អង្គជំនុំជម្រះវិសាមញ្ញក្នុងតុលាការកម្ពុជា/ECCC

នារសៀលថ្ងៃទី១៩ ខែតុលា ឆ្នាំ២០២៦ ឯកឧត្តម Gordan Grlić Radman រដ្ឋមន្ត្រីក្រសួងការបរទេស និងកិច្ចការអឺរ៉ុបនៃសាធារណរដ្ឋក្រូអាស៊ី និងគណៈប្រតិភូ បានអញ្ជើញបំពេញទស្សនកិច្ចនៅមជ្ឈមណ្ឌលធនធាននៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.) ដើម្បីស្វែងយល់អំពីដំណើរការស្វែងរកយុត្តិធម៌ជូនប្រជាជនកម្ពុជា និងកិច្ចការថែរក្សាកេរដំណែលរបស់ អ.វ.ត.ក.។
ដំណើរទស្សនកិច្ចនេះត្រូវបានទទួលស្វាគមន៍ដោយឯកឧត្តម ហែម ក្រាញ់ តូនី រដ្ឋលេខាធិការនៃទីស្តីការគណៈរដ្ឋមន្ត្រី និងជាប្រធានរដ្ឋបាលស្តីទីនៃ អ.វ.ត.ក. ព្រមទាំងថ្នាក់ដឹកនាំជាន់ខ្ពស់ និងមន្ត្រីពាក់ព័ន្ធនៃអ.វ.ត.ក.។
ក្នុងឱកាសនោះ ឯកឧត្តម ហែម ក្រាញ់ តូនី បានសម្ដែងការស្វាគមន៍ចំពោះដំណើរទស្សនកិច្ចដ៏មានអត្ថន័យនេះ ដោយបានគូសបញ្ជាក់ពីសារៈសំខាន់នៃការលើកកម្ពស់ការយល់ដឹង និងការផ្លាស់ប្ដូរបទពិសោធពាក់ព័ន្ធនឹងយុត្តិធម៌អន្តរកាល ការកសាងសន្តិភាព និងការផ្សះផ្សាជាតិ។
បន្ទាប់ពីបញ្ចប់ដំណើរទស្សនកិច្ច ឯកឧត្តម Gordan Grlić Radman បានវាយតម្លៃខ្ពស់ចំពោះសមិទ្ធផលការងាររបស់ អ.វ.ត.ក. ដែលបានរួមចំណែកយ៉ាងសំខាន់ក្នុងការលើកកម្ពស់ការទទួលខុសត្រូវ ការផ្សះផ្សាជាតិ ការកសាងសន្តិភាពប្រកបដោយចីរភាព និងការបង្ការអំពើឃោរឃៅនាពេលអនាគត។

ទស្សនវិស័យវែងឆ្ងាយរបស់ សម្តេចធិបតី នាយករដ្ឋមន្រ្តី ដែលសម្រេចបង្កើតស្ថាប័នកេរដំណែលរបស់ អ.វ.ត.ក. នាពេលអនាគត ក្នុង
គោលដៅពង្រឹងនិងថែរក្សាសន្តិភាពយូរអង្វែងនៅកម្ពុជា បង្ការការវិលត្រឡប់មកវិញនូវអំពើសាហាវយង់គ្នងនិងប្រល័យពូជសាសន៍ ព្រមទាំង ចែករំលែកបទពិសោធដែលទទួលបានដ៏លំបាករបស់កម្ពុជាទាក់ទងនឹងដំណោះស្រាយក្រោយជម្លោះ ការកសាងសន្តិភាព និង
យុត្តិធម៌អន្តរកាលទៅថ្នាក់តំបន់និងសកលលោក។

និស្សិតផ្នែកច្បាប់ចំនួន ៦០នាក់ មកពីសាកលវិទ្យាល័យវេស្ទីន បំពេញទស្សនកិច្ចសិក្សានៅមជ្ឈមណ្ឌលធនធាន អ.វ.ត.ក.

នៅថ្ងៃទី៤ ខែកញ្ញា ឆ្នាំ២០២៦ ឯកឧត្តម ហែម ក្រាញ់ តូនី រដ្ឋលេខាធិការទីស្តីការគណៈរដ្ឋមន្ត្រី និងជាប្រធានរដ្ឋបាលស្តីទី អ.វ.ត.ក. បានទទួលស្វាគមន៍និស្សិតផ្នែកច្បាប់ចំនួន ៦០នាក់ មកពីសាកលវិទ្យាល័យវេស្ទីន ដែលបានអញ្ជើញមកបំពេញទស្សនកិច្ចសិក្សានៅមជ្ឈមណ្ឌលធនធាន អ.វ.ត.ក.។

ក្នុងអំឡុងពេលទស្សនកិច្ច និស្សិតបានចូលរួមស្តាប់បទបង្ហាញស្តីពីបរិបទប្រវត្តិសាស្ត្រកម្ពុជា អាណត្តិ យុត្តាធិការរបស់ អ.វ.ត.ក. និងមុខងារសេសសល់របស់ អ.វ.ត.ក. ការចូលរួមរបស់ជនរងគ្រោះ និងសំណង។ បន្ទាប់មក និស្សិតបានទស្សនាបណ្ណាល័យ សាលពិព័រណ៍អចិន្ត្រៃយ៍ បណ្ណសារ និងមជ្ឈមណ្ឌលធនធានចល័ត អ.វ.ត.ក. ដោយមានការណែនាំពីក្រុមការងារតាមផ្នែកនីមួយៗ។

ឯកឧត្តម សាន់ រ៉ាដា មន្ត្រីគ្រប់គ្រងសំណុំរឿង អ.វ.ត.ក. បានមានប្រសាសន៍ថា ទស្សនកិច្ចសិក្សានេះមានតម្លៃសម្រាប់និស្សិត ព្រោះបានផ្តល់ឱកាសឱ្យពួកគេស្វែងយល់កាន់តែច្បាស់អំពីការងារជាក់ស្តែងរបស់ អ.វ.ត.ក. ព្រមទាំងទទួលបានបទពិសោធន៍ពាក់ព័ន្ធនឹងវិស័យច្បាប់ និងយុត្តិធម៌របស់ អ.វ.ត.ក.។

នៅថ្ងៃទី៣ ខែកញ្ញា ឆ្នាំ២០២៦ លោកគ្រូ អ្នកគ្រូថ្នាក់វិទ្យាល័យចំនួន ២២រូប មកពីខេត្តបាត់ដំបង បានអញ្ជើញមកទស្សនកិច្ចសិក្សានៅមជ្ឈមណ្ឌលធនធាននៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.)។
ក្នុងអំឡុងពេលទស្សនកិច្ច លោកគ្រូ អ្នកគ្រូបានចូលរួមស្តាប់បទបង្ហាញ និងកិច្ចពិភាក្សាអំពីបរិបទប្រវត្តិសាស្ត្រនៃរបបខ្មែរក្រហម សមិទ្ធផលនិងយុត្តាធិការតុលាការ ព្រមទាំងការអនុវត្តមុខងារសេសសល់របស់ អ.វ.ត.ក. ការចូលរួមរបស់ដើមបណ្ដឹងរដ្ឋប្បវេណីនៅចំពោះមុខ អ.វ.ត.ក. និងសំណង។
លោកគ្រូ អ្នកគ្រូក៏បានអញ្ជើញទស្សនាបណ្ណាល័យ សាលពិព័រណ៍អចិន្ត្រៃយ៍ ឧទ្យានសម្រាប់ការចងចាំ បណ្ណសារ និងមជ្ឈមណ្ឌលធនធានចល័ត អ.វ.ត.ក. ផងដែរ។ ទស្សនកិច្ចនេះបានផ្តល់ឱ្យលោកគ្រូ អ្នកគ្រូនូវការយល់ដឹងកាន់តែស៊ីជម្រៅអំពីការងារ សមិទ្ធផល និងកេរដំណែលរបស់ អ.វ.ត.ក.។

📚✨ ប្រសិនបើលោកអ្នកមានចំណាប់អារម្មណ៍ចង់ស្វែងយល់ និងសិក្សាបន្ថែមអំពីការងាររបស់ អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.) សូមអញ្ជើញមកទស្សនា មជ្ឈមណ្ឌលធនធានអ.វ.ត.ក. ចល័ត នាពិព័រណ៍សៀវភៅខ្នាតតូចសៀមរាប លើកទី ៥!
📍 ទីតាំង៖ បរិវេណមជ្ឈមណ្ឌលខេមរសិក្សា ក្នុងវត្តដំណាក់
📅 កាលបរិច្ឆេទ៖ ថ្ងៃទី២–៣ ខែឧសភា ឆ្នាំ២០២៦
សូមអញ្ជើញមកស្វែងយល់អំពីសៀវភៅ បណ្ណសារ ឯកសារអប់រំ និងកេរ្តិ៍ដំណែលនៃយុត្តិធម៌ សន្តិភាព និងការផ្សះផ្សាជាតិនៅកម្ពុជា ពី អ.វ.ត.ក. យើងខ្ញុំរីករាយរង់ចាំស្វាគមន៍លោកអ្នក!

#ECCC #MiniBookFair #SiemReap #Justice #Peace #Education #Cambodia

ទោះបីជាត្រូវប្រឈមមុខនឹងភ្លៀងធ្លាក់ និងផ្លូវធ្វើដំណើរដ៏លំបាកក៏ដោយ ក៏មជ្ឈមណ្ឌលធនធាន អ.វ.ត.ក. ចល័ត បានបន្តដំណើរទៅដល់វិទ្យាល័យទួលវិជ្ជា ដោយសុវត្ថិភាព នៅថ្ងៃទី២៨ ខែមេសា ឆ្នាំ២០២៦។ ការធ្វើដំណើរនេះបានឆ្លុះបញ្ចាំងពីការប្តេជ្ញាចិត្តយ៉ាងមុតមាំក្នុងការនាំយកចំណេះដឹង និងការអប់រំអំពីប្រវត្តិសាស្ត្រ និងយុត្តិធម៌ទៅកាន់យុវជននៅតាមតំបន់ផ្សេងៗ។
ក្នុងថ្ងៃដ៏មានអត្ថន័យនេះ សិស្សានុសិស្សចំនួន ២៦០ នាក់ ក្នុងនោះស្រី ១៥១ នាក់ នៃវិទ្យាល័យទួលវិជ្ជា បានចូលរួមយ៉ាងសកម្ម និងពោរពេញដោយការចាប់អារម្មណ៍ក្នុងកម្មវិធីផ្សព្វផ្សាយ។ ពួកគេបានស្ដាប់បទបង្ហាញ ចូលរួមពិភាក្សា សួរសំណួរ និងទស្សនាវីដេអូឯកសារពាក់ព័ន្ធនឹងប្រវត្តិសាស្ត្រខ្មែរក្រហម និងដំណើរការស្វែងរកយុត្តិធម៌របស់ អ.វ.ត.ក.។
ការចូលរួមយ៉ាងកក់ក្តៅរបស់សិស្សានុសិស្ស និងលោកគ្រូអ្នកគ្រូ បានបង្ហាញឱ្យឃើញពីសារៈសំខាន់នៃការចងចាំអតីតកាល ការគោរពយុត្តិធម៌ និងការកសាងអនាគតមួយដែលពោរពេញដោយសន្តិភាព មេត្តាករុណា និងការយល់ដឹង។
#ECCC #KhmerRougeTrials #JusticeForCambodia #CambodianHistory

នៅថ្ងៃទី ២៧ ខែមេសា ឆ្នាំ ២០២៦ អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.) មានកិត្តិយសបានទទួលស្វាគមន៍ កញ្ញា នរៈ វត្តី ដែលត្រូវបានជ្រើសរើសឱ្យដើរតួនាទីជំនួសជាឯកអគ្គរដ្ឋទូតអាល្លឺម៉ង់ប្រចាំព្រះរាជាណាចក្រកម្ពុជារយៈពេលមួយថ្ងៃតាមរយៈយុទ្ធនាការGirl Takeoverរបស់អង្គការPlan International។
កញ្ញា នរៈ វត្តី មានអាយុ ១៩ ឆ្នាំ ជានិស្សិតផ្នែកច្បាប់នៅសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច បានមកដល់ អ.វ.ត.ក. ដើម្បីស្វែងយល់បន្ថែមអំពីការរួមចំណែកដ៏សំខាន់របស់សាលាក្តីក្នុងការលើកកម្ពស់យុត្តិធម៌ ការទទួលខុសត្រូវ និងការកសាងសន្តិភាពនៅកម្ពុជាក្នុងនាមជាឯកអគ្គរដ្ឋទូតជំនួស។
ក្រោយពីបានស្វែងយល់ពីសមាសភាគសំខាន់នៅក្នុងមជ្ឈមណ្ឌលធនធានរួចមក ឯកអគ្គរដ្ឋទូតជំនួសបានជួបពិភាក្សាការងារមួយចំនួនជាមួយថ្នាក់ដឹកនាំអ.វ.ត.ក. ដោយបានផ្តោតសំខាន់ទៅលើការគាំទ្ររបស់ប្រទេស
អាល្លឺម៉ង់តាមរយៈកម្មវិធី Civil Peace Service ទាក់ទងនឹងដំណើរការផ្លូវច្បាប់របស់ អ.វ.ត.ក. កេរដំណែល និងការអភិរក្សបណ្ណសារ ព្រមទាំងទស្សនវិស័យនាពេលអនាគតនៃយុត្តិធម៌អន្តរកាល។

នៅថ្ងៃទី២៧ ខែមេសា ឆ្នាំ២០២៦ នេះ សិស្សានុសិស្សចំនួន ១៩០ នាក់ ក្នុងនោះស្រី ៩៦ នាក់ នៃវិទ្យាល័យសេសានសុវត្ថិភាព និងសិស្សានុសិស្សចំនួន ១៤៦ នាក់ ក្នុងនោះស្រី ៨៤នាក់នៃអនុវិទ្យាល័យសេសាន បានចូលរួមយ៉ាងសកម្មក្នុងកម្មវិធីផ្សព្វផ្សាយរបស់មជ្ឈមណ្ឌលធនធាន អ.វ.ត.ក. ចល័ត ដែលបានមកដល់សាលា ដើម្បីលើកកម្ពស់ការយល់ដឹងអំពីប្រវត្តិសាស្ត្រខ្មែរក្រហម និងដំណើរការអង្គជំនុំជម្រះក្នុងការស្វែងរកយុត្តិធម៌ជូនជនរងគ្រោះ។
ក្នុងអំឡុងកម្មវិធីនេះ សិស្សានុសិស្សបានចូលរួមស្ដាប់បទបង្ហាញ ពិភាក្សាក្រុម សួរឆ្លើយ និងទស្សនាវីដេអូឯកសារពាក់ព័ន្ធនឹងសំណុំរឿង និងលទ្ធផលសំខាន់ៗនៃការកាត់ទោសមេដឹកនាំខ្មែរក្រហម។ ការចូលរួមនេះមិនត្រឹមតែជួយបង្កើនចំណេះដឹងផ្នែកច្បាប់ និងប្រវត្តិសាស្ត្រប៉ុណ្ណោះទេ ប៉ុន្តែថែមទាំងជំរុញឱ្យយុវជនយល់ដឹងអំពីតម្លៃសន្តិភាព សិទ្ធិមនុស្ស និងសារៈសំខាន់នៃការការពារកុំឱ្យអំពើឧក្រិដ្ឋកម្មដូចក្នុងអតីតកាលកើតឡើងម្តងទៀត។

#ECCC #KhmerRougeTrials #JusticeForCambodia #CambodianHistory

ក្នុងឱកាសដ៏មហាប្រសើរនៃពិធីបុណ្យចូលឆ្នាំថ្មីប្រពៃណីជាតិ ឆ្នាំមមី សប្តស័ក ព.ស.២៥៦៩ ឯកឧត្តម ថោង សុជាតិ មន្ត្រីគ្រប់គ្រងជាន់ខ្ពស់ និងជាប្រធានផ្នែកថវិកានិងហិរញ្ញវត្ថុនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.) សូមបួងសួងដល់ទេវធីតាឆ្នាំថ្មី សូមព្រះអង្គប្រោសព្រំប្រសិទ្ធិពរជ័យ សិរីមង្គល វិបុលសុខ មហាប្រសើរ ជូនដល់បងប្អូនប្រជាពលរដ្ឋខ្មែរទាំងអស់សូមឱ្យជួបប្រទះតែពុទ្ធពរទាំង ៤ប្រការ អាយុ វណ្ណៈ សុខៈ ពលៈ និងប្រកបដោយសុខសុវត្ថិភាពក្នុងការធ្វើដំណើរទៅគ្រប់ទីកន្លែង៕
សួស្តីឆ្នាំថ្មីប្រពៃណីជាតិ ឆ្នាំមមី សប្តស័ក ព.ស.២៥៦៩

ក្នុងឱកាសដ៏មហាប្រសើរនៃពិធីបុណ្យចូលឆ្នាំថ្មីប្រពៃណីជាតិ ឆ្នាំមមី សប្តស័ក ព.ស.២៥៦៩ ឯកឧត្តម ហែម ក្រាញ់តូនី ប្រធានរដ្ឋបាលស្តីទីនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.) សូមបួងសួងដល់ទេវធីតាឆ្នាំថ្មី សូមព្រះអង្គសូមប្រោសព្រំប្រសិទ្ធិពរជ័យជូន សម្តេច ទ្រង់ ឯកឧត្តម លោកជំទាវ លោក លោកស្រី និងបងប្អូនប្រជាពលរដ្ឋខ្មែរទាំងអស់សម្រេចជោគជ័យគ្រប់ភារកិច្ច និងសូមប្រកបដោយពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ។
សួស្តីឆ្នាំថ្មីប្រពៃណីជាតិ ឆ្នាំមមី សប្តស័ក ព.ស.២៥៦៩

នាព្រឹកថ្ងៃទី ០៩ ខែមេសា ឆ្នាំ២០២៦ អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.) មានសេចក្តីសោមនស្សរីករាយក្នុងការទទួលស្វាគមន៍លោកគ្រូអ្នកគ្រូ និងសិស្សានុសិស្សចំនួន២០០នាក់ ដែលអញ្ជើញមកពីវិទ្យាល័យបានយ ដែលស្ថិតក្នុងស្រុកព្រៃកប្បាស ខេត្តតាកែវ។
ក្នុងឱកាសនៃទស្សនកិច្ចសិក្សានេះ ប្អូនៗសិស្សានុសិស្ស និងលោកគ្រូអ្នកគ្រូ បានសិក្សាស្វែងយល់យ៉ាងស៊ីជម្រៅអំពីប្រវត្តិសាស្ត្រខ្មែរក្រហម និងបេសកកម្មសំខាន់ៗរបស់ អ.វ.ត.ក. ក្នុងកិច្ចខិតខំប្រឹងប្រែងស្វែងរកយុត្តិធម៌ជូនជនរងគ្រោះនៃរបបប្រល័យពូជសាសន៍។
ក្រៅពីការស្តាប់បទបង្ហាញ លោកគ្រូអ្នកគ្រូ និងសិស្សានុសិស្សក៏បានចូលទស្សនាបណ្ណាល័យធនធាន និងបានស្វែងយល់ពីរបៀបប្រើប្រាស់គេហទំព័រកេរ្តិ៍ដំណែល អ.វ.ត.ក. ដែលជាមជ្ឈមណ្ឌលផ្ទុកឯកសារឌីជីថលដ៏មានសារៈសំខាន់ សម្រាប់សាធារណជនក្នុងការស្រាវជ្រាវ និងរៀនសូត្របន្ថែមអំពីកិច្ចដំណើរការយុត្តិធម៌នៅកម្ពុជា។

#ECCC #KhmerRougeTrials #CambodianHistory #Justice #PeaceBuilding #Education #OutreachProgram

នាព្រឹកថ្ងៃទី ០៨ ខែមេសា ឆ្នាំ២០២៦ អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.) មានសេចក្តីសោមនស្សរីករាយក្នុងការទទួលស្វាគមន៍លោកគ្រូអ្នកគ្រូ និងសិស្សានុសិស្សចំនួន២០០នាក់ ដែលអញ្ជើញមកពីវិទ្យាល័យកំពង់ឈើទាលដែលស្ថិតនៅខេត្តកំពង់ធំ។
ក្នុងឱកាសនៃទស្សនកិច្ចសិក្សានេះ ប្អូនៗសិស្សានុសិស្ស និងលោកគ្រូអ្នកគ្រូ បានសិក្សាស្វែងយល់យ៉ាងស៊ីជម្រៅអំពីប្រវត្តិសាស្ត្រខ្មែរក្រហម និងបេសកកម្មសំខាន់ៗរបស់ អ.វ.ត.ក. ក្នុងកិច្ចខិតខំប្រឹងប្រែងស្វែងរកយុត្តិធម៌ជូនជនរងគ្រោះនៃរបបប្រល័យពូជសាសន៍។
ក្រៅពីការស្តាប់បទបង្ហាញ លោកគ្រូអ្នកគ្រូ និងសិស្សានុសិស្សក៏បានចូលទស្សនាបណ្ណាល័យធនធាន និងបានស្វែងយល់ពីរបៀបប្រើប្រាស់គេហទំព័រកេរ្តិ៍ដំណែល អ.វ.ត.ក. ដែលជាមជ្ឈមណ្ឌលផ្ទុកឯកសារឌីជីថលដ៏មានសារៈសំខាន់ សម្រាប់សាធារណជនក្នុងការស្រាវជ្រាវ និងរៀនសូត្របន្ថែមអំពីកិច្ចដំណើរការយុត្តិធម៌នៅកម្ពុជា។

#ECCC #KhmerRougeTrials #CambodianHistory #Justice #PeaceBuilding #Education #OutreachProgram

នៅរសៀលថ្ងៃទី ៧ ខែមេសា ឆ្នាំ២០២៦ អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.) មានកិត្តិយសបានស្វាគមន៍ ឯកឧត្តម Igor Driesmans ឯកអគ្គរដ្ឋទូតសហភាពអឺរ៉ុបប្រចាំព្រះរាជាណាចក្រកម្ពុជា មកទស្សនកិច្ចផ្លូវការនៅមជ្ឈមណ្ឌលធនធាន អ.វ.ត.ក. ។
ក្នុងដំណើរទស្សនកិច្ចឯកឧត្តមបានទស្សនាការតាំងពិព័រណ៍អចិន្ត្រៃយ៍ ដែលបង្ហាញនូវការយល់ដឹងអំពីបេសកកម្មនៃតុលាការ នីតិវិធីនានា និងកេរដំណេលដ៏មានតម្លៃរបស់ អ.វ.ត.ក. ក្នុងការលើកកម្ពស់យុត្តិធម៌ ការទទួលខុសត្រូវ និងការផ្សះផ្សាជាតិ។
បន្ថែមពីនេះ ឯកឧត្តម Igor Driesmans ក៏បានចូលរួមជាវាគ្មិនកិត្តិយសក្នុងកម្មវិធីផតខាស អ.វ.ត.ក.ដោយបានចែករំលែកទស្សនៈជុំវិញសារៈសំខាន់នៃយុត្តិធម៌អន្តរកាល សមិទ្ធផលនិងកេរដំណែលរបស់ អ.វ.ត.ក. ព្រមទាំងសារៈសំខាន់នៃការអប់រំពីប្រវត្តិសាស្រ្តដល់យុវជនជំនាន់ក្រោយ។
កម្មវិធីបានបញ្ចប់ដោយកិច្ចជួបសម្តែងការគួរសមជាមួយថ្នាក់ដឹកនាំ អ.វ.ត.ក. ដែលបានបង្ហាញពីការពង្រឹងកិច្ចសហប្រតិបត្តិការ និងការប្តេជ្ញាចិត្តរួមគ្នាក្នុងការរក្សាចងចាំប្រវត្តិសាស្ត្រ និងលើកកម្ពស់សន្តិភាព។