းဆီးအရေးယူထား

    ၂၀၂၆ ခုနှစ်၊ ဧပြီလ (၁၉)ရက်

အချိန် - ဧပြီလ (၁၂) ရက်
နီရာ   - ​မင်းပြားမြို့နယ်၊ ကုလားမတောင်ရွာ။

၁။ သတင်းအကျဉ်း

၂၀၂၆ ခုနှစ်၊ ဧပြီလ (၁၂ ) ရက်နိ၊ နိခင်း (၁၂) နာရီ မိနစ်(၃၀)ခန့်က မင်းပြားမြို့နယ်၊ ကုလားမတောင်ရွာတွင် အရက်သီစာသောက်စားမူးယစ်ပြီး ကိုယ့်အိမ်ကို ကိုယ် မီးတိုက်သူ တဦးအား တရားဥပဒေစိုးမိုးရီးနန့်ပြည်သူ့လုံခြုံရီးဌာန (ဒီလပ်)မှ ဥပဒေလုပ်ထုံးလုပ် နည်းများနန့်အညီ ဖမ်းဆီး အရေးယူထားပြီး ဖြစ်သည်။

ဖြစ်စဉ်မာ  မင်းပြားမြို့နယ်၊ ကုလားမတောင်ရွာမှ ဦးဦးကျော်လှ(၅၈နှစ်) ဆိုသူသည်၂၀၂၆ ခုနှစ်၊ ဧပြီလ (၁၂)ရက်နိ၊နိခင်း(၁၂)နာရီ မိနစ်(၃၀)ခန့်တွင် အ ရက်သီစာသောက်စားမူးယစ်ပြီး ၎င်းပိုင်ဆိုင်သော နီအိမ်အား မောင်းကာ မှစ၍ မီးတိုက်ရာ အလျား(၂၂) ပေ၊ အနံ(၁၈)ပေ၊သံဖြူမိုး၊ ဝါးထရံကာ၊ ပျဉ်ခင်း နီအိမ် တဆောင်လုံး မီးလောင်ပြာကျလားခသည်။

ယင်းမီးလောင်မှုကြောင့် ကာလတန်ဖိုး ငွေ ကျပ် ၃၉၆၀၀၀၀ ဖိုးခန့် ဆုံးယှုံးလားခရသည်။

အဆိုပါမီးတိုက်မှုနန့်ပတ်သက်၍ ကျူးလွန်သူ ဦးဦးကျော်လှကိုဥပဒေနန့်အညီ အ​ရေးယူပီးပါရန် တိုင်တန်းလာသဖြင့်သက်ဆိုင်ရာနယ်မြီ ဒီလပ်စခန်းသည်ကနဦးစုံစမ်းစစ်ဆီးမှုများ ပြုလုပ်ပြီး (ပ)၄/၂၀၂၆၊ ရာဇသတ်ကြီးပုဒ်မ ၄၃၆ ဖြင့်အမှုဖွင့်၍ ၂၀၂၆ ခုနှစ်၊ဧပြီလ(၁၃) ရက်နိ၊ မိုးထ (၁၁) နာရီအချိန်တွင် ဦးဦးကျော်လှအား အမှုနန့်ဖမ်းဆီးပြီး ဒီလပ်လုပ်ထုံးလုပ်နညးနန့်အညီ အမှုအား ခိုင်မာစွာတည်ဆောက်လျက် ဥပဒေအကြံပြုချက်ရယူကာ အယင်ဆုံး တရားစွဲတင်လားမည် ဖြစ်သည်။

၂။ အများပြည်သူသို့ အသိပီးနှိုးဆော်ချက်

ဤသို့ မီးတိုက်မှုသည် ကြီးလီးသောပြစ်ဒဏ်ခံရနိုင်ပြီး အိမ်အစဟိသည်ရို့ကို ဖျက်ဆီးရန်ကြံရွယ်၍ မီးဖြင့် သို့တည်းမဟုတ် ပေါက်ကွဲတတ်သည့်အရာဖြင့်အကျိုးဖျက်ဆီးမှု၊ရာဇသတ်ကြီးဥပဒေပုဒ်မ-၄၃၆အရ"မည်သူ မဆို ကိုးကွယ်ဝတ်ပြုသော နီရာအဖြစ်ဖြင့် သော် လည်းကောင်း၊ နီအိမ်အဖြစ်ဖြင့်သော်လည်းကောင်း၊ ပစ္စည်းများသိုလှောင်ထိန်းသိမ်းသောနီရာအဖြစ်ဖြင့်သော်လည်းကောင်း သာမန်အား ဖြင့် အသုံးပြုသော အဆောက်အအုံကို ဖျက်ဆီးရန် အကြံဖြင့်ဖြစ်စီ၊ ကိုယ်က ထိုသို့ ပျက်စီးစီတန်ရာသည်ကို သိ လျက်နန့်ဖြစ်စီ မီးဖြင့် သို့တည်း မဟုတ် ပေါက်ကွဲစီတတ်သောအရာဖြင့်အကျိုး ဖျက်ဆီးမှုကို ကျူးလွန်လျှင် ထောင်ဒဏ် နှစ် နှစ်ဆယ်ဖြစ်စီ၊ ဆယ်နှစ်ထိ ထောင်ဒဏ်တမျိုးမျိုး ချမှတ်ရမည့်အပြင် ငွေဒဏ်လည်း ချမှတ်နိုင်သည်" ဟု ပြဋ္ဌာန်းထားဟိသည်။

လက်ဟိကာလသည် ရာသီဥတုပူပြင်းခြောက်သွိသော အချိန်ကာလဖြစ်ပြီး အချိန်ဒေသမ‌ရွီး မီးကူးစက် လောင်ကျွမ်းနိုင်သဖြင့် ပြည်သူများ၏ အသက်၊ အိုးအိမ်၊စည်းစိမ်များ မီးလောင် ဆုံးယှုံးမှုမှ ကာကွယ်နိုင်ရီးအတွက် သက်ဆိုင်ရာ ဌာနများက မီးဖီးကြို တင်ကာကွယ်ရီး အသိပညာပီးဟောပြောခြင်း၊ သရုပ်ပြလိကျင့်မှုဆောင်ရွက်ခြင်းများပြုလုပ်ပြီး ကရို့၏ နီအိမ်များတွင် မီးချိတ်၊ မီးကတ်၊ သဲပုံး၊ ရီပုံး၊ မီးသတ်ဆီးဘူးများထားဟိပါက မီးစတင်‌လောင်ကျွမ်းလာလျှင် အချိန် မီမီးငြိမ်းသတ်နိုင်မည်ဖြစ်ပြီး ပြည်သူများအနီဖြင့်လည်း မီးကိုအချိန်ကန့်သတ်ချက်ဖြင့် သုံးစွဲခြင်း၊ ထမင်းချက်မီးဖိုအား နံရံနန့် နီးကပ်စွာမထားဘဲ မီးဖိုနန့် နံရံကြားတွင်မီးခံပြား တခုခုထားဟိခြင်း၊ ပေါက်ပြဲနီသော လျှပ်စစ်ဝါယာကြိုးများအား ပြန်လည်ပြုပျင်သုံးစွဲခြင်း၊ မလိုအပ်ပါက အဲယားကွန်း၊ လီပန်ကာ၊ အဲယားကူလာနန့် ထမင်းချက်မီးခလုတ်များအားပိတ်ထားခြင်း၊ ကိုယ့်အိမ်နားမှ မီးလောင်လွယ်သော အမှိုက်သရိုက်များအား ယှင်းလင်းခြင်းနန့် သက်ဆိုင်ရာဌာနမှ မီးဖီးအန္တရာယ် ကြိုတင်ကာကွယ်ရီးအတွက် အခါအားလျော်စွာ ထုတ်ပြန်သည့် သတိပီးထုတ်ပြန်ချက်များအား တိကျစွာလိုက်နာ ဆောင်ရွက်လားပါက မီးလောင်မှုများမာ အတိုင်းအတာတခုအထိ လျော့နည်း ကျဆင်းလာမည် ဖြစ်ပါသည်။


၃။ ဒီလပ်ဌာန၏ ရည်မှန်းချက် တာဝန် (၄) ရပ်

(က) ပြည်တွင်းလုံခြုံရီးနန့် ရပ်ရွာအီးချမ်းသာယာရီး။
(ခ) တရားဥပဒေစိုးမိုးရီး။
(ဂ) မူးယစ်ဆီးဝါးအန္တရာယ် တားဆီးကာကွယ်ရီး။
(ဃ) ပြည်သူ့အကျိုးပြုလုပ်ငန်းများဆောင်ရွက်ရီး။

၄။ ဆက်သွယ်ရန်-

နီးစပ်ရာ ဒီလပ်စခန်း- 👮🚉
တယ်လီဂြမ်လိပ်စာ - https://t.me/arakkhadleps
အီးမေး(လ်) လိပ်စာ - [email protected]

အာရက္ခမှုခင်းနန့်ဆက်စပ်
သတင်းများထုတ်ပြန်ရီးအဖွဲ့
အာရက္ခပြည်သူ့တော်လှန်ရီးအစိုးရ

အာရက္ခမှုခင်းနန့်ဆက်စပ်သတင်းများ
                 ထုတ်ပြန်ရီးအဖွဲ့
        မှုခင်းသတင်းထုတ်ပြန်ချက်
                    (၈/၂၀၂၆)

ပုဏ္ဏားကျွန်းမြို့နယ်၊ ကျောက်ဆိပ်ရွာ၌ အရက်မူး၍ ဖြစ်ပွားခသည့် လူသတ်မှုမှ တရားခံကို ဒီလပ် ဖမ်းဆီးထား

    ၂၀၂၆ ခုနှစ်၊ ဧပြီလ (၁၅)ရက်

အချိန် - ဖေဖော်ဝါရီလ (၂၇) ရက်
နီရာ   - ​ပုဏ္ဏားကျွန်းမြို့နယ်၊ ကျောက်ဆိပ်ရွာ။

၁။ သတင်းအကျဉ်း

၂၀၂၆ခုနှစ်၊ ဖေဖော်ဝါရီလ (၂၆ ) ရက်နိ၊ညည့်အချိန်က ပုဏ္ဏားကျွန်းမြို့နယ်၊ ကျောက်ဆိပ်ရွာတွင် အရက်သီစာ သောက်စား မူးယစ်ပြီး အချင်းချင်း စကားများရန်ဖြစ်ကတ်ရာမှ လူသတ်မှုဖြစ်ပွားခသည့် ဖြစ်စဉ်၌ ကျူးလွန်သည့် တရားခံကို တရားဥပဒေစိုးမိုးရီးနန့်ပြည်သူ့လုံခြုံရီးဌာန (ဒီလပ်)မှ ညည့်တွင်းချင်း ဖမ်းဆီးကာ ဥပဒေလုပ်ထုံး လုပ်နည်းများနန့်အညီအရေးယူဆောင်ရွက်လျက်ဟိသည်။

ဖြစ်စဉ်မာ ပုဏ္ဏားကျွန်းမြို့နယ်၊ ကျောက်ဆိပ်ရွာမှ လွင်မိုးသူ(၃၂နှစ်) သည် တရွာတည်းနီ ဇော်ဝင်း(၄၇ နှစ်) နန့်တတူ ၂၀၂၆ခုနှစ်၊ ဖေဖော်ဝါရီလ (၂၆) ရက်နိ၊ ညဇာ (၆) နာရီ (၃၀) မိနစ်အချိန်တွင် ကျောက်ဆိပ်ရွာဘုန်းကြီး ကျောင်းဝင်းအတွင်း၌ အရက်တတူသောက်စားကတ်ရာမှ အချင်းချင်းစကားများကာ လွင်မိုးသူအား ဇော်ဝင်းမှ အလျား (၆) လက္မ၊ဒု (၂)လက္မခန့်ဟိ ကျောက်တုံးနန့် ထုသတ်ပစ်သဖြင့် လွင်မိုးသူ၏ ဦးဂေါင်း နောက်စိတွင် (၂) လက္မခွဲခန့် ပေါက်ပြဲ ဒဏ်ရာ (၂) ချက်ရဟိကာ နီရာတွင်ပင် သီဆုံးလားသည်။

အဆိုပါ လူသတ်မှုနန့် ပတ်သက်၍ ကျူးလွန်သူ ဇော်ဝင်းကို ဥပဒေနန့်အညီ အ​ရေးယူပီးပါရန် တိုင်တန်းလာသဖြင့် သက်ဆိုင်ရာနယ်မြီဒီလပ်စခန်းသည် ကနဦး စုံစမ်း စစ်ဆီးမှုများပြု လုပ်ကာ (ပ)၆/၂၀၂၆၊ ရာဇသတ်ကြီးပုဒ်မ ၃၀၂ ဖြင့် ညည့်တွင်းချင်း အမှုဖွင့်ပြီး ဖေဖော်ဝါရီလ (၂၇) ရက်နိ၊ မိုးထစောစော (၂) နာရီ(၁၀)မိနစ်အချိန်တွင် တရားခံ ဇော်ဝင်းကို ဖမ်းဆီး၍ ဥပဒေလုပ်ထုံး၊လုပ်နည်းများနန့်အညီ အရေးယူ  ဆောင်ရွက်လျက်ဟိပါသည်။


၂။ အများပြည်သူသို့ အသိပီးနှိုးဆော်ချက်

လူသတ်မှုအတွက်ပြစ်ဒဏ်ဖော်ပြချက်မာ-

၃၀၂ (၁) ။ မည်သူမဆို -

(က) ထောင်ဒဏ်နှစ် နှစ်ဆယ် စီရင်ခြင်းခံရသည့်အတွင်း၊ သို့မဟုတ်

(ခ) တင်ကူးကြံရွယ်ချက်ဖြင့်၊ သို့မဟုတ်

(ဂ) ဤရာဇသတ်ကြီးအရ ခုနစ်နှစ်ထိ ထောင်ဒဏ်ချမှတ်ခြင်း ခံထိုက်သော ပြစ်မှုကို ကျူးလွန်နီစဉ်၊ လူသတ်မှုကို ကျူးလွန်လျှင် ထိုသူကို သီဒဏ်ချမှတ်ရမည့်ပြင် ငွေဒဏ်လည်း ချမှတ် နိုင်သည်။

၃၀၂ (၂) ။ မည်သူမဆို အခြားအချက်မျိုး၌ လူသတ်မှုကျူးလွန်လျှင် ထိုသူကို ထောင်ဒဏ်နှစ် နှစ်ဆယ် ဖြစ်စီ၊ ဆယ်နှစ်ထိ အလုပ်ကြမ်းနန့် ထောင် ဒဏ်ဖြစ်စီ ချမှတ်ရမည့်ပြင် ငွေဒဏ်လည်း ချမှတ်နိုင်သည်။

လူသတ်မှုများ ဖြစ်ပွားရခြင်းသည် များသောအားဖြင့် အရက်သီစာသောက်စားမူးယစ်ပြီး စိတ်မထိန်းနိုင်ဖြစ်ကာ ကိုယ်၏ပြုလုပ်မှုများ အကျိုးအပြစ် မည်သို့ဖြစ်မည်ကို ကြိုတင်မစဉ်းစားနိုင်ဘဲ လတ်တလော ဒေါသဖြစ်၍ ကျူးလွန်ကတ်ကြောင်း သုံးသပ်ရသဖြင့် လူသတ်မှုများ လျော့ နည်းကျဆင်းလာစီရီးအတွက် ပြည်သူလူထုများအား ဥပဒေ အသိပညာပီး ဆွေးနွေးဟောပြောခြင်း၊ တရားမဝင် လိုင်စင်မဲ့ အရက်များ ထုတ်လုပ်ဖြန့်ဖြူးရောင်းချခြင်းများကို တားဆီးပိတ်ပင်အရေးယူဆောင်ရွက်မှုများ ပြုလုပ်ခြင်း၊ လက်နက်ပုန်း (တုတ်၊ဒါး၊လက်နက်) စွဲကိုင် လားလာသူများကို ဥပဒေနန့်အညီ ဖမ်းဆီးအရေးယူ ဆောင်ရွက်ပြီး ပြည်သူများအနီဖြင့်လည်း ဥပဒေအား လေးစားလိုက်နာဆောင်ရွက်လားပါက လူသတ်မှုများသည်အတိုင်းအတာတခုထိ လျော့နည်း ကျဆင်းလားမည်ဖြစ်ပြီး "ပြည်သူနန့်ဒီလပ်" အစဉ်လက်တွဲပူးပေါင်းဆောင်ရွက်လားပါက တရားဥပဒေစိုးမိုးရီးနန့် ရပ်ရွာအီးချမ်းသာယာမှု ပိုဟိလာမည် ဖြစ်ပါသည်။


၃။ ဒီလပ်ဌာန၏ ရည်မှန်းချက် တာဝန် (၄) ရပ်

(က) ပြည်တွင်းလုံခြုံရီးနန့် ရပ်ရွာအီးချမ်းသာယာရီး။
(ခ) တရားဥပဒေစိုးမိုးရီး။
(ဂ) မူးယစ်ဆီးဝါးအန္တရာယ် တားဆီးကာကွယ်ရီး။
(ဃ) ပြည်သူ့အကျိုးပြုလုပ်ငန်းများဆောင်ရွက်ရီး။

၄။ ဆက်သွယ်ရန်-

နီးစပ်ရာ ဒီလပ်စခန်း- 👮🚉
တယ်လီဂြမ်လိပ်စာ - https://t.me/arakkhadleps
အီးမေး(လ်) လိပ်စာ - [email protected]


အာရက္ခမှုခင်းနန့်ဆက်စပ်
သတင်းများထုတ်ပြန်ရီးအဖွဲ့
အာရက္ခပြည်သူ့တော်လှန်ရီးအစိုးရ

ခိုးယူခသဖြင့် မြောက်ဦးမြို့မဒီလပ်စခန်း၏ (ပ) ၉/၂၀၂၆၊ရာဇသတ်ကြီးပုဒ်မ - ၄၅၇ ရို့ဖြင့်ပါ အမှုရင်ဆိုင်နီရသူများ ဖြစ်ကတ်သည်။

၂။ အများပြည်သူသို့ အသိပီးနှိုးဆော်ချက်

ထိုသို့ ဖောက်ထွင်းခိုးယူမှုကျူးလွန်ခြင်းသည် ကြီးလီးသောပြစ်ဒဏ် ကျခံရနိုင်ပြီး ရာဇသတ်ကြီးပုဒ်မ ၄၅၇ အရ "မည်သူမဆို၊ ထောင်ဒဏ်ထိုက်သည့်ပြစ်မှုကို ကျူးလွန်ရန်အလို့ငှာ ညည့်အချိန် အိမ်ဖောက်ထွင်းမှုကို ဖြစ်စီ၊ ကျူးလွန်လျှင် ထိုသူကို ငါးနှစ်ထိထောင်ဒဏ်တမျိုးမျိုး ချမှတ်ရမည့်အပြင် ငွေဒဏ်လည်း ချမှတ်နိုင်သည်။ အကယ်တန္တိ ကျူးလွန်ရန်ကြံရွယ်သည့်ပြစ်မှုသည် ခိုးမှုဖြစ်ခသော်၊ ထောင်ဒဏ်ကို ဆယ့်လေးနှစ်ထိ တိုး ၍ ချမှတ်နိုင်သည်" ဟု ပြဋ္ဌာန်းထားသည်။

ဖောက်ထွင်းခိုးယူမှုများ လျော့နည်း ပပျောက်စီရီးအတွက် မြို့ထက်ရပ် ကွက်၊ ရပ်ရွာများအတွင်း လှည့်ကင်း၊ ဝပ်ကင်း၊ ရပ်ကင်းများ နိညည့်မပြတ် ဆောင်ရွက်ခြင်း၊ ဖောက်ထွင်း၊ ခိုးဆိုး လုနှိုက်တတ်သူများအား စာရင်းပြုစုကောက်ခံ၍ မှတ်ပုံတင်ထားကာ ကြည့် ရှုစောင့် ကြပ်ခြင်း၊ ပြည်သူများအနီဖြင့်လည်း ဖောက်ထွင်း ခိုးဆိုး လုနှိုက် တတ်သူများနန့်ပတ်သက်၍  ကြိုတင်သတင်းပီးကာ "ပြည်သူ နန့် ဒီလပ်" အစဉ်လက်တွဲဆောင်ရွက်လားပါက ဖောက်ထွင်း ခိုးယူမှုများမာ အတိုင်း အတာတခုထိ လျော့နည်းကျဆင်းလာမည်ဖြစ်ပြီးတရားဥပဒေစိုးမိုး၍ ရပ်ရွာ များအီးချမ်းသာယာလားမည်ဖြစ်သည်။

၃။ ဒီလပ်ဌာန၏ ရည်မှန်းချက် တာဝန် (၄) ရပ်

(က) ပြည်တွင်းလုံခြုံရီးနန့် ရပ်ရွာအီးချမ်းသာယာရီး။
(ခ) တရားဥပဒေစိုးမိုးရီး။
(ဂ) မူးယစ်ဆီးဝါးအန္တရာယ် တားဆီးကာကွယ်ရီး။
(ဃ) ပြည်သူ့အကျိုးပြုလုပ်ငန်းများဆောင်ရွက်ရီး။

၄။ ဆက်သွယ်ရန်-

နီးစပ်ရာ ဒီလပ်စခန်း- 👮🚉
တယ်လီဂြမ်လိပ်စာ - https://t.me/arakkhadleps
အီးမေး(လ်) လိပ်စာ - [email protected]

အာရက္ခမှုခင်းနန့်ဆက်စပ်
သတင်းများထုတ်ပြန်ရီးအဖွဲ့
အာရက္ခပြည်သူ့တော်လှန်ရီးအစိုးရ