ThinkTankMyanmar

အရှေ့တောင်အာရှနိုင်ငံများ၏ ရွှေပြောင်းအလုပ်သမားများနှင့်ပတ်သက်၍ ခြုံငုံ သုံးသပ်ချက်၊ အပိုင်း(၁၀) ဗီယက်နမ်နိုင်ငံ
 ✅ဗီယက်နမ်နိုင်ငံတွင် ပြည်တွင်းရွှေ့ပြောင်းနေထိုင်မှု ပမာဏများပြားပြီး ၄င်းသည် နိုင်ငံအတွက် အလွန်စိုးရိမ်စရာ အခြေအနေတစ်ခု ဖြစ်သည်။ ဗီယက်နမ်အစိုးရသည် မြို့ပြမှ ကျေးလက်သို့ ပြောင်းရွှေ့နေထိုင်စေသောအစီအမံများဖြင့် လူဦးရေရွေ့ပြောင်း မှုနှင့် မြို့ပြကြီးထွားမှုကို ထိန်းချုပ်ရန်ရည်ရွယ်သည့် လူဦးရေနှင့် အလုပ်သမား ပြောင်းရွှေ့နေရာ ချထားရေး မူဝါဒကိုချမှတ်ခဲ့သည်။
 ✅ဗီယက်နမ်၏ နိုင်ငံရပ်ခြား ရွှေ့ပြောင်း အလုပ်သမားအရေအတွက်မှာ ၂၀၀၉ ခုနှစ်တွင် ၇၉,၀၀၀ ဖြစ်သော်လည်း ဗီယက်နမ် အစိုးရသည် ယင်းအရေအတွက်ကို နှစ်ဆတိုးရန် စီစဉ်ခဲ့သည်။ ယင်းကို အောင်မြင်စေရန် အတွက် ဗီယက်နမ်အစိုးရသည် ၎င်း၏အလုပ်သမားအတွက် အလုပ်အကိုင် အမျိုးအစားများ ကွဲပြား၍ ဝင်ငွေပိုမိုမြင့်မားပြီး ပိုမိုလုံခြုံသော ထိုင်ဝမ်၊ ဂျပန်၊ ကိုရီးယား၊ မလေးရှား၊ အရှေ့အလယ်ပိုင်းနိုင်ငံများနှင့် အလုပ်သမားဖလှယ်ရေး ဆက်ဆံရေးကို ထိန်းသိမ်းထား ရန်ဆောင်ရွက်ခဲ့ပါသည်။
 ✅အလုပ်သမားစျေးကွက်သစ်များ ဖွင့်လှစ်ခြင်းအနေဖြင့် အမေရိကန်၊ သြစတြေးလျ၊ ကနေဒါ၊ ချက်သမ္မတနိုင်ငံ၊ ရုရှား၊ လစ်ဗျား၊ ကာတာ၊ ဘာရိန်း၊ UAEနိုင်ငံများသို့ တင်ပို့ရန် အာရုံစိုက်ခဲ့သည်။ ဤရည်မှန်းချက်နှင့်အညီ ၂၀၀၆ ခုနှစ်တွင် ဗီယက်နမ် အလုပ်သမားဝန်ကြီးဌာနသည် ဗီယက်နမ် အလုပ်သမားများအား နိုင်ငံခြားသို့ အလုပ်မပို့မီ အလုပ်အကိုင်သင်တန်းနှင့် လမ်းညွှန်ပေးမည့်မူဝါဒကို ချမှတ်ခဲ့သည်။
 ✅ယေဘူယျအားဖြင့် ဗီယက်နမ်သည် ၎င်း၏ အလုပ်သမား လက်ခံရေးနိုင်ငံများ နှင့် နှစ်နိုင်ငံ အလုပ်သမားဝန်ဆောင်မှု သဘောတူညီချက်များပေါ်တွင် တည်ဆောက်ထားသော ဗဟိုချုပ်ကိုင်မှုဖြင့် စီမံထားသော အလုပ်သမား တင်ပို့မှုဆိုင်ရာ ကြားဝင်ဆောင်ရွက်ရေး မူဝါဒကို ချမှတ်ခဲ့သည်။ အစိုးရ၏ ကြိုးပမ်းဆောင်ရွက်မှု များရှိသော်လည်း လက်တွေ့တွင် အကောင်အထည်ဖော်မှုသည် ကြီးမားသော ပြဿနာတစ်ခုအဖြစ် ရှိနေသည်ကို တွေ့ရှိရသည်။
#ThinkTankMyanmar
Telegram
 TikTok
 Facebook
 Youtube

အရှေ့တောင်အာရှနိုင်ငံများ၏ ရွှေပြောင်းအလုပ်သမားများနှင့်ပတ်သက်၍ခြုံငုံ သုံးသပ်ချက်၊ အပိုင်း(၉) တီမောလက်စ်တီနိုင်ငံ
 ✅တီမောလက်စ်တီ (အရှေ့တီမော) သည် အရှေ့တောင်အာရှတွင် သက်တမ်းအတိုဆုံးနိုင်ငံဖြစ်သည်။ ပြည်တွင်းတွင် နှစ်စဉ် လုပ်သားအသစ် ၁၅,၀၀၀ ခန့် ဈေးကွက်ထဲဝင်ရောက်နေသော်လည်း တရားဝင်အလုပ်အကိုင် ၇၀,၀၀၀ ခန့်သာရှိသဖြင့် ပြည်ပအလုပ်အကိုင်သည် အဓိကထွက်ပေါက်ဖြစ်လာသည်။
 ✅တီမောလက်စ်တီသည် ရွှေ့ပြောင်းအလုပ်သမားအခွင့်အရေးကာကွယ်ရေးကို အဓိကထားဆောင်ရွက်လျက်ရှိပြီး ၂၀၂၆ ခုနှစ်၊ ဇန်နဝါရီလတွင် JICA နှင့်ပူးပေါင်း၍ ရွှေ့ပြောင်းအလုပ်သမားအခွင့်အရေးဆိုင်ရာ အလုပ်ရုံဆွေးနွေးပွဲကျင်းပ၍ မူဝါဒအသစ် များ ချမှတ်နိုင်ရေး ဆောင်ရွက်လျက်ရှိသည်။ သြစတြေးလျနိုင်ငံ၏ Seasonal Worker Programme (SWP) နှင့် Pacific Labour Scheme (PLS)၊ တောင်ကိုရီးယား၏ Employment Permit System (EPS) တို့တွင် ပါဝင်လျက်ရှိပြီး ၂၀၁၂ ခုနှစ်မှစ၍ အလုပ်သမား ၃,၀၀၀ နီးပါး သြစတြေးလျတွင် အလုပ်လုပ်ကိုင်ခဲ့သည်။
 ✅ငွေလွှဲပြောင်းမှုသည် ၂၀၂၁ ခုနှစ်တွင် အမေရိကန်ဒေါ်လာ ၁၇၁ သန်းရှိပြီး အမျိုးသားဝင်ငွေ၏ ၈.၇ ရာခိုင်နှုန်းခန့်ရှိသဖြင့် စီးပွားရေးအတွက် အရေးပါသော ဝင်ငွေရင်းမြစ်ဖြစ်နေသည်ကို တွေ့ရှိရသည်။
#ThinkTankMyanmar
Telegram
 TikTok
 Facebook
 Youtube

အရှေ့တောင်အာရှနိုင်ငံများ၏ ရွှေပြောင်းအလုပ်သမားများနှင့်ပတ်သက်၍ ခြုံငုံ သုံးသပ်ချက်၊ အပိုင်း(၈) ထိုင်းနိုင်ငံ
 ✅၂၀၀၂ ခုနှစ်နှင့် ၂၀၀၅ ခုနှစ်များတွင် ထိုင်းနိုင်ငံသည် ၎င်းတို့အတွက် အရေးပါသော အလုပ်သမားလက်ခံနိုင်ငံနှစ်ခုဖြစ်သည့် ထိုင်ဝမ်၊ တောင်ကိုးရီးယားတို့နှင့် သဘော တူညီချက်များ လက်မှတ်ရေးထိုးခဲ့ပြီး ပြည်ပအလုပ်အကိုင်ရှာဖွေနေသော ရွှေ့ပြောင်း လုပ်သားများအတွက် ကုန်ကျစရိတ် လျှော့ချရန် ကြိုးပမ်းခဲ့သည်။
 ✅ကျွမ်းကျင်မှု နည်းပါးသော ထိုင်းနိုင်ငံသား ၅ သိန်းခန့်သည် အခြားနိုင်ငံများတွင် အလုပ်လုပ် နေသော်လည်း ထိုင်းနိုင်ငံသည် ၂၀၀၇ ခုနှစ်တွင် နိုင်ငံခြားအလုပ်သမား ၂ ဒသမ ၄ သန်းခန့် လက်ခံထားသည့် နိုင်ငံဖြစ်လာပြီး အများစုမှာ အထောက်အထားမဲ့များဖြစ်သည်။ ထိုင်းနိုင်ငံသည် မြန်မာ၊ လာအိုနှင့် ကမ္ဘောဒီးယားနိုင်ငံတို့မှ ခန့်မှန်းခြေ နှစ်သန်းခန့်ရှိသော အလုပ်သမား ရှာဖွေရေးနှင့် အလုပ်အကိုင်ခန့်ထားမှုဆိုင်ရာ ပြည့်စုံသောဥပဒေတစ်ရပ်ကို ၂၀၀၈ ခုနှစ်တွင် အတည်ပြုခဲ့သည်။ ကျွမ်းကျင်မှုနည်းပါးသော ရွှေ့ပြောင်း အလုပ်သမားများကို ယာယီအနေဖြင့် ၂ နှစ် အလုပ်လုပ်ခွင့်ပါမစ်ဖြင့် နိုင်ငံအတွင်း အလုပ်လုပ်ကိုင်ခွင့်ပေးခဲ့ပြီး အထောက်အထားမဲ့အလုပ်သမားများနှင့် ၎င်းတို့၏ အလုပ်ရှင်များအပေါ် ပြစ်ဒဏ်များ တိုးမြှင့်ခဲ့သည်။
  ✅လွန်ခဲ့သည့် ဆယ်စုနှစ်များအတွင်း ထိုင်းနိုင်ငံသည် အိမ်နီးချင်းနိုင်ငံများမှ အထောက်အထားမဲ့ ရွှေ့ပြောင်းနေထိုင်သူများအား ပုံမှန်ပြန်လည်ပို့ဆောင်ရေးကို လွယ်ကူ ချောမွေ့စေရန် နှစ်နိုင်ငံသဘောတူညီချက်များ၊ လွတ်ငြိမ်းချမ်းသာခွင့်များနှင့် မှတ်ပုံတင်ခြင်း လုပ်ငန်းစဉ်များမှတစ်ဆင့် ကြိုးပမ်းခဲ့သော်လည်း အောင်မြင်မှုနည်းပါးခဲ့သည်။
  ✅ထိုင်းနိုင်ငံသည် မြန်မာနိုင်ငံမှ ဒုက္ခသည်အမည်ခံရွှေ့ပြောင်းအလုပ်သမားများနှင့် နိုင်ငံရေးခိုလှုံသအရေအတွက် အများအပြားကို လက်ခံထားသည်။ ထိုင်းနိုင်ငံရှိ ရွှေ့ပြောင်းနေထိုင်မှု မူဝါဒကို ရေးဆွဲရာတွင် စီးပွားရေးလုပ်ငန်း အုပ်စုများမှ လွှမ်းမိုးမှုရှိပြီး မတူညီသော အစိုးရအေဂျင်စီများနှင့် ယှဉ်ပြိုင်မှုများ ရှိနေသည်ကို တွေ့ရှိရသည်။
#ThinkTankMyanmar
Telegram
 TikTok
 Facebook
 Youtube

အရှေ့တောင်အာရှနိုင်ငံများ၏ ရွှေပြောင်းအလုပ်သမားများနှင့်ပတ်သက်၍ ခြုံငုံ သုံးသပ်ချက်၊ အပိုင်း(၇) စင်ကာပူနိုင်ငံ
 ✅စင်ကာပူနိုင်ငံသည် ရွှေ့ပြောင်းအလုပ်သမားများကို ကျွမ်းကျင်မှုအဆင့်အလိုက် ခွဲခြားထားပြီး ONE Pass၊ Employment Pass (EP)၊ S Pass နှင့် Work Permit ဟူသော အလုပ်ခွင့်ပြုချက် အမျိုးအစားလေးမျိုးဖြင့် စီမံခန့်ခွဲသည်။
 ✅စင်ကာပူနိုင်ငံတွင် ရွှေ့ပြောင်းအလုပ်သမားများသည် လုပ်သားအင်အား စုစုပေါင်း၏ ခန့်မှန်းခြေ ၄၀ ရာခိုင်နှုန်းခန့်ရှိပြီး ၂၀၂၅ ခုနှစ်၊ ဒီဇင်ဘာလအထိ စုစုပေါင်း ၁.၆ သန်းကျော်ရှိသည်။ လုပ်ငန်းကဏ္ဍအလိုက် ကြည့်ပါက ဆောက်လုပ်ရေးတွင် ၄ သိန်းခန့်၊ ထုတ်လုပ်မှုတွင် ၃ သိန်းခန့်၊ ဝန်ဆောင်မှုတွင် ၃ သိန်းခန့်နှင့် အိမ်အကူလုပ်ငန်းတွင် ၃ သိန်းကျော်နှင့် အခြားကဏ္ဍတို့တွင် လုပ်ကိုင်လျက်ရှိသည်။
 ✅စင်ကာပူတွင် အလုပ်ရှင်များသည် အလုပ်သမားများ၏ နိုင်ငံကူးလက်မှတ်များ သိမ်းဆည်းခြင်း သို့မဟုတ် အလုပ်ချိန်ပိုခကို ပုံသေထောက်ပံ့ကြေးဖြင့် နုတ်ယူခြင်းကို ဥပဒေက တားမြစ်ထားပြီး အလုပ်သမားများသည် TADM ထံ တိုင်ကြားနိုင်သည်။ သို့သော် လက်တွေ့တွင် Work Permit ကိုင်ဆောင်သူများသည် အလုပ်ရှင်ကို ပြောင်းလဲလိုပါက အလုပ်ရှင်အသစ်က လျှောက်ထားရမည်ဖြစ်သောကြောင့် အလုပ်ရှင်အပေါ် မှီခိုမှုကြီးမား နေဆဲဖြစ်သည်။
 ✅၂၀၂၆ ခုနှစ်၊ ဇွန်လတွင် အလုပ်သမား ၄၀၀ ကျော်သည် လုပ်ခများစွာ မရရှိဘဲ လုပ်ငန်းရပ်ဆိုင်းခြင်း သို့မဟုတ် ဖျက်သိမ်းခြင်းကြောင့် ပြဿနာများ ကြုံတွေ့ခဲ့ရကာ NGO များက လုပ်ခကာကွယ်မှုရန်ပုံငွေ သို့မဟုတ် အာမခံစနစ် တည်ထောင်ရန် တောင်းဆိုလျက်ရှိသည်ကို တွေ့ရှိရသည်။
#ThinkTankMyanmar
Telegram
 TikTok
 Facebook
 Youtube

အရှေ့တောင်အာရှနိုင်ငံများ၏ ရွှေပြောင်းအလုပ်သမားများနှင့်ပတ်သက်၍ ခြုံငုံ သုံးသပ်ချက်၊ အပိုင်း(၆) ဖိလစ်ပိုင်နိုင်ငံ
 ✅အာဆီယံနှင့် ဒေသတွင်းနိုင်ငံများတွင် ပြည်ပအလုပ်အကိုင်မှ ရရှိသည့် လုပ်သားလွှဲငွေ (Remittance) သည် အိမ်ထောင်စုများ၏ ဝင်ငွေတိုးတက်ရေး၊ ဆင်းရဲနွမ်းပါးမှု လျှော့ချရေးနှင့် နိုင်ငံခြားငွေဝင်ရောက်မှု တိုးတက်ရေးတို့အတွက် အရေးပါသော အခန်းကဏ္ဍမှ ပါဝင်လျက်ရှိ ပါသည်။ အထူးသဖြင့် ဖိလစ်ပိုင်နိုင်ငံသည် ပြည်ပအလုပ်အကိုင် စီမံခန့်ခွဲမှုနှင့် လုပ်သားလွှဲငွေ များကို နိုင်ငံ့စီးပွားရေးဖွံ့ဖြိုးတိုးတက်ရေးအတွက် အကျိုးအမြတ်များစွာ ရရှိလျက်ရှိပါသည်။
ဖိလစ်ပိုင်နိုင်ငံသည် ပြည်ပရောက်လုပ်သားများ၏ လွှဲပို့ငွေ (Remittances) ကို နိုင်ငံ့အမျိုးသား စီးပွားရေး၏ အဓိကမဏ္ဍိုင်တစ်ခုအဖြစ် ရေရှည်စနစ်တကျ စီမံခန့်ခွဲနေသည့်နိုင်ငံ တစ်နိုင်ငံဖြစ် ပါသည်။ ၂၀၂၄ ခုနှစ်တွင် ထုတ်ပြန်ထားသည့် Philippines Statistics Authority ၏ အချက် အလက်များအရ ဖိလစ်ပိုင်နိုင်ငံ၏ ပြည်ပရောက်အလုပ်သမားအရေအတွက်သည် ၂.၁၉ သန်းခန့် ရှိပြီး မိသားစုထံလွှဲငွေသည် ပြည်တွင်းအသားတင်ထုတ်လုပ်မှုတန်ဖိုး(GDP)၏ ၁၀ ရာခိုင်နှုန်းခန့် ရှိသည်ကို အောက်ပါအတိုင်း တွေ့ရှိရပါသည်-
 ✅ဥပဒေဖြင့် ထိန်းကျောင်းခြင်း။ Republic Act 8042 (Migrant Workers and Overseas Filipinos Act of 1995) သည် ပြည်ပရောက် ဖိလစ်ပိုင်လုပ်သားများ၏ အခွင့်အရေး၊ လုံခြုံရေးနှင့် သက်သာချောင်ချိရေးကို အပြည့်အဝ ကာကွယ်ပေးရန် ပြဋ္ဌာန်းခဲ့သည့် အဓိကပင်မဥပဒေဖြစ်သည်။၂၀၁၀ ပြည့်နှစ်တွင် ဖြည့်စွက်ချက်များ ပြင်ဆင်ပြဋ္ဌာန်းခဲ့ပြီး အလုပ်ရှင်ဘက်မှ လုပ်သားများအတွက် မဖြစ်မနေ အာမခံ ထားပေးရသည့် အသက်အန္တရာယ်၊ မတော်တဆမှု၊ ဆေးကုသစရိတ်နှင့် လုပ်ခ လစာ မရရှိပါက လျော်ကြေး စသည့်အချက်များ ပါဝင်သည်ကို တွေ့ရှိရသည်။
 ✅ပြည်ပလုပ်သားများအတွက် လုပ်ငန်းစဉ်များ။  ပြည်ပသို့ မထွက်ခွာမီ PEOS (Pre-Employment Orientation Seminar) နှင့် PDOS (Pre-Departure Orientation Seminars) သင်တန်းများ ဖွင့်လှစ်သင်ကြားပေးပြီး ငွေကြေးစုဆောင်းမှု၊ ရင်းနှီး မြှုပ်နှံမှု၊ သွားရောက်မည့်နိုင်ငံ၏ ယဉ်ကျေးမှု၊ ဥပဒေ၊ မိမိ၏အခွင့်အရေးများ၊ ဒစ်ဂျစ်တယ်ငွေလွှဲစနစ်များကို စနစ်တကျ အသုံးပြုတတ်စေရန်နှင့် အရေးပေါ် အကူအညီဖုန်းနံပါတ်များကို မဖြစ်မနေထည့်သွင်းသင်ကြားပေးလျက်ရှိပါသည်။ ထို့အပြင် ပြည်ပသို့ ထွက်ခွာမည့်လုပ်သားတစ်ဦးချင်းအနေဖြင့် Overseas Employment Certificate (OEC) တွင် (လက်ရှိအချိန်တွင် DMW Mobile App မှတစ်ဆင့် OFW Pass အဖြစ် ပြောင်းလဲထား) မှတ်ပုံတင်ရပြီး ၎င်းစနစ်မှတစ်ဆင့် လွှဲငွေစနစ်နှင့်အစိုးရ၏ ဝန်ဆောင်မှုများအား ချိတ်ဆက်ထားပါသည်။
 ✅အစိုးရ၏ အဓိကဆောင်ရွက်ချက်များ
  👉၂၀၂၁ ခုနှစ်တွင် လုပ်သားမူဝါဒများ ပိုမိုထိရောက်မြန်ဆန်စေရေးနှင့် လွယ်ကူစွာ ဆောင်ရွက်နိုင်ရန်အတွက် Department of Migrant Workers (DMW) ကို သီးသန့်ဝန်ကြီးဌာနအဖြစ် စတင်ဖွဲ့စည်းခဲ့ပြီး ပြည်ပထွက်ခွာခွင့် စိစစ်ခြင်း၊ မူဝါဒချမှတ်ခြင်းနှင့် လုပ်သားရေးရာ ဝန်ဆောင်မှုစသည့် လုပ်ငန်းစဉ်များ ရှုပ်ထွေးမှုမရှိဘဲ တာဝန်ယူမှု၊ တာဝန်ခံမှုရှိရှိဖြင့် ဆောင်ရွက်နိုင်ခဲ့သည်ကို တွေ့ရှိရပါသည်။
 👉ပြည်ပရောက်လုပ်သားများအနေဖြင့် တရားဝင်ဘဏ်များမှတစ်ဆင့်ငွေလွှဲမှု မြန်ဆန်လွယ်ကူစေရေးအတွက် Overseas Filipino Bank(OFBank) အား ဒီဂျစ်တယ်ဘဏ်အဖြစ် တည်ထောင်ထားပြီး အခကြေးငွေ သက်သာစွာဖြင့် ပြည်တွင်းသို့ ငွေလွှဲပြောင်းနိုင်ရန် ဆောင်ရွက်ပေးထားသည်ကို တွေ့ရှိရ ပါသည်။
 👉Section 35 of RA 8042 အရ ပြည်ပလုပ်သားများ ပြည်တွင်းသို့ ပြန်လည် လွှဲပြောင်းပေးပို့သည့် လွှဲငွေအပေါ် တိုက်ရိုက်အခွန်(Direct Tax)ကောက်ခံ ခြင်းမှ ကင်းလွတ်ခွင့်ပေးထားပြီး တရားမဝင် ပြင်ပငွေလွှဲလမ်းကြောင်းများ အစား ဘဏ်စနစ်ကို ပိုမိုသုံးစွဲလာစေပြီး ဗဟိုဘဏ်(BSP)၏ ခွင့်ပြုချက်ဖြင့် ကမ္ဘာတစ်ဝန်းရှိ FinTech အက်ပ်များ၊ ပြည်ပငွေလွှဲဝန်ဆောင်မှုများနှင့် ဖိလစ်ပိုင်နိုင်ငံ၏ GCash,Maya Mobile Pay များဖြင့်  တိုက်ရိုက်ချိတ်ဆက် ပေးထားသည်ကို တွေ့ရှိရပါသည်။
👉တရားမဝင်ငွေလွှဲမှုများ တားဆီးနိုင်ရေးအတွက် Anti-Money Laundering Act (AMLA - RA 9160) အား ပြဌာန်းထားပြီး တရားမဝင် ငွေကြေး လွှဲပြောင်းမှုများကို ထိရောက်စွာ အရေးယူသည့်အပြင် ငွေကြေးဆိုင်ရာ လုံခြုံရေးနှင့် သံသယဖြစ်ဖွယ် ငွေလွှဲမှုများကို စိစစ်ဆောင်ရွက်ပေးလျက် ရှိပါသည်။
#ThinkTankMyanmar
Telegram
 TikTok
 Facebook
 Youtube

"တည်ငြိမ်အေးချမ်းရေးမှသည် ဖွံ့ဖြိုးတိုးတက်ရေးဆီသို့"

🕊လွတ်လပ်ရေးအတူ ပေါ်ပေါက်လာသည့် ပြည်တွင်းလက်နက်ကိုင်ပဋိပက္ခများသည် နိုင်ငံတော်နှင့် တိုင်းရင်းသားပြည်သူများအတွက် ထိခိုက်ဆုံးရှုံးမှု များစွာ ဖြစ်ပေါ်စေခဲ့ပြီး ဒေသဖွံ့ဖြိုးရေး၊ ပညာရေး၊ ကျန်းမာရေးနှင့် လူမှုစီးပွားဘဝများ ထိခိုက်စေခဲ့သည်မှာ လက်ရှိသင်ခန်းစာများက သက်သေပြလျက်ရှိသည်။

🕊နိုင်ငံတစ်နိုင်ငံအနေဖြင့် တည်ငြိမ်အေးချမ်းမှုမရှိဘဲ ဖွံ့ဖြိုးရေးလုပ်ငန်းများ ထိရောက်စွာ ဆောင်ရွက်နိုင်မည် မဟုတ်ပေ။ ထို့အပြင် ရှေ့က ဖွံ့ဖြိုးရေးလုပ်ငန်းများ လုပ်ဆောင်နေသော်လည်း နောက်က အဖျက်လုပ်ငန်းများ ဆက်လက်ဖြစ်ပေါ်နေပါက "သမင်မွေးရင်း၊ ကျားစားရင်း" ဆိုသည့်အတိုင်း ရည်မှန်းချက်များ အကောင်အထည်ပေါ်လာမည် မဟုတ်ပါ။

🕊ထို့ကြောင့် ငြိမ်းချမ်းရေးညှိနှိုင်းကြသူများအကြား "ဖြစ်ချင်တာထက် ဖြစ်သင့်တာတွေ ဦးစားပေးရေး" ဆိုသည့် မူဘောင်ကို လက်ကိုင်ထား၍ ဆွေးနွေး သင့်ပါသည်။
သဘောထားကွဲလွဲမှုများကို လက်နက်ကိုင်နည်းလမ်းဖြင့် ဖြေရှင်းမည့်အစား နိုင်ငံနှင့်ပြည်သူ့အကျိုးကို ရှေးရှုပြီး ဆွေ့ဆုံဆွေးနွေး ညှိနှိုင်းအဖြေရှာနိုင်မှသာ
အနာဂတ်မျိုးဆက်သစ်များအတွက် တည်ငြိမ်အေးချမ်းရေးနှင့် ဖွံ့ဖြိုးတိုးတက်ရေးကို လက်ဆင့်ကမ်းအမွေအဖြစ် ပေးအပ်နိုင်မည်ဖြစ်ပါသည်။

#ThinkTankMyanmar
Telegram

 TikTok

 Facebook

 Youtube

အရှေ့တောင်အာရှနိုင်ငံများ၏ ရွှေပြောင်းအလုပ်သမားများနှင့်ပတ်သတ်၍ ခြုံငုံ သုံးသပ်ချက်၊ အပိုင်း(၅) မလေးရှားနိုင်ငံ
 ✅ရွှေ့ပြောင်းအလုပ်သမားများသည် မလေးရှား အလုပ်သမား စုစုပေါင်း၏ ၂၅ရာခိုင်နှုန်းမှ ၃၀ ရာခိုင်နှုန်း ကြားရှိသည်။ မလေးရှားနိုင်ငံရှိ ရွှေ့ပြောင်းအလုပ်သမားများ နှင့်ပတ်သက်သည့် မူဝါဒအတွက် စိန်ခေါ်မှုမှာ နိုင်ငံရပ်ခြား အလုပ်သမားများအပေါ် မှီခို နေရုံ သာမက ၎င်း၏နယ်နိမိတ်အတွင်း ပုံမှန်မဟုတ်သော ရွှေ့ပြောင်းလုပ်သား အများအပြား ရှိနေခြင်းလည်းဖြစ်သည်။
 ✅မလေးရှားတွင် အထောက်အထားမဲ့ ရွှေ့ပြောင်းအလုပ်သမား ၁ သန်းမှ ၂ သန်း ကြားရှိကြောင်း မလေးရှား အလုပ်သမားသမဂ္ဂကွန်ဂရက်က ခန့်မှန်းထားသည်။ မလေးရှားသည် ပုံမှန်မဟုတ်သော ရွှေ့ပြောင်းအလုပ်သမားများကို အမျိုးသားလုံခြုံရေး ပြဿနာအဖြစ် ထားရှိဆဲ ဖြစ်သည်။ မလေးရှားနိုင်ငံ၏ နိုင်ငံတကာ ရွှေ့ပြောင်းနေထိုင်သူများကို အမျိုးအစား ခွဲခြင်းနှင့် ထိန်းညှိခြင်းဆိုင်ရာ အဆင့်ဆင့်သော တရားစီရင်ရေးစနစ်အား နိုင်ငံအတွင်းနှင့် နိုင်ငံတကာရွှေ့ပြောင်း အသိုက်အဝန်းမှ ဝေဖန်မှုများ ရှိနေဆဲဖြစ်သည်။
 ✅လူဝင်မှုကြီးကြပ်ရေး မူဝါဒသည် ရွှေ့ပြောင်းလုပ်သားများကို အကာအကွယ်ပေးခြင်း သို့မဟုတ် နိုင်ငံတွင်းသို့ ပုံမှန်မဟုတ်သော ရွှေ့ပြောင်းသွားလာမှုကို လျှော့ချရာတွင် တောင့်တင်းခိုင်မာမှုမရှိသော အမျိုးသားရေးဝါဒီများအပေါ်တွင် မှီခိုလျက်ရှိသည်ကို တွေ့ရှိရသည်။
#ThinkTankMyanmar
Telegram
 TikTok
 Facebook
 Youtube

အရှေ့တောင်အာရှနိုင်ငံများ၏ ရွှေပြောင်းအလုပ်သမားများနှင့်ပတ်သတ်၍ ခြုံငုံ သုံးသပ်ချက်၊ အပိုင်း(၄) လာအိုနိုင်ငံ
 ✅လာအိုနိုင်ငံသည် ပြည်တွင်းလုပ်ခနည်းပါးမှုနှင့် ငွေကြေးဖောင်းပွမှုကြောင့် အလုပ်သမားများ ပြည်ပသို့ အများအပြား ထွက်ခွာလျက်ရှိသည်။ ၂၀၂၆ ခုနှစ် ပထမ ၉ လအတွင်း အလုပ်အကိုင်ရရှိသူ ၁၁၉,၃၈၂ ဦးအနက် ၁၀၃,၆၁၀ ဦးသည် ပြည်ပတွင် အလုပ်လုပ်ကိုင်နေကြပြီး၊ လွန်ခဲ့သော ဆယ်စုနှစ်အတွင်း ပြည်ပသို့ထွက်ခွာသူ ၇၀၈,၇၅၁ ဦးအနက် ၉၅ ရာခိုင်နှုန်းနီးပါးသည် ထိုင်းနိုင်ငံသို့ ရောက်ရှိခဲ့သည်။ ပြည်ပအလုပ်သမားများ၏ ငွေလွှဲပြောင်းမှုသည် ၂၀၂၆ ခုနှစ် ပထမ ၇ လအတွင်း အမေရိကန်ဒေါ်လာ ၅၀၀.၇ သန်းအထိ ရောက်ရှိခဲ့ပြီး နိုင်ငံစီးပွားရေးအတွက် အရေးပါသော ဝင်ငွေရင်းမြစ်အဖြစ် ပါဝင်လျက်ရှိသည်။
 ✅အစိုးရအနေဖြင့် အနည်းဆုံးလုပ်ခများ တိုးမြှင့်ရန် စီစဉ်လျက်ရှိပြီး အလုပ်အကိုင်ရှာဖွေရေးဝန်ဆောင်မှုစင်တာများ အဆင့်မြှင့်တင်ခြင်းနှင့် မိုဘိုင်းအက်ပ် ဖန်တီးခြင်းတို့ကို ဆောင်ရွက်လျက်ရှိသည်။ ထိုင်းနိုင်ငံနှင့် MOU စနစ်ဖြင့် အလုပ်သမား ၂၆၁,၃၃၉ ဦး တရားဝင်စေလွှတ်ထားသော်လည်း အလုပ်သမားအများစုသည် တရားဝင် မဟုတ်သော လမ်းကြောင်းများမှ ထွက်ခွာနေဆဲဖြစ်ကာ ၂၀၂၄ ခုနှစ်တွင် ၇၃,၀၀၀ ကျော်သည် အထောက်အထားမရှိဘဲ ပြည်ပတွင် အလုပ်လုပ်ကိုင်လျက်ရှိသည်ကို တွေ့ရှိ ရသည်။
#ThinkTankMyanmar
Telegram
 TikTok
 Facebook
 Youtube

ခရင်မလင်၌ မြန်မာ-ရုရှား သမ္မတနှစ်ဦးတွေ့ဆုံမှု လူမှုကွန်ရက်ပေါ်တွင် စိတ်ဝင်စားမှုမြင့်တက်

နိုင်ငံတော်သမ္မတ ဦးမင်းအောင်လှိုင်၏ ရုရှားဖက်ဒရေးရှင်းနိုင်ငံ တရားဝင်ခရီးစဉ်အတွင်း ရုရှားသမ္မတ မစ္စတာ ဗလာဒီမာပူတင်နှင့် မော်စကိုမြို့ ခရင်မ္မလင်နန်းတော်၌ တွေ့ဆုံဆွေးနွေးခဲ့မှုသည် ရုရှားနိုင်ငံခြားရေးဝန်ကြီးဌာန၏ Facebook စာမျက်နှာနှင့် X လူမှုကွန်ရက်တို့တွင် စိတ်ဝင်စားမှုမြင့်တက်ခဲ့သည့် အကြောင်းအရာများအနက် ပါဝင်ခဲ့သည်။

ရုရှားနိုင်ငံခြားရေးဝန်ကြီးဌာန၏ Facebook စာမျက်နှာတွင် ဖော်ပြထားသည့် သမ္မတနှစ်ဦး တွေ့ဆုံမှု ရုပ်သံမှတ်တမ်းအတို (Reel) သည် ကြည့်ရှုမှု ၂.၅ သန်းကျော် ရရှိခဲ့ပြီး အဆိုပါစာမျက်နှာ၌ ယင်းကာလအတွင်း ဖော်ပြထားသည့် ရုပ်သံမှတ်တမ်းများအနက် ကြည့်ရှုမှုမြင့်မားသည့် အကြောင်းအရာတစ်ခု ဖြစ်လာခဲ့သည်။

အလားတူ ဩဂုတ် ၁၈ ရက်က ခရင်မ္မလင်နန်းတော်၌ ပြုလုပ်ခဲ့သည့် သမ္မတနှစ်ဦး တွေ့ဆုံဆွေးနွေးမှုနှင့်ပတ်သက်၍ “Putin Hosts Myanmar Leader at Kremlin for Partnership Talks” ဟူသည့် အကြောင်းအရာသည် နောက်တစ်နေ့ ဩဂုတ် ၁၉ ရက်တွင် X လူမှုကွန်ရက်၌ သတင်းအဖြစ် ကျယ်ကျယ်ပြန့်ပြန့် ပျံ့နှံ့ခဲ့ပြီး ထိုအချိန်က စိတ်ဝင်စားမှုမြင့်တက်နေသည့် သတင်းအကြောင်းအရာများအနက် ပါဝင်ခဲ့သည်။

ယင်းတွေ့ဆုံမှုတွင် မြန်မာ-ရုရှား နှစ်နိုင်ငံဆက်ဆံရေးနှင့် ပူးပေါင်းဆောင်ရွက်မှုများ တိုးမြှင့်ရေးဆိုင်ရာ အကြောင်းအရာများကို ဆွေးနွေးခဲ့ကြပြီး နိုင်ငံတကာသတင်းမီဒီယာများကလည်း သမ္မတနှစ်ဦးတွေ့ဆုံမှုနှင့် ခရီးစဉ်ဆိုင်ရာ သတင်းများကို ဆက်လက်ဖော်ပြခဲ့ကြသည်။

နိုင်ငံတော်သမ္မတ၏ ရုရှားခရီးစဉ်နှင့်ပတ်သက်သည့် သတင်းများအနက် သမ္မတနှစ်ဦး ခရင်မ္မလင်နန်းတော်၌ တွေ့ဆုံမှုသည် လူမှုကွန်ရက်အသုံးပြုသူများအကြား ထင်ရှားသည့် စိတ်ဝင်စားမှုရရှိခဲ့သည့် အကြောင်းအရာတစ်ခုဖြစ်ကြောင်း တွေ့ရသည်။